2 SAMUEL 15:3 - WUKE SUSI WATTI'U AL᷊AL᷊USASSA

³ ne i Absalom mabbisara, “Tumuṛṛuttu tita i'o atonna, arawe naura tawe tepellu ratu apan maapulu maddaringikka aalaenu.”

2 SAMUEL 15:3 Referans Kwoze

2 PETRUS 2:10

lembonete su manga taumata apan tuttuṛṛuta apulun naungngi mangitou apan lal᷊eo wuṛṛu mangal᷊uandaga taṛṛinon Duata. Aroddi awaṛṛanine wuṛṛu awungane manga huru awusu udde na'oman sara i mangitou tawe go'ane mangal᷊uandaga manga riaddianna apan mawantuga sara lai su surga!

1 PETRUS 2:17

Pangadate anambon taumata, paarangngu manga tuṛṛangu apan sansul᷊ungnga Saṛṛani. Ata'utten Ruata, wuṛṛu pangadate Kaisar.

WATTI'U MANGA RASUL 23:5

I Paulus sinumimbakka, “Oh, i ya'u wagga, manga tuṛṛangnga, manungku i tou imam wahewa. Atonna sulal᷊ummu Wuke Susi pia uawoṛṛetta, ‘Imbaṛṛangnga i'o mangngadio'a piaṛṛa'u walahannu.’ ”

MATIUS 15:4

Ana waugu Ruata nabbisara, ‘Pangaddatta iamangngu wuṛṛu inangngu,’ wuṛṛu ‘Isai-sai apan mabbisara hagurangnge sarun iṛṛuumanna ma'oman sara mate.’

DANIEL 11:21

Mala'ekatta udde nabbisara apia, “Ratu manansunna apan mamarenta banuan sawannakka ateudde sangkatou lal᷊ebbone apan tawe suṛṛinone maola'a ratu. Arawe i tou sarun dumanta ringannu tawe niantimanna wuṛṛu mangaṛṛo aianannu raturingannu wawahia.

YEHEZKIEL 22:7

Tawe saran sangkatou wuassu tumanangngu mangaddata hagurangnge. I'o mammahia taumata raho wuṛṛu manganu untungnge wuassu asasusan bawine wal᷊u wuṛṛu asisi timpal᷊ussa.

AMSAL 30:17

Taumata apan mangngal᷊uandaga iamangnge ara'e inangngene apan timmadete, ṛinone iramme su liudde tadea'u matane tembonannu manu'a gagak wuṛṛu winal᷊unanne inasannu manu'a a'a.

AMSAL 30:11

Pia taumata apan massalun iamangnge wuṛṛu tawe mangareggan inangngene.

AMSAL 12:2

Taumata mapia arangnguannu Mawu, arawe taumata apan makkiinnu al᷊al᷊eo sarun iṛṛuumanna.

DARALO 12:2

Ontol᷊ewe i yami, oh Mawu, ana waugu tate lai taumata mapia, taumata apan matuṛutta Si'o nawul᷊ite.

2 SAMUEL 8:15

Etearoddi i Daud namarenta ahewallu Israel wuṛṛu uariaga tadea'u tumanangnge sidutu paparentanna ringannu atatul᷊idda wuṛṛu apapia.

REENGANNA 16:3

I mangitou suadio'a inai sumaruanna si Musa wuṛṛu si Harun ana see nabbisara, “Wotongngete udde, Musa! Taumatan Israel sarangkanambone niṛṛae su Mawu, wuṛṛu Mawu indi su pattangnganni ite sarangkanambone. Arawe anio i'o massunna watangannu mattanggaṛṛanna wuassu Mawu?”

SASABANGNGA 21:17

Isai apan mammontoga iamangnge ara'e inangnge, ṛinone iṛṛuumanna pateanna.

SASABANGNGA 20:12

Pangaddata iamangngu wuṛṛu inangngu, tadea'u i yamiu mabbiaka su lal᷊umanna'a wuṛṛu mabbiakka malannu su wanua apan sarun Ta'u ionggolla si yamiu.

2 SAMUEL 15:4

Ana see wisarane lai, “Ore, unnuwisara i ya'u maola'a mallaṛṛuungnga, ne suapan taumata apan pia patatatiakka ara'e aalae wotongnge rumanta ringangku wuṛṛu sarun ta'u parikisanna ringannu atatul᷊idda.”