2 PETRUS 3:14 - WUKE SUSI WATTI'U AL᷊AL᷊USASSA

¹⁴ Ana waugu udde, manga tuṛṛangnga apan arangnguanna, tantal᷊anna i yamiu uaṛṛaddo Allo udde, pappandumpe atonna-tonna mabbiakka susi wuṛṛu tawe pasassal᷊a su saruannu Ruata. Wuṛṛu paddul᷊ianete paa'aukka apan mapia ringannu Ruata.

2 PETRUS 3:14 Referans Kwoze

1 TESALONIKA 5:23

Antimanna Ruata sassane mangonggolu paddarame si ite, ma'ola'a si yamiu taumata apan atonna-tonna mabbiakka hunan Duata sassane. Doronganna Ruata mallu'adda ahewallu wadangngu, mawae ghaṛṛaho, ṛimuudda, wuṛṛu lai wadangngu, ma'oman sara tawe sangkule su tempo Mawun kite Yesus Kristus rumanta apia.

1 TESALONIKA 3:13

Ringannu aroddi Mawu sarun manohassa naungngu, na'oman sara i yamiu ma'ukkasa wuṛṛu tawe sal᷊ane su saruannu Ruata Iamangngi ite, su tempo Mawun kite Yesus rumanta suadio'a ringannu anambon taumata apan naola'a pussa'a-Ne.

FILIPI 1:10

Ringannu aroddi yamiu masingkatta mamile apa apan apianne, wuṛṛu wiakku na'ukkassa wuassu angngo ara'e al᷊awo'u aansilla su allo Kristus rumanta apia.

1 KORINTUS 15:58

Ana waugu udde, manga tuṛṛangnga apan arangnguanna, ṛinone i yamiu matohassa wuṛṛu sidutu mangngimanna. Pammanarate sidutu su Mawu ringannu atonna-tonna, ana waugu i yamiu masingkatta manungku sarangkanambone apan mammanaranni yamiu udde su Mawu, tawe maholo'a.

1 YOHANES 3:3

Anambon taumata apan pia antimma indi su saruanni Kristus, mandiagga ririne tadea'u atonna-tonna susi, waresi wuassu rosa ere lai Kristus udde lai susi.

1 KORINTUS 1:8

Kristus sassane sarun mandiaga si yamiu ma'oman sara pangudusanne; tadea'u su tempo i Tou rumanta apia, i yamiu aratinganna tawe sangkule.

FILIPI 2:15

Ringannu aroddi yamiu mapaal᷊iatta'a manungku eteudde i yamiu al᷊aṛṛana'u Ruata apan tawe angngone, mabbiakka ringannu matul᷊ida wuṛṛu naṛṛino su pattangnganu taumata lal᷊eo wuṛṛu marosa. Wuṛṛu su tempo i yamiu namasingkata si mangitou watti'a apan mangngonggolu wiakka, ṛinone i yamiu maola'a ere semakka apan lullansiangnga mannemakka runia. Amungkangu i yamiu mabbiakka ereudde, ne i ya'u pia pangiananne maapendamma al᷊al᷊uassa su ola'i yamiu su tempo Mawu Yesus rumanta apia. Udde maola'a tatialane manungku manara'u pia gunane wuṛṛu pia gessine.

IBRANI 9:28

Aroddi lai i Kristus tumba'u paassa tinantilla maola'a sasamba ipanubussa rosan anambon taumata. I Tou sarun dumanta apia su aruane, wal᷊ine manginsue hatton paddarosa, arawe manal᷊amatta manga taumata apan uaraṛṛaddo daranta-Ne.

LUKAS 12:43

Lal᷊umanna'a eteapa su mangangimbe udde napawe mawune mawelengnga wuṛṛu naaratingnga si tou tantal᷊anna mammanara manarane!

LUKAS 2:29

“Orassa indi, Mawu, I'o suete napasuungngu pa'aire-Nu. Wala'ewe allang-Ngu indi mate ringannu matammuda.

YAKOBUS 1:27

Tatuṛṛuta su agama apan waresi wuṛṛu tutune su aellegu Ruata Iamangnga eteudde: mantul᷊ungngu al᷊aṛṛana'a asisin pal᷊ussa wuṛṛu manga wawine wal᷊u apan susa, wuṛṛu uariagga wadangnge sassane tadea'u tawe lal᷊eoannu runia indi.

FILIPI 3:20

Arawe ete i ite tumana'u araratuannu surga. Ete wua isudde Ratun Punnu Sal᷊amatti ite, Mawu Yesus Kristus, sarun rumanta. Ete i Tou apan mangke raṛṛadoanni ite.

MATIUS 24:26

Amungkangngu taumata nabbisara si yamiu, ‘Pa'ellega i Tou poiaroddi su wadda'a!’ – arie i yamiu inai. Ara'e amungkangngu i mangitou mabbisara, ‘Pa'ellega, i Tou uaimbuni sulal᷊ummu wabbo'a isindi!’ – arie pangimanna

1 TIMOTIUS 6:14

Paatuṛṛute anambon parenta udde ringannu naungnga waresi wuṛṛu tawe urangnge ma'oman sara Mawun kite Yesus Kristus rumanta apia.

1 PETRUS 1:7

Tuddane eteudde mattiala manungku tanne atonna-tonna i yamiu mangngimanna Mawu ara'e tawe. Wul᷊awanna lai apan wotonge mahohakka, iannamma su putungnga. Ne pangangimanni yamiu maareganne wuassu wul᷊awanna, nariaddi ṛinone lai iannama tadea'u maola'a matohassa. Wuṛṛu ringannu aroddi yamiu sarun raloanna wuṛṛu addatanna lapiddu iruitta su allo Mawu Yesus Kristus rumanta apia.

2 PETRUS 3:1

Manga tuṛṛangnga apan arangnguanna! Ete indi sura'u aruane si yamiu. Sulal᷊ummu suratta darua indi, ya'u mangke mappandumma mapaasabangu manga ṛingiranna apan mapia si yamiu.

2 PETRUS 3:16

Sulal᷊ummu anambon suranne, Paulus siddutu mammoṛṛetu ola'u hatto udde. Atonna pia manga pira hatto apan masahadda passunnanne sulal᷊ummu manga suratti tou udde. Wuṛṛu wageangnge udde iwabal᷊elongngu manga taumata apan waggan apa-apa wuṛṛu apan lome pangangimanne. Olangnge udde tawe maatiangnga, ana waugu manga wageangnge waine wuassu Wuke Susi a'olaanni mangitou aroddi lai. Apa apan a'olaanni mangitou udde tumba'u manongkaki mangitou sassane.

MATIUS 25:7

Sire mapul᷊o maṛṛuala udde napu'ote wuṛṛu nande'ompe sol᷊o mangitou.