2 PETRUS 3:4 - WUKE SUSI WATTI'U AL᷊AL᷊USASSA

⁴ ringannu mabbisara arendi, “Anaudde Mawu na'ire rumanta! Orassa indi suapa i Tou? Manga iamangngu al᷊amonang kite natete arawe al᷊awo'a mangke uasul᷊ungnga ere ro'en runia indi niriaddi!”

2 PETRUS 3:4 Referans Kwoze

YEREMIA 17:15

Taumata mabbisara si ya'u, “Suapata anambon wawansagu Mawu udde? Wala'e orassa indi iapaamatta!”

MALEAKHI 2:17

I yamiu na'ola'a Ruata nawusa ringannu tal᷊umamanu. Arawe i yamiu ma'iwal᷊o, “Ereapa i yamiu maawusa Mawu?” Ringannu mabbisara, “Anambon taumata apan ma'ola'a al᷊al᷊eo sassunnannu Mawu mapia, wuṛṛu i Tou mappulun mangitou.” Ara'e ringannu ma'iwal᷊o, “Suapa Ruata apan naudde matul᷊idda udde?”

LUKAS 12:45

Arawe amungkangngu mangngimbe udde mabbisara sulal᷊ummu naungnge, ‘Mawu'u ta'e mal᷊annu mabelengnga,’ see i tou namuulle anambon mangangimbe, wuṛṛu umanna; ma'inumma ma'oman sara iwu'anne,

MANNANASE 8:11

Anio aroddi al᷊uanne taumata ma'ola'a al᷊al᷊eo? Ana waugu ṛuumanne tawe lapiddu ionggolla.

MATIUS 24:48

Arawe amungkangngu mangangimbe udde lal᷊eo, i tou sarun mabbisara sulal᷊ummu naungnge,

1 TESALONIKA 2:19

Atonna ete i yamiu aantimanna wuṛṛu maal᷊uassa si yami. Ana waugu napawe Mawu Yesus rumanta, wuṛṛu i ite sumaruanna si Tou, ne ete i yamiu apan maal᷊uassa si yami!

PANDARIADDI 19:14

Ana see i Lot inaite naisasomban ruan katou tunangan anangnge, wuṛṛu nabbisara, “Paal᷊ihakke sumabangnga wuassu tampa indi, ana waugu Mawu sarun manoṛṛoba soa indi.” Arawe i mangitou massunna manungku i Lot tumba'u ual᷊al᷊akkangnga.

MARKUS 13:19

Su manga allo apan ma'ata'utta udde, sarun pia sambau asasusa apan taambe nariaddi, ro'en Ruata nandiaddi runia na'oman sara orassa indi, wuṛṛu tate lai mariaddi apia.

MANNANASE 1:9

Apa apan buatte nariaddi, sarun mariaddi apia. Apa apan buatte niola'a, sarun olaanna apia. Tawe saran sambau saranapa wakku su runia indi.

SONDAPPA 3:14

“Su mala'ekattu jamaatta su Laodikia, woṛṛetta'a arendi: Ete indi tanata wuassu Awantuhanne Amin, Mattatiala apan matammuda wuṛṛu naṛṛino, punnu al᷊awo'u sarannapa apan niola'u Ruata.

YEHEZKIEL 11:3

Ana waugu udde wal᷊oa'a tanata-U su ola'u ṛuumanna si mangitou, ei taumata apan mattate. Ana waugu i mangitou mabbisara, ‘Tate mal᷊annu lai manga wal᷊en indi sarun iapararisikki ite apia. Soa indi uddewe urinna wuṛṛu i ite ṛemessa sulal᷊umme. I ite sarun mal᷊angnganna wuassu putungnga ana waugu lal᷊indumannu urinna indi.’ ”

MARKUS 10:6

“Arawe su paarorone, su tempo Ruata nandiaddi taumata, niwalo manungku ‘Ruata nandiaddi si mangitou esakka wuṛṛu wawine.

MATIUS 24:28

Suapa pia winatangnga nate, isudde lai pia manu'a u'inassa winal᷊unannu winatangnga nate udde.”

MATIUS 16:27

Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

MATIUS 16:28

Asingkatawe! Wuassu wallatti yamiu isindi piaddu tawe mate, tantal᷊anna taambe naasilo Ana'u Taumata rumanta mamarenta ere sangkatou Ratu.”

WATTI'U MANGA RASUL 7:60

See i tou inumal᷊intuda wuṛṛu inumui ringannu tingikka ma'ikkatta, “Mawu, ariewe rosa indi maola'a winabbawa mangitou!” Napawe wua nabbisara aroddi i tou nate.

2 PETRUS 3:12

tantal᷊anna i yamiu uaraṛṛaddo wuṛṛu luṛṛintulu darantan Allon Ruata. Su Allo udde langitta sarun masue matutungnga, wuṛṛu ana waugu sal᷊ihangnge, ne manga sarannapa su langitta sarun monossa.