2 SAMUEL 15:8 - WUKE SUSI WATTI'U AL᷊AL᷊USASSA

⁸ Ana waugu sutempo i ya'u ta'e uatana'a su Gesur wanua Siria, i ya'u naddiandi manungku i ya'u sarun mattaṛṛamawu Mawu su Hebron amungkangu i Tou mamala'u mapul᷊e su Yerusalem.”

2 SAMUEL 15:8 Referans Kwoze

1 SAMUEL 1:11

Wua'udde i Hana nabbisara pa'aire, wisarane, “Mawu Apan Lembontaṛṛino, tannoi'o allangngu indi! Ellehete asasusan allangngu. Naungete allangngu wuṛṛu arie maabul᷊in allangngu! Amungkangu I'o mangonggolu sangkatou ana'a esakka, allangngu maddiandi i tou sarun ionggolla Si'o su al᷊o'engngu pabbiaṛṛanne. Allangngu maddiandi lai manungku utangnge sarun tawe pol᷊oanna.”

YEREMIA 42:20

manungku i yamiu buatte na'ola'a sambau pasasal᷊a apan wahewalla. I yamiu sussal᷊ande tadea'u i ya'u umal᷊iomanna su Mawu Ruatang kite hunang kamiu, wuṛṛu i yamiu naddiandi mapaamattu sarangkanambone apan niwisara Mawu.

YESAYA 28:15

I yamiu mabbisara manungku i yamiu buatte na'ola'a pa'aire su papate wuṛṛu nakkiinnu riandi su runian taumata nate. I yamiu maapendamma atonna manungku asasilaka apan sarun dumanta udde tawe maṛṛia'a su watangannu, ana waugu i yamiu mapaattu waṛṛutiaalla ara'e wawahia ipallindumma watangannu.

MANNANASE 5:4

Mappianne tawe maddiandi wuassu maddiandi see mangawusu.

DARALO 56:12

I ya'u mangngimanna si Tou, ne i ya'u tawe mata'utta, taumata tawe maal᷊ore su saruangku.

2 SAMUEL 14:32

I Absalom sinumimbakka, “Ana waugu i'o maddiri rumanta sutempo niwagoangku. I ya'u maapulu mandolokku iapasaruanna ratu wuṛṛu iapapasingkattu aiwal᷊o'u indi, ‘Apa hunane i ya'u nanantangngu Gesur wuṛṛu nabelengnga inawarendi? Mappianne i ya'u matana'e poiaroddi.’ ” Ne i Absalom nabbisara apia, “Paddea'e tempone tadea'u i ya'u wotongnge maasaruanna ratu, wuṛṛu napawe i tou mabbisara manungku i ya'u ta'e nassal᷊a, i ya'u uasaddia iṛṛuumanna pateanna.”

2 SAMUEL 14:23

Ana see i Yoab inaite watukku Gesur mangal᷊appa si Absalom mabelengnga su Yerusalem.

1 SAMUEL 16:2

Arawe i Samuel naiwal᷊o, “Ereapa ṛinone ta'u olaanna? Amungkangu hatto indi aringiṛṛanni Saul, ya'u sarun pateanni tou!” Mawu sinumimbakka, “Apira'e sapi anangnge sambau, wuṛṛu wal᷊oa'a su tumana'u soa manungku i'o inai poiaroddi mangonggollu sasamba su Mawu.

YOSUA 24:15

Unnu wisara i yamiu mattaṛṛamawu su Mawu, paaṛṛawesse allo indi lai, ete sisai yamiu maapulu mattaṛṛamawu; su manga Mawu waine apan sassubbannu iupungngu al᷊amonanu su Mesopotamia dorone, ara'e su manga mawun taumatan Amori apan wanuane atatanaanni yamiu orassa indi. Arawe yami – i ya'u wuṛṛu amonangku sarun tumba'u mattaṛṛamawu su Mawu sassane.”

2 SAMUEL 3:3

i Kileab. Inangnge eteudde i Abigail, inawal᷊uanni Nabal wuassu Karmel. i Absalom. Inangnge eteudde i Maakha, ana'i Ratu Talmai wuassu Gezur.

2 SAMUEL 15:9

Ratu sinumimbakka, “Roote ringannu sal᷊amatta.” Ana see i Absalom inaite watukku Hebron.