2 SAMUEL 22:3 - WUKE SUSI WATTI'U AL᷊AL᷊USASSA

³ Mawu naal᷊ihidda tanda'a watu apan matohassa. Tampa pasasirungangku. Naal᷊ihidda allungnga i Tou uataappa si ya'u, wuṛṛu ual᷊u'adda tadea'u i ya'u sidutu mal᷊angnganna.

2 SAMUEL 22:3 Referans Kwoze

DARALO 9:9

I Tou uaparenta al᷊awo'u walahanna ringannu atatul᷊idda wuṛṛu makkuungngi mangitou ringannu ṛinone.

YESAYA 12:2

Atonna, Ruata udde Mananal᷊ama'u, i Ya'u mangngimanna si Tou. I Ya'u tawe mata'utta, ana waugu i Tou mannohassa si ya'u. Mananal᷊ama'u uddewe Ruata, ete si tou i ya'u mangngantari.

AMSAL 18:10

Mawu udde naal᷊ihidda menara apan matohassa; ete poiaroddi taumata matul᷊idda inai wuṛṛu maasomba tampa apan mal᷊angnganna.

AMSAL 30:5

Ruata nanipussu suapan paaire-Ne. I tou naal᷊ihidda allungnga su sarangkanambone apan uatillumma si Tou.

DARALO 46:11

Wisara-Ne, “Pangillol᷊ote mapapangalo; asingkatawe, i Ya'u indi Ruata, i Ya'u mawantuga suwallatu manga walahanna, mawantuga su ahewallu runia.”

DARALO 18:2

I ya'u marangngu Si'o, oh Mawu, Ete I'o atatoha'u.

TAHIUL᷊E 33:29

Lal᷊uassa si'o ei Israel! Tawe walahanna ere i'o niapasal᷊amattu Mawu. Mawu naal᷊ihidda hal᷊ele wuṛṛu allungnga si yamiu; ipanamba'a wuṛṛu ipangonggolu auntunganna si yamiu. Manga seennu sarun dumanta madorongnga aakkanna, wuṛṛu i'o sarun maṛṛinda si mangitou.”

PANDARIADDI 15:1

Wua'udde, i Abram naasomba sondappa wuṛṛu naaringikka Mawu nabbisara si tou, “Arie paata'utta, i Abram, i Ya'u sarun mallu'adda si'o wuassu asasilaka, wuṛṛu mangonggolla si'o lal᷊antakke apan manambo.”

IBRANI 2:13

Mawu Yesus nabbisara lai, “I Ya'u sarun mangantimma Ruata.” Wuṛṛu i Tou nabbisara lai, “Indiwe i Ya'u, su sambau ringannu al᷊aṛṛana'a apan suete nionggolu Ruata si Ya'u.”

LUKAS 1:69

I Tou nangonggolla si ite mananal᷊amatta matohassa, papapulunni Daud, allang-Nge.

DARALO 144:2

Ete i Tou matatul᷊ungku wuṛṛu mangangambangku, mananal᷊ama'u tampa i ya'u uasirungnga. I Tou mallal᷊ua'u, tampa tatal᷊angangku, manga walahanna niapasuṛubawa-Ne si ya'u.

DARALO 59:16

I mangitou mammal᷊intadda maddea'a anna, wuṛṛu lullallu amungkangngu tawe nal᷊aidda.

DARALO 14:6

Taumata lal᷊eo maapulu manal᷊are taumata asiangnga, arawe Mawu nabbal᷊i mallal᷊u'adde.

YEREMIA 16:19

Mawu, ete I'o apan ual᷊u'adda si ya'u wuṛṛu nangonggollu atatohassa si ya'u; I'o nantul᷊ungku sutempon asasusa. Manga walahanna wuassu pentakku runia sarun dumanta ringan-Nu wuṛṛu mabbisara, “Al᷊amonan kami tumba'u pia mawu awusu apan mangke tawe gunane.

YESAYA 32:2

I mangitou sangkatou-sangkatou naal᷊ihidda tampa pattillummanna wuassu anginna wuṛṛu tandi'a. I mangitou ere sal᷊ukku apan mangngelekka su wadda'u anne, ere lumman batu wahewalla su leta'a maṛṛasa.

DARALO 140:4

Lilan mangitou naal᷊ihidda atoanna mawisa, manga wisaran mangitou naal᷊ihidda ere atampu.

DARALO 55:9

I ya'u sarun masasaṛṛawutta maddea'a tampa pattulampinganna wuassu tandi'a wuṛṛu anginna ma'ikkata.

DARALO 46:7

Ruata nirumallu'a, ne runia naṛimunsa'a; manga walahanna nata'utta, manga araratuanna nanawo.

LUKAS 1:71

ipanal᷊amatta si ite wuassu seetti ite wuṛṛu wuassu taṛṛino manga taumata apan maddantinni ite.

DARALO 140:11

Wala'e i mangitou aemaannu waṛṛan putungnga, wuṛṛu iramme sulal᷊ummu loṛṛangngu papate, na'oman sara tate maasabbanga apia.

DARALO 140:1

Su piaṛṛa'u mangangantari. Daralon Daud.

DARALO 86:14

Oh Ruata, taumata mawunga naddisikka mamangalo si ya'u, sangkammul᷊anna taumata maṛṛagissa mamate si ya'u; i mangitou tawe mangantagu I'o Mawu.

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

DARALO 84:9

Daringeṛṛewe aal᷊iomangku, oh Mawu Ruata Apan Lembontaṛṛino, daringiṛṛewe, oh Ruatan Yakub.

DARALO 72:14

I Tou namallosi mangitou wuassu pangangallanga wuṛṛu araṛagissa, ana waugu wiakki mangitou tumaniten maarega si tou.

DARALO 71:7

Pabbiaṛṛangku nabbal᷊i tul᷊ada su awadaalla, ana waugu ete I'o pattillummangku apan matohassa.

DARALO 61:3

Marau wuassu wal᷊en i ya'u sussal᷊ande Si'o, ana waugu i ya'u tate antimma. I'o sarun mangehetta si ya'u watukku tampa tatal᷊anganna apan mal᷊angnganna, tampa apan tumaniten matanggakka si ya'u;

DARALO 46:1

Daralon ṛuanganni Korah. Su piaṛa'u mangangantari. Ringannu ronsin Alamot.

DARALO 28:7

Mawu pattillumanna wuṛṛu mananahe'u, i ya'u mangngimanna si Tou. I Tou nantul᷊ungnga wuṛṛu nalluassa naungku, i ya'u maddalo si Tou ringannu aantarin aadiangkamanna.

DARALO 27:5

Mawu ual᷊u'adda si ya'u sutempon asasusa; I Tou namuni'u sulal᷊ummu Wal᷊en-Ne, wuṛṛu namatunna si ya'u watukku wowon batu.

DARALO 5:12

Antimanna anambon taumata apan uasirungnga Si'o lulluassa wuṛṛu hugion lal᷊uassa saran mal᷊annu-l᷊annu. Lu'arewe manga taumata apan marangngu Si'o, tadea'u i mangitou lumuassa ana waugu I'o.

DARALO 3:3

Manambo lai mabbisara manungku Ruata tate mantul᷊ungku.

2 SAMUEL 22:51

Ruata nangonggollu auntunganna apan bahewalla su ratu apan nitene-Ge, I Tou sidutu marangngu taumata apan nipile-Ne, eteudde i Daud wuṛṛu papapulunne saran mal᷊annu-l᷊annu.

2 SAMUEL 22:49

I Tou nanal᷊amatta si ya'u wuassu manga see'u. Mawu, I'o nangonggollu si ya'u auntunganna su see'u, I'o nanirungnga si ya'u wuassu taumata apan maṛṛagissa.

1 SAMUEL 2:1

Wua'udde i Hana niumal᷊iomanna, wisarane, “Mawu nalluassa naungku; inolaan-Ne ma'al᷊uassa ṛimuu'u. Ringannu apendamma lullala'a ya'u nangeetta see'u, ana waugu atonna-tonna Ruata buatte nantul᷊ungku.

TAHIUL᷊E 32:37

Ne Mawu sarun maiwal᷊o al᷊aṛṛanang-Nge, ‘Suapate manga Mawu matohassa apan tantaṛṛimanni yamiu?’

TITUS 3:6

Ruata namobbokku Ghaṛṛaho-Ne si ite sulal᷊ummu Anang-Nge Yesus Kristus, Ratum Punnu Sal᷊amatti ite,

TITUS 3:4

Arawe Ruata, Punnu Sal᷊amatti ite napaal᷊iatta'u darangngu-Ne wuṛṛu apapian naung-Nge si ite.

LUKAS 1:47

wuṛṛu ṛimuu'u lullala'a ana waugu Ruata Mananal᷊ama'u.

YEREMIA 16:9

Paddaringikke si Ya'u, Mawu Apan Lembontaṛṛino, Ruatan Israel, indete mabbisara si'o. Tingikku al᷊al᷊uassa wuṛṛu lal᷊ala'a su andeangngu awingnga Ta'u iapaal᷊annabba abbi. Olangnge udde sarun aellehannu manga taumata wiakka sutempo udde.

YESAYA 45:21

Alaea'e hattonu, apira'e manga tatialane, ore, wala'e i mangitou ma'ire su sambau. Isaite apan nabbal᷊on olangnge udde wuṛṛu namasingkatta ro'en paarorone? Wal᷊inewe i Ya'u, Mawu? Tawe mawu wal᷊ine tumba'u i Ya'u. Ya'u Ruata apan matul᷊idda wuṛṛu Mananal᷊amatta, tawe baine tumba'u i Ya'u!

DARALO 32:7

Ete I'o tampa pa'imbuniangku, I'o namallo'u wuassu asasusa. Ne i ya'u lullala'u al᷊al᷊uassa, ana waugu I'o buatte nanal᷊amatta si ya'u.

DARALO 142:4

Sutempo i ya'u asueanten antimma, I'o masigkattu apa apan ṛinone ta'u olaanna. Su lal᷊anna apan ta'u amatanna, seetta mal᷊anna-l᷊annaba nantaingngu sedda si ya'u.

TAHIUL᷊E 32:4

Mawu mallal᷊u'addu apan matohassa, manara-Ne nasuungnga, wuṛṛu anambon dal᷊anne matul᷊idda. Ruatanu matammuda, tawe pallal᷊inga si Tou, I tou ma'ola'a apapia wuṛṛu mangke suṛṛinone.

1 SAMUEL 2:2

Taweddu apan susi ere Mawu! Tumba'u i Tou apan wotongnge manillumma.

2 SAMUEL 22:31

Inolaannu Ruata nasuungnga, paairen Mawu wotongnge apangimananna! I Tou naal᷊ihidda allungnga su sarangkanambone apan uasirungnga si Tou.

2 SAMUEL 22:47

Mawu udde wiakka! Daralo su mananahe'u! Pamantuge ahahewallu Ruata, mananal᷊ama'u!

2 SAMUEL 23:3

Ruatan Yakub buatte nabbisara; ete si ya'u mallal᷊u'addu Israel nabbisara: “Ratu apan uaparenta tumanangnge ringannu atatul᷊idda apan uapiaṛṛa'a ringannu tatuṛṛutta su Mawu,

SASABANGNGA 15:2

Mawu mananahe'u apan matohassa; ete i Tou nanal᷊amatta si ya'u. I Tou Ruata'u, i ya'u maapulu maddalo si Tou, Ruata sassubbannu iupungngu al᷊amona'u, wabbantuhangku i Tou.

DARALO 9:10

Mawu udde tampa pattillummannu taumata apan aumpisananna, tampa passirunganna sutempon asasusa.

DARALO 46:2

Ruata udde pattillumangku wuṛṛu atatohassi ite; I tou sidutu uasadia wuṛṛu maatul᷊ungnga sulal᷊ummu asasusa.