2 SAMUEL 15:14 - WUKE SUSI WATTI'U AL᷊AL᷊USASSA

¹⁴ Ana see i Daud nabbisarate su anambon mammamanaran araratuanne apan isudde su Yerusalem, “Wette i ite massal᷊iute. Tumba'u indi lal᷊anne tadea'u i ite mal᷊iu wuassu taṛṛinon Absalom. Tate mal᷊annu lai i tou sarun dumanta. Paal᷊ihakke, arie ma'oman sara aenggenanna wuṛṛu iwaddone, ma'oman sara anambon tumana'u soa pateanna!”

2 SAMUEL 15:14 Referans Kwoze

2 SAMUEL 19:9

Su pattangngannu anambon walahannu Israel nariaddite patatatiakka. I mangitou mabbisara, “i Ratu Daud buatte nanal᷊amatta si ite wuassu taṛṛinon taumatan Filistin wuṛṛu namallossi ite wuassu manga seetta waine, arawe orassa indi i tou tinumal᷊angngi Absalom wuṛṛu nanantangngu wanua indi.

LUKAS 10:15

Wuṛṛu i yamiu Kapernaum! I yamiu maṛṛingidda manungku i yamiu sarun itanggakka ma'oman sara surga? Tawe! Ewe'e i yamiu sarun iramme su naraka!”

MATIUS 11:12

Ro'en Yohanes namasingkattu wattingnge udde na'oman sara orassa indi, al᷊aṛṛana'u Ruata ipaseettu manga taumata apan maapulu mamarenta ringannu araṛṛagissa.

YEHEZKIEL 46:18

Tembonanne udde tawe botongnge manganu sarang addio'a wuassu darotongngu tumanangnge. Tumba'u letangnge sassane apan botongnge ionggolla su manga anangnge esakka ma'oman sara tawe saran sangkatou wuassu uma-U wotongnge iapatal᷊ei wuassu darotongnge.”

DARALO 51:18

I'o maddirin sasamba laṛṛatanna; unnu wisara i ya'u nangonggolu sasamba itattambuna, ne I'o maddiri.

2 SAMUEL 12:11

I Ya'u massalu sarun mandantan asasilaka si'o apan darantane wuassu amonannu sassane. I Ya'u sarun mangal᷊appa manga awingngu su saruannu matanu sassane wuṛṛu Ta'u ionggola su taumata waine apan sarun matiilla suadio'a ringanni mangitou su allattune.

2 SAMUEL 15:15

“Ore, Tuangnga,” sasimbakki mangitou. “Yami nariahite tumuṛṛutta anambon apulun Tuangnga.”

2 SAMUEL 19:10

I Absalom nitenegi ite naola'a ratu, arawe orassa indi natete sulal᷊ummu pangalo. Anio tawe saran sangkatou apan maṛṛingidda mangapiddi Ratu Daud mabbelengnga?”