2 SAMUEL 17:10 - WUKE SUSI WATTI'U AL᷊AL᷊USASSA

¹⁰ Ne manga taumata apan awaṛṛanianne wuṛṛu matohassa ere singa lai sarun mata'utta. Ana waugu anambon taumatan Israel masingkatta manungku iamangngi Tuangnga udde sangkatou waṛṛanin seetta, wuṛṛu manungku tantarane eteudde taṛṛa pangalo apan awaṛṛanianne.

2 SAMUEL 17:10 Referans Kwoze

IBRANI 11:34

namaduma putungnga apan wahewalla, nal᷊iu wuassu pappilitanu hal᷊ele. I mangitou lome, arawe nabbal᷊i matohassa; i mangitou masaṛṛaungnga sulal᷊ummu pangalo na'oman sara napaarugi manga tantaram walahannu lumal᷊o'a.

YESAYA 19:1

Eteindi tanata su ola'u Mesir. Mawu nirumanta su Mesir uasa'e winabbawa apan mal᷊ihakka. Manga paal᷊uannu Mesir mangngiladda su saruan-Ne wuṛṛu taumata Mesir naurangnga naungnge.

YESAYA 13:7

Suapan taumata sarun maapendamma lome limane wuṛṛu awul᷊iannu awawaṛṛanine.

ANTARI MAWANTUGA 3:7

Pa'ellega, udde pamamasannanna si Salomo, papal᷊iwutannu annummu pul᷊o taumata mangkatohassa, manga taumata matatohassu Israel,

AMSAL 28:1

Taumata lal᷊eo tuttal᷊angnga ringannu taweddu mangangenggenne, arawe taumata matul᷊idda, waṛṛani ere singa.

2 SAMUEL 23:20

Sangkatou piaṛṛa'u tantara apan tinumelengnga waine eteudde i Benaya ana'i Yoyada taumatan Kabzeel. I tou tumaniten baṛṛani. Ruan katou waṛṛanin seetta wuassu Moab buatte nipatene. Buatte su allo sambau, i tou sinumutta su sambau loṛṛangnga, ana see nanametta sambau singa isudde.

2 SAMUEL 1:23

I Saul wuṛṛu i Yonatan, aroddi masaṛṛionto'a wuṛṛu arangnguanna; sidutu uaaukka sulal᷊ummu wiakka wuṛṛu papate; i mangitou mallihaṛṛanna wuassu manu'a garuda mattohasanna wuassu singa saṛṛentumuwo.

1 SAMUEL 18:17

I Saul manggol᷊aga tadea'u i Daud pateannu taumatan Filistin sulal᷊ummu pangalo ana see wal᷊ine i tou apan namate. Nariaddi su allo sambau i Saul nabbisara si Daud, “I Merab ana'u maṛṛuala pahul᷊une, ta'u iṛṛino si'o, sawal᷊iate i'o mamasilon awawaṛṛaninu sul᷊ummu pangalo ana waugu Mawu.”

TAHIUL᷊E 1:28

Nariaddi, ipa'ura i ite mai poiaroddi? Manga taumata apan nirolokki ite poiaroddi ewe'e naata'utta si ite ringannu nabbal᷊o manungku walahanna udde mattohasanna wuṛṛu mabbaṛṛanianna wuassi ite, wuṛṛu manungku i mangitou uatana'a su manga soa pia darandungnge atanggakke sara langitta. I mangitou naasilo wawalla poiaroddi!’

PANDARIADDI 49:9

I Yehuda naal᷊ihidda singa saṛṛen tumuwo; i tou namate seenne, ana see nabelengnga su sal᷊akke; i tou nagaṛṛuannata ana see nilumallowanga, wuṛṛu tawe saran sangkatou apan baṛṛani manal᷊asa'i tou.

2 SAMUEL 17:9

Asinungka orassa indi lai i tou tantal᷊anna uaimbuni sulal᷊ummu sambau loṛṛangnga ara'e su tampa waine. Nariaddi unnuwisara tantaran Tuangnga pangaloanni Daud, wuṛṛu piaddu nate, ne suapan isai maaringikka olangnge udde sarun mabbisara manungku tantaran Absalom nawaddote.

DARALO 89:19

Ana waugu mallal᷊u'adda si yami uddewe taumata Nipile-Nu, oh Mawu; ratun kami uddewe pussa'an Duatan Israel apan Susi.

YEHEZKIEL 21:15

I tou na'ola'a walahang-Ku matal᷊o wuṛṛu maddamangnga iattara. I Ya'u namansaggu soa mangitou ringannu hal᷊ele udde apan lullendappa ere sawallo, wuṛṛu nasaddiate mamate.

1 SAMUEL 16:18

Naaringikka udde sangkatou allangnge nabbisara, “Isai, sangkatou taumatan Betlehem pia sangkatou ana'a esakka apan pande mannalangnga musikka. I tou waṛṛani wuṛṛu sangkatou taumata apan mapia. Wuṛṛu i tou lai matohassa see lai pande mabbisara, wuṛṛu Mawu sidutu mantul᷊ungngi tou.”