2 SAMUEL 17:25 - WUKE SUSI WATTI'U AL᷊AL᷊USASSA

²⁵ I Absalom buatte nanenegi Amasa naola'a tembonannu tantara nallol᷊ossa si Yoab. I Amasa ana'i Yitra taumatan Ismael; inangngene aranne i Abigail ana'i Nahas, eteudde tuṛṛangngi Zeruya wawine, inangngi Yoab.)

2 SAMUEL 17:25 Referans Kwoze

1 TAWARIKH 2:13

Ana'i Isai esakka siri pitu anambone. Eteindi manga aranni mangitou tumuṛṛuttu uukka: i Eliab, i Abinadab, i Simea,

2 SAMUEL 19:13

I Daud nandolokki mangitou lai niapawal᷊o si Amasa arendi, “Wal᷊inewe i'o hawe'u? Manattakka orassa indi ya'u mamile si'o maola'a tembonannu tantara ipallol᷊ossa si Yoab. Antimanna Mawu mamate si ya'u amungkangu olangnge indi tawe niola'u!”

1 MARARATU 2:32

Mawu sarun makkuumanni tou ana waugu pamamate apan buatte niolangnge ringannu awaganannu iamangku. I Abner tembonannu tantaran Israel, wuṛṛu i Amasa tembonannu tantaran Yehuda, itarua tawe sal᷊ane. Itarua mappianne wuassi Yoab sassane, arawe i tou namate sitarua.

1 MARARATU 2:5

Pia lai hatto sambau! I'o asinungka ma'anaungnga apa apan buatte niola'i Yoab si ya'u ringannu namate darua tembonannu Israel, eteudde i Abner ana'i Ner wuṛṛu i Amasa ana'i Yeter. I tou namate sitarua sutempo paddarame tadea'u mabbal᷊issa pamamate apan niola'i mangitou sutempon pangalo. I tou namate taumata tawe sal᷊ane arawe orassa indi ete i ya'u apan ṛinone mamasanna inolaanne wuṛṛu ete i ya'u apan natataṛṛangnga.

2 SAMUEL 20:4

Ratu namarenta si Amasa, “Ammul᷊a'a taumatan Yehuda wuṛṛu rantate su sambau ringanni mangitou sulal᷊ummu tallu allo.”

2 SAMUEL 17:26

I Absalom wuṛṛu tantarane naddasante su leta'u Gilead.

1 MARARATU 2:28

I Yoab naaringikka sarangkanambone apan buatte nariaddi udde. I tou mangke nata'utta ana waugu i tou uasamba'a si Adonia. Arawe, dorone i tou tawe uasamba'a si Absalom. Ne i tou tinumal᷊angnga su Rasannu Mawu wuṛṛu nangaggassa manga pentakku mezbah.

2 SAMUEL 19:14

Etearoddi i Daud naapanganu naungngu anambon taumatan Yehuda na'oman sara i mangitou napaapiddu tanata su ratu tadea'u iapawelengnga su wal᷊en araratuanna suadio'a ringannu manga mammamanaran araratuanna.

1 TAWARIKH 12:19

Sutempo i Daud suadio'a ringannu taumatan Filistin namangalo si Ratu Saul, sambageanganna wuassu tantaran Manasye nilumewessa nanamba'a si Daud. I Daud tawe pandumma massumbala manga taumatan Filistin udde. Manga piaṛṛa'u Filistin nandolokki tou niapapul᷊e watukku Ziklag ana waugu i mangitou matta'utta i tou sarun inai manamba'a si Saul wuṛṛu mabbaha si mangitou.