2 SAMUEL 15:31 - WUKE SUSI WATTI'U AL᷊AL᷊USASSA

³¹ Napawe niapasingkatta si Daud manungku i Ahitofel uatantalongnga lai ringannu ammul᷊anni Absalom, i Daud niumal᷊iomante arendi, “Oh, Mawu, doronganna paaraua'a tatantiron Ahitofel!”

2 SAMUEL 15:31 Referans Kwoze

2 SAMUEL 17:23

Napawe i Ahitofel naasunna manungku tatantirone tawe niraringiṛṛanna, i tou nandiahite keledaine wuṛṛu napul᷊ete watukku soane sassane. Napawe manarane nuddusse i tou nattingka'elen batanganne, ana see nilabbingke su labbingngu walahanne.

2 SAMUEL 17:14

Naaringikka udde i Absalom wuṛṛu anambon taumatan Israel nabbisara, “Tatantiron Husai mappianne wuassu tatantiron Ahitofel.” Atonna, Mawu buatte nangatokka tadea'u ipanal᷊are tatantiron Ahitofel apan mapia udde, tadea'u i Absalom aṛṛiaannu asasusa apan bahewalla.

YAKOBUS 3:15

Apande ereudde tawe wuassu surga. I tou wuassu runia wuṛṛu wuassu apulu naungngu taumata, wuṛṛu wuassu setanna!

DARALO 41:9

I mangitou mabbisara, “Radange mawakkate atonna, i tou lai maawangunna.”

2 SAMUEL 16:23

Sutempo udde suapan tatantiron Ahitofel daringiṛṛanna ereola'u wisara udde wisaran Duata sassane, mawae i Daud aroddi lai i Absalom tuttuṛṛutta manga tatantirone.

1 KORINTUS 1:20

Ne, apa hunane manga taumata pia asingkane udde? Apa hunane i mangitou pia si'ol᷊ane udde? Apa hunane maṛṛaṛṛingiddu runia indi? Ruata buatte napaal᷊iatta'a manungku apapanden runia indi mangke wahia wuṛṛu awusu atonna!

DARALO 3:1

Daralon Daud, sutempo i tou tinumal᷊angi Absalom, anangnge.

AYUB 5:12

I Tou tawe napariaddin ṛiinnu taumata pande mallobbossa, nisongnga-Ne wuṛṛu niaparanta-Ne taumata pande, na'oman sara anambon sahaddi mangitou tawe nariaddi, wuṛṛu i mangitou niawusuannu aalli mangitou sassane.

2 SAMUEL 15:12

Ana see tantal᷊anna i Absalom mangngonggollu sasamba, i tou lai nandolokku daroloṛṛanna watukku soan Gilo iapawaggo si Ahitofel, eteudde sangkatou maraṛṛingiddi Ratu Daud. Etearoddi ammul᷊anna lumawangnga ratu udde lembon mattohassa, wuṛṛu a'atambante anambone mallal᷊aṛenggenni Absalom.

YOHANES 13:18

Apa apan Ta'u niwisara indi wal᷊inewe su ola'i yamiu sarangkanambone. I Ya'u masingkatta isai-sai apan suete nipile. Arawe apa apan uawoṛṛetta sulal᷊ummu Wuke Susi ṛinone matipussa, eteudde ‘Taumata apan u'anna su sambau ringang-Ku sarun lumawangnga si Ya'u.’

YESAYA 19:3

I Ya'u sarun mamal᷊aatta manga hol᷊agu taumatan Mesir wuṛṛu mamaddi ikkatti mangitou. I mangitou sarun maiontolla su manga paal᷊uanna, maddorongnga tataggu wuṛṛu tatantiro su manga tonaassa wuṛṛu manga ghaṛṛaho.

DARALO 109:3

I mangitou namangalo si ya'u ringannu manga wisara maarantinna, wuṛṛu namangalo si ya'u ringannu taweddu pinangiananne.

DARALO 55:12

Su al᷊awo'u tampa pia panggahohakka; pangangallanga wuṛṛu pallal᷊inga walate apulu su pasakka.

YESAYA 44:25

Ete i Ya'u apan nanal᷊are sasi'attu taumata manani'atta, wuṛṛu nannal᷊angnga manga taumata taṛṛa pasangkadda. Manga wisaran taumata pande tinompol᷊ang-Ku, apapande mangitou Ta'u niola'a awawoddo.

2 SAMUEL 17:5

Salaiwe aroddi i Absalom nabbisara, “Waggoite i Husai orassa indi lai; wette i ite maddaringikka ereapa addapanne.”

2 SAMUEL 17:7

I Husai sinumimbakka, “Tatantiron Ahitofel paassa indi dal᷊eo.

DARALO 55:10

Oh Mawu, pawingioaawe manga see'u, songkaṛṛa'e hatton mangitou, ana waugu su soa i ya'u naasilo lal᷊awangnga wuṛṛu pabbawawul᷊o.