2 SAMUEL 16:11 - WUKE SUSI WATTI'U AL᷊AL᷊USASSA

¹¹ Ana see i Daud nabbisara si Abisai apia wuṛṛu su allangnge sarangkanambone, “Ana'u sassane pia pandumma mamate si ya'u; anio i yamiu tinumiangnga naasilo pallal᷊aghu taumatan Benyamin indi? Ete Mawu apan nandolokki tou apan niapatal᷊a'u; ana waugu udde arie pa'indinge i tou wuṛṛu wala'e aroddi i tou mantal᷊a.

2 SAMUEL 16:11 Referans Kwoze

MATIUS 10:21

Sarun mariaddi manungku taumata sarun manantillu tuṛṛangnge sassane iapapate. Wuṛṛu udde lai sarun mariaddi su wallattu iamangnga wuṛṛu anangnge. Al᷊aṛṛana'a sarun lumawangnga hagurangnge, wuṛṛu manantilli mangitou iapapate.

YEHEZKIEL 20:25

Wua'udde i Ya'u nangongolla si mangitou manga tita apan dal᷊eo wuṛṛu manga parenta apan tawe mangonggollu wiakka.

YEHEZKIEL 14:9

Amungkangngu sangkatou nabi buatte niwahianna na'oman sara mangonggollu sasimbakka nassal᷊a, ete i Ya'u apan namahia si tou. I Ya'u Mawu Apan Atanggaṛṛanne sarun mallimbuakka si tou wuassu manga taumatan Israel.

2 TAWARIKH 32:21

Ana see Mawu nandolokku sangkatou mala'ekatta apan niapapate manga tantara wuṛṛu manga tembonannu tantaran Asyur udde. Ringannu tumaniten nasili ratun Asyur nabelengke watukku wanuane. Su allo sambau sutempo i tou tantal᷊anna sulal᷊ummu wal᷊en monganne, siri pira manga anangnge sassane nirumanta namate si tou ringannu hal᷊ele.

2 MARARATU 19:37

Su allo sambau, sutempo i tou tantal᷊anna mattaṛṛamawu sulal᷊ummu wal᷊en Monganna Nisrokh, i tou nipaten hal᷊elen Adramelekh wuṛṛu Sarezer, manga umbasanne. Wua'udde i mangitou tinumal᷊angke watukku wanua Ararat. Ne i Esarhadon, parinsine waine naola'a ratu nallol᷊ossa si tou.

2 SAMUEL 7:2

Ne ratu nabbisarate si Nabi Natan, “Pa'ellege, i ya'u indi uatana'a su wal᷊en araratuanna apan niola'a wuassu alu cemara wuassu Libanon, sumbal᷊i Wantallu Pa'airen Duata tumba'u sasahipunanna sulal᷊ummu rasanna!”

PANDARIADDI 45:5

Arie paata'utta ara'e sumassilu watangannu ana waugu i ya'u buatte niwal᷊u'i yamiu. Ṛinone Ruata sassane buatte nangapi'u isindi malliuṛṛoro si yamiu tadea'u manal᷊amatta taumata manambo.

PANDARIADDI 15:4

Wua'udde i Abram naaringikka Mawu nabbisara si tou apia, “Wal᷊ine allangngu apan sarun mamusa'a darotongngu, ewe'e anangngu esakka sassane.”

1 SAMUEL 26:19

Tuangnga paddaringikke sasubban allangngu indi. Unnu wisara Mawu buatte nandolokki Tuangnga niaparo'appa allangngu, udde maola'a sambau sasamba apan botongnge mapaasungen asasa'un Mawu su saruannu allangnge. Arawe unnu wisara apan nirolokki Tuangnga udde taumata, doronganna i mangitou wontohannu Mawu. Ana waugu wuassu inolaanni mangitou, allangngu buatte nilimbuaṛṛanna wuassu leta'a pussa'an Mawu wuṛṛu ringannu mawakkatta allangngu inaite su wanua waine suapa allangngu ṛinone mattaṛṛamawu monganna apan ta'e awagananna.

DARALO 109:28

Salaiwe i mangitou mantal᷊a'u, antimanna I'o mangal᷊amatta si ya'u. Salaiwe i mangitou dumarisikka, i mangitou sarun pansilianna; arawe antimanna i ya'u, allang-Ngu iapal᷊uassa.

2 SAMUEL 20:1

Su soan Gilgal pia sangkatou taṛṛa sal᷊asa'a aranne i Seba. I tou ana'i Bikri, wuassu ruanganni Benyamin. Sutempo taumatan Daud nangelekka nirumanta, i Seba nattiuppa trompetta wuṛṛu nangintul᷊i, “I ite tawe paa'aukka ringanni Daud. Ipa'ura i ite tumantalongnga si tou? Ei taumatan Israel, wette i ite mapul᷊ete!”