2 SAMUEL 13:22 - WUKE SUSI WATTI'U AL᷊AL᷊USASSA

²² I Absalom nangune atonna si Amnon wuṛṛu tate lai maggatton tou ana waugu i tou buatte nassawa si Tamar tuarine.

2 SAMUEL 13:22 Referans Kwoze

PANDARIADDI 31:24

Ṛabbi Ruata nirumanta ringanni Laban sulal᷊ummu wal᷊iawane, wuṛṛu nabbisara, “Naunge, imbaṛṛanga i'o mamansagi Yakub salaiwe tumba'u ringannu wisara sangkapadi!”

1 YOHANES 3:15

Taumata apan maddantinnu tuṛṛangnge, eteudde taṛṛa pate, wuṛṛu yamiu masingkata manungku sangkatou taṛṛa pate tawe maatahuanna wiakka tutune wuṛṛu saran mal᷊annu-l᷊annu.

PANDARIADDI 24:50

I Laban wuṛṛu i Betuel sinumimbakka, “Ana waugu sarangkanambone apan buatte nariaddi indi darantane wuassu Mawu, i yami tawe suṛṛinone makkawessa.

1 YOHANES 2:11

Arawe taumata apan maddantinnu tuṛṛangnge, udde sulal᷊ummu araranduma. I tou u'amatta sulal᷊ummu araranduma, wuṛṛu wagga watukuapa amatanne, ana waugu araranduma udde naawuta si tou.

1 YOHANES 2:9

Taumata apan nabbisara manungku i tou sulal᷊ummu asasemakka arawe taumata udde ta'e maddantinu tuṛṛange, taumata udde ta'e su ararandumma sara orassa indi.

EFESUS 4:31

Timbul᷊ianete al᷊awo'u taddu'u naungnga, mangngune wuṛṛu massa'u. Ariete lai umui wuṛṛu mallela. Ariete lai pia apendamma maddantina ara'e apendamma waine lai apan uasul᷊ungngu apendamma udde.

EFESUS 4:26

Amungkangu i yamiu masa'u, arie mamalan asasa'unu udde maarosa si yamiu. Arie masa'u su al᷊o'engngu allo,

MATIUS 18:15

“Amungkangngu tuṛṛangngu ma'ola'a rosa su saruannu, roote ringanni tou wuṛṛu tantiroa'e passasal᷊ane. Ola'e udde ringannu mal᷊annaba su wallatti raddua sassane. Amungkangngu i tou tinumuṛṛutta al᷊awo'u wisaranu, i'o naauntungnga naasomba apia tuṛṛangngu udde mabelengnga.

MANNANASE 7:9

Arie tumaniten mal᷊ihakka mandona; tumba'u taumata woddo apan mangngune.

AMSAL 26:24

Taumata mabbinsi matemangnga manga wisarane arawe naungnge napenen bawahia.

AMSAL 25:9

Nassal᷊a sunna su hawenu, insuete tumba'u ringanni tou, arawe addapingngu taumata waine arie pabbattia'a.

AMSAL 10:18

Taumata apan mammunin asasa'u i tou udde taṛṛa awusu. Taumata apan mannal᷊iawukku aumbilangnga i tou longonna.

PANDARIADDI 31:29

I ya'u ta'e matohassa ma'ola'a al᷊al᷊eo su saruannu, arawe na'allawanna Ruata apan sassubbannu iamangngu napaanaungnga si ya'u tadea'u imbaṛṛanga i ya'u mamansagu.

1 YOHANES 3:10

Ete indi papaṛṛalane wuassu alaṛṛana'u Ruata wuṛṛu al᷊aṛṛana'u Setanna: suapan taumata apan tawe tumuṛṛutta apulun Duata, ara'e tawe mandangngu tuṛṛange, i tou wal᷊ine ana'u Ruata.

1 YOHANES 3:12

Ariewe i ite ere Kain, apan naola'a ana'u Setanna wuṛṛu namate tuṛṛangnge sassane. Anio Kain namate tuṛṛangnge? Ana waugu manga inolaanna apan niolange udde nassal᷊a, arawe inolaannu tuṛṛange udde naṛṛino.

2 SAMUEL 13:21

I Ratu Daud naaringikka ola'u arariadianna udde, ne i tou mangke nasa'u.

AMSAL 26:26

Salaiwe i tou mammunin awawinsine, anambon taumata sarun maasilo al᷊al᷊eone.