2 SAMUEL 19:23 - WUKE SUSI WATTI'U AL᷊AL᷊USASSA

²³ Wua'udde ratu nassalute si Simei, “I ya'u maddiandi manungku i'o tawe iṛṛuumanna pateanna.”

2 SAMUEL 19:23 Referans Kwoze

1 MARARATU 2:46

Napawe buatte nabbisara aroddi, ratu nangonggollu parenta si Benaya, ana see i Benaya inaite namate si Simei. Orassa indi i Salomo uataṛṛino ringannu nasuungnga sulal᷊ummu araratuanne.

1 MARARATU 2:37

Amungkangngu i'o waṛṛani sumabbangnga wuṛṛu inai sumabbi ana'u Sal᷊ukku Kidron, i'o sarun pateanna; wuṛṛu ete i'o sassane apan mamasanna pasasal᷊a udde.”

IBRANI 6:16

Amungkangu manga taumata massalu, i tou massalu ringannu arannu taumata waine apan mattanggaṛṛana wuassi tou, ne sasalu udde mangudusu al᷊awo'u pattatiakka.

1 SAMUEL 30:15

Ana see i Daud naiwal᷊o si tou, “I'o maapulu manguntu'u su tampan taumata lal᷊eo udde?” I tou sinumimbakka, “I ya'u ma'apulu, sambal᷊iate i Tuangnga maddiandi si ya'u sulal᷊ummu arannu Ruata, manungku i Tuangnga tawe mamate si ya'u ara'e ya'u iuntuddi Tuangnga ringannu mawu'u.”

1 SAMUEL 28:10

Ana see i Saul nassalu, wisarane, “Sulal᷊ummu arannu Mawu apan biakka, ya'u maddiandi manungku i'o tawe iṛṛuumangku ana waugu na'ola'a inolaanna indi.”

2 SAMUEL 19:24

Ana see lai i Mefiboset pulunni Saul, nirumanta nanal᷊oho ratu. I tou tawe nangukkassa leddane, tawe nangiṛṛi omengnge, wuṛṛu tawe nabbansalla laungnge ro'en i Ratu Daud nanantangngu Yerusalem na'oman sara i tou nabbelengnga ringannu sal᷊amatta.

1 SAMUEL 11:13

Arawe i Saul nabbisara, “Imbaṛṛangnga pia sangkatou pateanna su allo indi, ana waugu su allo indi Mawu buatte nanal᷊amatta Israel.”

2 SAMUEL 16:10

Arawe ratu nabbisara si Abisai wuṛṛu si Yoab iaangnge, “Ariete paddaringiṛṛe. Wala'e aroddi i tou mantal᷊a'u. Ana waugu amungkangu Mawu nandolokki tou, isai apan pia taṛṛino maiwal᷊o anio inolaanni tou aroddi?”