2 SAMUEL 22:4 - WUKE SUSI WATTI'U AL᷊AL᷊USASSA

⁴ I ya'u sussal᷊ande su Mawu apan ṛinone raloanna, i Tou namallo'u wuassu anambon seetta.

2 SAMUEL 22:4 Referans Kwoze

DARALO 18:3

Mawu naal᷊ihidda tanda'a watu apan matohassa tampa i ya'u uatullindumma. Ruata'u naal᷊ihidda wowon batu tampa i ya'u uasirunga. Naal᷊ihidda allunga i Tou, uataappa si ya'u, wuṛṛu ual᷊u'adda si ya'u tadea'u sidutu mal᷊angnganna.

SONDAPPA 5:12

Wuṛṛu i mangitou mangngantari ringannu tingikka apan ma'ikkatta, “Ana'u Domba apan suete nipototta udde, ṛinone manengkama taṛṛino, pa'a'ala, apande wuṛṛu atattohassa; I Tou ṛinone addatanna, wantuhanna wuṛṛu raddaloanna!”

ROMA 10:13

Sulal᷊ummu Wuke Susi uawoṛṛetta, “Anambon taumata apan madorongnga su Mawu, sarun masal᷊amatta.”

DARALO 116:2

I Tou naddaringikka si ya'u, suapawe i ya'u sumal᷊ande si Tou.

DARALO 96:4

Ana waugu wahewalle Mawu, wuṛṛu lembon raddaloanna, ṛinone iaata'utta nilumambalanna wuassu al᷊awo'u monganna.

DARALO 48:1

Daralon ṛuanganni Korah.

SONDAPPA 4:11

“O Mawu, O Ruatang kami! Tumba'u I'o sassane apan wotongnge manengkama daralo, addata wuṛṛu taṛṛino. Ana waugu ete I'o apan na'ola'a sarangkanambone, wuṛṛu wuassu apulu-Nu lai sarangkanambone udde suete nariaddi wuṛṛu wiakka.”

DARALO 116:17

I ya'u sarun mangapiddu sasamba aadiangkamanna Si'o, lapiddu manduittu aal᷊iomanna Si'o.

DARALO 116:13

I ya'u sarun mangapiddu sasamba anggore su Mawu ipaadiangkamanna ana waugu i Tou nantul᷊ung-Nge.

DARALO 116:4

Ne i ya'u sinumal᷊ande Mawu, “Oh Mawu, i ya'u sumal᷊ande, sal᷊amatewe i ya'u!”

DARALO 106:2

Isai wotongnge mamasingkattu atatohassu Mawu, wuṛṛu mangonggolu daralo apan ṛinone si Tou?

DARALO 66:2

Pangantarite wuṛṛu pamantugge aran-Ne, wantuhete i Tou ringannu manga daralo.

DARALO 56:9

I'o mandeengngu manga allo i ya'u mammal᷊intadda, wuṛṛu masingkattu anambon allon mata'u; Apa I'o tawe mandeengnga?

DARALO 55:16

Wala'e see'u mate mal᷊ihakka wuṛṛu ta'e wiakka sumossokka su runian taumata nate, ana waugu al᷊al᷊eo uatana'a su wal᷊en mangitou, su pattangnganni mangitou.

DARALO 50:15

Salandete si Ya'u sutempon asasusa, i Ya'u sarun mamallossi yamiu, wuṛṛu i yamiu sarun maddalo si Ya'u.”

DARALO 34:6

Taumata su asasusa mangngantimma si Tou wuṛṛu lulluassa, i mangitou taweddu pangiananne mabbal᷊i masili.

NEHEMIA 9:5

Patataṛṛamawu su allo udde nitattakku manga taumatan Lewi manansunna indi; Yesua, Kadmiel, Bani, Hasabneya, Serebya, Hodia, Sebanya, wuṛṛu Petahya. I mangitou nabbisara, “Darisikke wuṛṛu paddalote Mawu Ruatan kite! Onggol᷊eten daralo si Tou saran mal᷊annu-l᷊annu! Dalo su aran-Ne apan napenen awawantuga, aranna apan wahewalla, nagillembo wuassu al᷊awo'u daralo!”

2 TAWARIKH 20:22

Sutempo mangangantari manattakke mangantari, Mawu nangal᷊iba'ukku tantaran seetta apan tantal᷊anna mammangalo.