2 SAMUEL 12:25 - WUKE SUSI WATTI'U AL᷊AL᷊USASSA

²⁵ wuṛṛu nandolokki Nabi Natan managgon arannu ana'a udde i Yedija, ana waugu Mawu marangngu si tou.

2 SAMUEL 12:25 Referans Kwoze

NEHEMIA 13:26

Wisara'u, “Wal᷊inewe rosa indi lai niola'i Ratu Salomo? Tawe datu su runia indi apan maggewal᷊anna wuassi tou. Ruata nandangngu si tou wuṛṛu na'ola'a si tou ratu su ahewallu Israel. Salaiwe aroddi i tou buatte nisal᷊o'u manga wawinen balahanna waine tadea'u ma'ola'a rosa.

2 SAMUEL 7:4

Arawe ṛabbi udde lai Mawu nabbisara si Natan,

1 MARARATU 1:11

Ne i Nabi Natan inaite naisasomban Batsyeba, inangngi Salomo, ana see nabbisara si tou, “Apa Awingngi Tuangnga Ratu taambe naaringkikka manungku i Adonia, ana'i Hagit, buatte nanenegu watanganne naola'a ratu, arawe i Ratu Daud wagga su olangnge udde?

MATIUS 17:5

Tantal᷊anna i Petrus ta'e mabbisara, winabbawa apan masemakka atonna nangooppa si mangitou wuṛṛu wuassu winabbawa udde niaringiṛṛanna tingikka apan nabbisara, “Ete indi Ana'a arangnguang-Ku, i Tou ma'al᷊uassa naung-Ku. Daringiṛṛe i Tou!”

MATIUS 3:17

Wua'udde niaringikka tingikku Ruata nabbisara, “Ete indi Ana'u apan arangnguanna, i Tou ma'al᷊uassa naung-Ku.”

1 MARARATU 1:23

Ana see ratu niwal᷊oanna su ola'u darantan Natan. I Batsyeba sinumabbangnga, wuṛṛu i Natan sinumutta, ana see niumal᷊intudda su saruannu ratu.

2 SAMUEL 12:24

Wua'udde i Daud nallimbatte naungngi Batsyeba awingnge, ana see natiille su sambau. I Batsyeba nanungkangu sangkatou ana'a esakka nisaggon Daud aranne i Salomo. Mawu marangngu ana'a udde

2 SAMUEL 12:26

Tantal᷊anna udde i Yoab ta'e uapapangalo su Raba, inangngu wanua soan Amon, wuṛṛu maraniten iaaṛṛo.

1 TAWARIKH 3:5

wuṛṛu manambo parinsine apan niasungkanga poiaroddi. Ringannu awingnge aranne i Batsyeba ana'i Amiel, i Daud naasomba 4 parinsi apan niasungkanga su Yerusalem: i Simea, i Sobab, i Natan wuṛṛu i Salomo.

1 TAWARIKH 22:9

Salaiwe aroddi, i Tou buatte nangonggolu pa'aire indi si ya'u: ‘I'o sarun maasomba sangkatou ana'a esakka apan sarun mamarenta ringannu mal᷊angnganna, ana waugu i Ya'u sarun mantul᷊ungngi tou ma'oman sara tawe seetta apan mamangalo si tou. I tou sarun isaggo i Salomo ana waugu sutempo i tou uaparenta i Ya'u sarun mangonggolu al᷊al᷊angnganna wuṛṛu atatahul᷊andimma su ahewallu Israel.

TAHIUL᷊E 33:12

Su ṛuanganni Benyamin i tou nabbisara: “Ete indi ṛuanganna apan arangnguannu Mawu. I Tou ual᷊u'adda si mangitou allo wuṛṛu ṛabbi wuṛṛu uatana'a suwallati mangitou.”

1 MARARATU 1:8

Arawe Imam Zadok, i Benaya, ana'i Yoyada, Nabi Natan, i Simei, i Rei wuṛṛu mandariaga si Ratu Daud maddiri manamba'a si Adonia.