2 SAMUEL 18:27 - WUKE SUSI WATTI'U AL᷊AL᷊USASSA

²⁷ Mandariaga udde nabbisara, “Taumata apan paarorone udde i Ahimaas. Allangngu naasingkatta wuassu olangnge i tou tumal᷊angnga.” “I tou taumata mapia,” unnu ratu, “i tou sarun uaapiddu watti'a mapia.”

2 SAMUEL 18:27 Referans Kwoze

2 MARARATU 9:20

Mandariaga wal᷊en padariaganna udde nabbal᷊o apia manungku daroloṛṛanna udde na'omate ringannu ammul᷊annu tantara udde, arawe tate nabelengnga. Ana see i tou nabbisara apia, “Asinungka piaṛṛa'u ammul᷊annu tantara udde i Yehu, ana waugu i tou uasa'e keretan pangalone naal᷊ihidda taumata wewa.”

1 MARARATU 1:42

I Yoab taambe lai nuddussa mabbisara, inaṛṛombanganne Yonatan nirumanta, ana'i Imam Abyatar, “Wette sutta'e,” unni Adonia. “I'o taumata mapia, atonna apan uaapidda si'o, watti'a mapia lai.”

ROMA 10:15

Wuṛṛu ereapa taumata wotongnge mangapiddu watti'a udde amungkangngu i mangitou tawe nirolokka? Sulal᷊ummu Wuke Susi uawoṛṛetta arendi, “Apiawe eteapa daranta manga taumata apan uaapiddu Watti'u Al᷊al᷊uassa wuassu Ruata!”

YESAYA 52:7

Al᷊uassawe eteapa maasilo darantan daroloṛṛanna; i tou u'amatta malliu panenteanna wuṛṛu uaapiddu watti'a mapia, watti'u al᷊al᷊uassa, watti'u asasal᷊amatta su Sion; wisarane, “Ruatanu Ratu!”

AMSAL 25:25

Naasengkamma watti'a wuassu wanua marau naal᷊ihidda na'inumma ua'e masunge sutempo marou.

AMSAL 25:13

Daroloṛṛanna apan matuṛṛutta, maal᷊uassa mandarolokke, naal᷊ihidda ua'e masunge su mangangitingnga wailla.

2 SAMUEL 18:26

mandariaga udde naasilo pia sangkatou lai tuttal᷊angnga. Nariaddi i tou niumui, “Pa'ellega! Pia taumata waine lai apan tuttal᷊angnga sassane inawarendi.” Ratu sinumimbakka, “I tou sarun uaapiddu watti'a mapia lai.”