2 PETRUS 3:17 - WUKE SUSI WATTI'U AL᷊AL᷊USASSA

¹⁷ Arawe i yamiu manga tuṛṛangku apan arangnguanna, maasingkatte olangnge udde. Ana waugu udde, paatehamma, arie i yamiu iawol᷊engnga sulal᷊ummu ararandumu manga taumata lal᷊eo, ma'oman sara i yamiu manawo wuassu tampa dararisiṛṛanu apan matohassa.

2 PETRUS 3:17 Referans Kwoze

IBRANI 3:14

I ite sarangkanambone uddewe sanggaweanna sulal᷊ummu manara ringanni Kristus, sawal᷊iate saran pangudusanne i ite uaaggasa pangangimanna apan tatahuananni ite ro'en paarorone.

KOLOSE 2:8

Ṛinone i yamiu paatehamma, arie ma'oman sara piaddu mamono'a si yamiu ringannu manga al᷊aṛṛa'u taumata apan tawe gunane, ewe'e tumba'u mangngal᷊iwu. Manga al᷊aṛṛa'a udde wal᷊ine wuassi Kristus, ewe'e wuassu ṛingiṛṛannu taumata sassane wuṛṛu wuassu manga ghaṛṛahon tembonannu runia.

EFESUS 4:14

Ne i ite tate maola'a lai al᷊aṛṛana'a apan nial᷊iwune, wuṛṛu iaapiddu al᷊awo'u hatin al᷊aṛṛa'u manga taumata apan taṛṛa awusu. I mangitou mangngal᷊iwun taumata ringannu wawahian mangitou.

1 KORINTUS 15:58

Ana waugu udde, manga tuṛṛangnga apan arangnguanna, ṛinone i yamiu matohassa wuṛṛu sidutu mangngimanna. Pammanarate sidutu su Mawu ringannu atonna-tonna, ana waugu i yamiu masingkatta manungku sarangkanambone apan mammanaranni yamiu udde su Mawu, tawe maholo'a.

1 KORINTUS 10:12

Taumata apan massunna watanganne uarisikka matohassa, ṛinone paatehamma; arie i tou ma'oman sara maṛṛa'a.

MATIUS 7:15

“Paatehamma su manga nabi awusu. I mangitou nirumanta ringanni yamiu, lihide ere domba, arawe i mangitou ṛinone ere serigala apan mal᷊aṛṛaga.

ROMA 16:18

Ana waugu manga taumata inolaanne aroddi, wal᷊inewe mammanara manaran Kristus Mawun kite, ewe'e tumba'u mappaal᷊uassu apulu naungngi mangitou sassane. Ringannu sasal᷊o'a wuṛṛu manga wisara apan mapia, i mangitou mammahia manga taumata apan waggan apa-apa.

AMSAL 1:17

Sara lai manu'u winalanganna tawe sumutta sulal᷊ummu paperetta apan uataingnga uasaruanna matane,

2 TIMOTIUS 4:15

I'o sassane ṛinone paatehamma si tou, ana waugu i tou maddiri maddaringikka watti'i ite.

2 KORINTUS 11:3

Arawe i ya'u sussinggawangnga ṛingiṛṛannu, sarun awono'anna tawe tumuṛṛutta si Kristus, ere Hawa paarorone lai inawono'annu atoanna.

MATIUS 16:6

Mawu Yesus nabbisara si mangitou, “Paariaga su ragin taumatan Farisi wuṛṛu Saduki.”

WATTI'U MANGA RASUL 2:42

Ringannu maṛṛimada i mangitou sidutu mangngurumma al᷊aṛṛa'a wuassu manga rasul wuṛṛu sidutu uaammulla suadio'a. I mangitou u'anna su sambau wuṛṛu u'al᷊iomanna su sampunna.

MATIUS 16:11

Anio na'oman sara i yamiu tawe maasunna manungku i ya'u wal᷊ine uahahattong kamiu su ola'u roti? Paariagai su ola'u ragin taumatan Farisi wuṛṛu Saduki!”

SONDAPPA 2:5

Ana waugu udde, paanaungete tumaniten marau i yamiu nanawo! Awal᷊ute wuassu manga rosanu, wuṛṛu pa'ola'e ere inolaanni yamiu rorone. Amungkangu tawe, ne i Ya'u sarun rumanta ringanni yamiu wuṛṛu manawutta leddan sol᷊onu udde wuassu tampane.

1 PETRUS 5:9

Roopete i tou ringannu pangangimanna apan matohassa, ana waugu i yamiu masingkata manungku manga tuṛṛangnga sansul᷊ungnga Saṛṛani apan waine su ahewallu runia uatataṛṛanga lai ere i yamiu.

KOLOSE 2:5

Ana waugu salaiwe i ya'u uatana'a marau wuassi yamiu, ere lai ya'u uatana'a su wallatti yamiu. Wuṛṛu i ya'u lulluassa maasilo si yamiu uasampinunutanna wuṛṛu matohassa sulal᷊ummu pangangimanna si Kristus.

FILIPI 3:2

Paatehamma su saruannu manga taumata apan ma'ola'a inolaanna lal᷊eo, manga taumata apan wotongnge isaggo ‘asu’. I mangitou mammata'a tadea'u manga taumata udde iapa sunatta.

YOHANES 16:4

Arawe orassa indi iwal᷊o-U olangnge udde si yamiu, tadea'u amungkangngu udde mariaddi murine, i yamiu maanaungnga manungku i Ya'u suete namasingkatta si yamiu.” “Hatto indi tawe Ta'u niwal᷊o si yamiu ro'en paarorone, ana waugu i Ya'u ta'e su sampunna ringanni yamiu.

GALATIA 5:4

Amungkangngu i yamiu maapulu masasangkapia apia ringannu Ruata wuassu lal᷊ummu titan agama, udde atappasanne paa'aukku ringanni Kristus nabassute. Ringannu aroddi yamiu mabbiakka su liuddu darangngun Ruata.

2 PETRUS 2:7

Arawe Lot nipaasal᷊amatta, ana waugu i tou tinumuṛṛuta apulun Duata; i tou lembon natataṛṛanga ana waugu pallal᷊agu tawe matataṛṛino wuassu manga taumata lal᷊eo.

2 PETRUS 3:1

Manga tuṛṛangnga apan arangnguanna! Ete indi sura'u aruane si yamiu. Sulal᷊ummu suratta darua indi, ya'u mangke mappandumma mapaasabangu manga ṛingiranna apan mapia si yamiu.