2 SAMUEL 21:17 - WUKE SUSI WATTI'U AL᷊AL᷊USASSA

¹⁷ Arawe i Abisai ana'i Zeruya nirumanta nangontola si Daud. I tou nando'appa wawalla udde ana see nipate. Wua'udde tantaran Daud sinumal᷊ande tadea'u i Daud tate lai tumantalongnga sulal᷊ummu pangalo. “I Tuangnga udde pangangantimannu Israel, arie ma'oman sara yami awul᷊ianni Tuangnga,” unni mangitou.

2 SAMUEL 21:17 Referans Kwoze

1 MARARATU 11:36

Arawe sambau ṛuanganna sarun Ta'u iwala si tou, tadea'u sidutu pia sangkatou wuassu papapulunni Daud apan mamarenta ana waugu i Ya'u su Yerusalem, soa apan buatte Ta'u nipile maola'a tampa patataṛṛamawuanna si Ya'u.

2 SAMUEL 18:3

Arawe manga taumata udde sinumimbakka, “Arie Tuangnga. Ana waugu amungkangu yami ṛinone tumal᷊angnga, ara'e salaiwe sambageanganna wuassi yami sarun mate, seetta taambe mal᷊uassa, ana waugu ete i Tuangnga apan raddeaanni mangitou. I Tuangnga naal᷊ihidda mapul᷊o ṛiwu wuassi yami. See lai mappianne i Tuangnga mandolokku sasumbala si yami wuassu lal᷊ummu soa.”

DARALO 132:17

Isindi sangkatou papapulunni Daud sarun Ta'u itenega ratu; pamamarentane sarun Ta'u tohassanna.

1 MARARATU 15:4

Arawe, ana waugu i Ratu Daud, Ne Mawu, Ruata apan sassubbanni Daud, buatte nangonggolla si Abiam sangkatou ana'a iapalol᷊ossa si tou mamarenta su Yerusalem wuṛṛu manohassa soa udde.

YOHANES 5:35

I Yohanes udde naal᷊ihida sol᷊o apan luṛṛenggamma wuṛṛu mannemakka. Tumba'u sangkatempo i yamiu mal᷊uassa mannengkamma semakka udde.

DARALO 144:10

I'o nangonggolu auntunganna su manga ratu, wuṛṛu namallossi Daud allang-Ngu.

DARALO 46:1

Daralon ṛuanganni Korah. Su piaṛa'u mangangantari. Ringannu ronsin Alamot.

2 SAMUEL 22:29

I'o nande'omma sasol᷊oangku; Mawu Ruata'u nanemakka ararandungku.

2 SAMUEL 22:19

I mangitou namangalo si ya'u sutempo i ya'u niaṛṛiaannu asasusa arawe Mawu naola'a matatul᷊ungku.

2 SAMUEL 14:7

Ne orassa indi, ṛuangangku sarangkanambone nasaseettu allangngu wuṛṛu maddorongnga tadea'u allangngu manantillu ana'u apan namate udde si mangitou, tadea'u i mangitou makkuumanna ringannu ṛuumanna pateanna, ana waugu i tou buatte namate tuṛṛangnge. Amungkangu allangngu manantillu ana'a udde, allangngu mabbiakka ete sassane. I mangitou sarun mamappassa aantimannu allangngu apan tumba'u sambau wuṛṛu tate ana'a esakka lai su awingku ipanassukku papapulunne.”

YEREMIA 40:15

Ana see ringannu mal᷊anna-l᷊annaba i Yohanan nabbisarate si Gedalya, “Mappianne i ya'u inaite mamate si Ismael; tawe saran sangkatou apan maasingkatta isai namate. Anio i tou ṛinone iwala mamate si'o? Udde pangillul᷊eanne anambon taumatan Yehuda apan uaammulle isindi ringannu, massal᷊iawukke apia, wuṛṛu olangnge udde sarun maaṛṛimunsa'a anambon tumana'u wanua apan ta'e nallambe su Yehuda.”

2 SAMUEL 18:2

Wua'udde i mangitou niapaamatte inai mapapangalo sulal᷊ummu tatallu wageangnge, sambau-sambau su piaṛṛa'i Yoab, i Abisai tuarin Yoab, wuṛṛu i Itai wuassu Gat. Ratu nabbisara manga tantarane, “I ya'u lai tumantalongnga si yamiu.”