2 SAMUEL 12:31 - WUKE SUSI WATTI'U AL᷊AL᷊USASSA

³¹ Wua'udde lai tumanangnge niapidda, wuṛṛu niapaapiddu laṛṛahari, pasolla atta'a, wuṛṛu papaangnga atta'a ne i mangitou niapamanara su tampan pa'olaanna tela. Saṛṛene udde niolangnge lai su tumana'u manga soan Amon apan baine. Wua'udde i Daud wuṛṛu tantarane sarangkanambone nabelengke su Yerusalem.

2 SAMUEL 12:31 Referans Kwoze

1 TAWARIKH 20:3

Wua'udde i Daud nangapiddu tumana'u soan Raba udde wuṛṛu namata'i mangitou mammanara ringannu mappaattu laṛṛahari, pasolla, wuṛṛu papaangnga. Manara udde niolangnge lai su manga soan Amon waine. Wua'udde i Daud wuṛṛu anambon tantarane nabelengke watukku Yerusalem.

AMOS 1:3

Mawu nabbisara, “Tumana'u Damsyik masokkate ma'ola'a rosa, na waugu udde i Ya'u sarun makkuumanni mangitou. I mangitou mammarenta taumatan Gilead ringannu maṛṛagissa,

2 SAMUEL 8:2

I Daud lai namaddon taumatan Moab. I tou nandolokki mangitou iapal᷊allowanga su leta'a, ana see i tou namate ruan katou suwallattu suapan siri tallu su atoune. Nariaddi, taumatan Moab nassuṛṛubbawa si Daud wuṛṛu mammaekka wose si tou.

IBRANI 11:37

I mangitou tinuntungannu watu na'oman sara nate, piaddu niponggo'u laṛṛahari, wuṛṛu piaddu nipaten hal᷊ele. I mangitou lullallele ringannu laubba wuassu pisin domba ara'e pising kambinga; i mangitou asiangnga, pappateanna wuṛṛu sassansaranna.

1 TAWARIKH 20:2

Wua'udde i Daud nirumanta nanganu manambo atonna saranapa apan niaaṛṛo wuassu soa udde. Suwallattu manga saranapa udde pia araposan ratu Amon. Araposan araratuanna udde awakkanne iraṛṛangngo 34 su kilone wuṛṛu lal᷊ogaṛannu sambau permata. I Daud nanganu permata udde wuṛṛu nipallogakka araposan araratuanne.

YEREMIA 43:9

“Panganute manga watu wahewalla, wuṛṛu al᷊ia'e sulal᷊ummu leta'a su saruannu ngara sasuttanna su wal᷊en pamamarentanna su soa udde. Paddea'e lal᷊anne tadea'u manga taumatan Yehuda maasilo inolaannu udde.

YOSUA 10:15

Napawe buatte napapangalo, i Yosua suadio'a ringannu tantarane nabelengnga apia watukku paddasananna su Gilgal.

AMOS 1:13

Mawu nabbisara, “Walahannu Amon masokkate ma'ola'a rosa, ana waugu udde i Ya'u sarun makkuumanni mangitou. Sutempo napapangalo tadea'u manggewalla wageangngu araratuanne, i mangitou nangua tiannu manga wawine pia illoṛṛone su Gilead.

AMOS 1:14

Ana waugu udde, i Ya'u mangirimmu putungnga watukku manga darandungngu soa Raba, wuṛṛu manoṛṛobba ma'oman sara masue manga tanda'a watune. Sutempo udde sarun aringiṛṛanna paggahahion pangalo, wuṛṛu papangalo maddantanna ere tandi'a.