2 SAMUEL 11:1 - WUKE SUSI WATTI'U AL᷊AL᷊USASSA

¹ Manga ratu inanaramanne mapapangalo sutempo rongnga mallal᷊uwo. Ne sutempo rongnga mallal᷊uwote su tonna udde i Daud nandolokki Yoab inai mapapangalo suadio'a ringannu manga piaṛṛa'u tantarane wuṛṛu anambon tantaran Israel; ana see i mangitou namaddoten taumatan Amon wuṛṛu namangalo soa Raba. Arawe i Daud natana'a su Yerusalem.

2 SAMUEL 11:1 Referans Kwoze

1 TAWARIKH 20:1

Su watiannu aaluanna mallal᷊uwo manansunna, sutempo udde lai manga ratu inanaramanne inai mapapangalo, i Yoab nangapiddu tantarane wuṛṛu nangaṛṛo wanua Amon. Sutempo udde i Ratu Daud uatana'a su Yerusalem tawe tinumantalongnga. I Yoab wuṛṛu tantarane namal᷊iwutta soa Raba, ana see namangalo wuṛṛu nanggohakku soa udde.

1 MARARATU 20:26

Sutempo rongnga manontongke manansunna i tou napaasabbangngu tantarane wuṛṛu niumal᷊ore watukku soan Afek inai mamangalo taumatan Israel.

1 MARARATU 20:22

Wua'udde nabi udde nirumanta ringanni Ahab wuṛṛu nabbisara, “Orassa indi, mappianne i tuangnga mapule wuṛṛu manohassa waddangnga see ma'ola'a hol᷊aga apan mapia-pia, ana waugu ratun Siria sarun dumanta mamangalo apia sutempo manontongnga apan manansunna.”

MANNANASE 3:8

Ruata nanantunnu tempo mandangngu wuṛṛu tempo maddantinna, tempo mapapangalo wuṛṛu tempo maddame.

2 TAWARIKH 36:10

Su panggahanti tonna, i Ratu Nebukadnezar nangapidi Yoyakhin watukku Babel naola'a sangkatou taumata niatawanna, wuṛṛu manga saranapa maarega su Wal᷊en Mawu niapiddi tou lai. Wua'udde i Nebukadnezar namile si Zedekia, tuṛṛangngu iamangngu i Yoyakhin, naola'a ratu su Yehuda wuṛṛu Yerusalem.

TAHIUL᷊E 3:11

(I Ratu Og uddewe taumatan Refaim panginsueanne. Wasungnge biola'a wuassu watu, al᷊o'engnge appata su meterene wuṛṛu al᷊alakke maranin darua su meterene tumuṛṛuttu uuṛṛanna apan nitantunna. Saran orassa indi ta'e wotongnge ellehanna su Raba, soan taumatan Amon.)

ZAKARIA 14:3

Wua'udde Mawu sarun inai mapapangalo mando'appa manga walahanna udde, ere buatte niolang-Nge sutempon dorone.

1 SAMUEL 18:30

Mangke masokka napawe tantaran Filistin rumanta mamangalo, i Daud sidutu maauntungnga mamate si mangitou wuassu manga tembonannu tantaran Saul apan waine. Ne i Daud lembon tinumelengke.

2 SAMUEL 10:14

Napawe taumatan Amon naasilo tantaran Siria tinumal᷊angnga, i mangitou lai tinumal᷊angngi Abisai wuṛṛu sinumoṛṛotte sulal᷊ummu soa. Napawe buatte namangalo taumatan Amon, i Yoab napul᷊ete su Yerusalem.

YEREMIA 49:2

Arawe sarun a'omanna tempone i Ya'u ma'ola'a tumana'u Raba, inangngu soa Amon udde, maaringikka hahuressan pangalo. Soa udde maola'a winal᷊alanna wuṛṛu manga soa maranine masoṛṛobba abbi. Wua'udde Israel sarun mangul᷊e apia letangnge wuassu manga taumata apan dorone nangaṛṛo.

YEREMIA 49:3

Ei taumatan Hesybon, lalluaite ana waugu soan Ai naṛṛimunsa'e! Ei manga wawinen soa Raba, lallute! Palluṛṛete nasa karongnga tatiala massusa. Tal᷊angke pa'auwelenganna napenen awawingo. Milkom mongannu sarun iapidda su pamamuanganna suadio'a ringannu manga imam wuṛṛu manga tembonannu pamarentane!

AMOS 1:14

Ana waugu udde, i Ya'u mangirimmu putungnga watukku manga darandungngu soa Raba, wuṛṛu manoṛṛobba ma'oman sara masue manga tanda'a watune. Sutempo udde sarun aringiṛṛanna paggahahion pangalo, wuṛṛu papangalo maddantanna ere tandi'a.

DARALO 60:9

Gilead wuṛṛu Manasye uddewe pussaa-U, Efraim araposa waja-U, wuṛṛu Yehuda ta'innu araratuang-Ku.