2 PETRUS 2:2 - WUKE SUSI WATTI'U AL᷊AL᷊USASSA

² Salaiwe aroddi, manambo taumata sarun tumantalongnga ola'u wiakku manga huru awusu udde apan tataṛṛinoannu apulu naungngi mangitou. Wuṛṛu inolaannu manga huru udde sarun mamol᷊engnga manambo taumata mangal᷊uandaga Lal᷊anna Naṛṛino mattuda Duata.

2 PETRUS 2:2 Referans Kwoze

ROMA 2:24

Sulal᷊ummu Wuke Susi uawoṛṛetta arendi, “Ana waugu i yamiu, manga taumatan Yahudi, arannu Ruata nial᷊uandahanna su wallattu walahanna waine.”

YUDAS 1:10

Arawe ringannu manga aal᷊uandagga, manga taumata udde namangalo al᷊awo'u apa apan tawe asunnanni mangitou. I mangitou nasul᷊unga ere manga winatangnga apan tawe ṛingidde, apan maasingkattu inolaanne wuassu nianaramanne. Arawe ete inolaanna udde naal᷊al᷊eo si mangitou.

SONDAPPA 13:14

Wuṛṛu anambon taumata apan mabbiakka su runia niawusuanne ringannu manga al᷊aṛṛindu'a apan botongnge olaanne su saruannu winatangnga apan paarorone udde. Wuṛṛu i mangitou sarangkanambone nirolokka mandarisikku sambau paal᷊uanna wuassu winatangnga apan suete nilessan hal᷊ele, arawe ta'e wiakka.

YUDAS 1:15

ana waugu makkuumannu anambon taumata. Mawu sarun makkuumannu manga taumata lal᷊eo ana waugu manga inolaanni mangitou apan tawe matataṛṛino. Wuṛṛu i Tou sarun makkuumannu taumata marosa wuṛṛu lal᷊eo, ana waugu anambon manga wisarane apan ipangngal᷊uandaga.

2 PETRUS 2:15

Ana waugu i mangitou maddiri umamatta su lal᷊anna matul᷊ida, ne i mangitou nial᷊iwune. I mangitou niumamatta su lal᷊anni Bileam ana'i Beor dorone. Bileam indi mangke maapulu maasomba roitta wuassu inolaanne apan lal᷊eo.

1 PETRUS 2:12

Pallal᷊agunu su wallatu taumata apan tawe maaillal᷊a Mawu ṛinone lembon mapia, na'oman sara napawe i mangitou mangngadio'a si yamiu ere taumata lal᷊eo, i mangitou lai sarun manga'u inolaannu apan mapia na'oman sara i mangitou sarun maddalo Ruata su allo daranta-Ne.

TITUS 2:8

Pappaatten manga wisara mapia, apan tawe iapaasal᷊an taumata, tadea'u manga seennu masili ana waugu tawe inolaanna lal᷊eo apan wotongnge iwatti'i mangitou su ola'i ite.

WATTI'U MANGA RASUL 24:14

Atonna ṛinone i ya'u manga'u si Tuangnga manungku i ya'u massubba Ruatan iupungngu al᷊amonang kami tumuṛṛuttu al᷊aṛṛa'u Mawu Yesus apan sassunnanni mangitou nassal᷊a. Arawe i ya'u ta'e mangngimanna sarangkanambone apan uawoṛṛetta sulal᷊ummu Wuke Musa wuṛṛu Wuke Manga Nabi.

WATTI'U MANGA RASUL 16:17

Wawine udde sidutu uatantalongnga si Paulus wuṛṛu si yami lapiddu u'al᷊iata, “Manga taumata indi allangngu Ruata apan ahewal᷊anne! I mangitou nirumanta mapa'asingkatta su manga tuṛṛangnga ereapa lal᷊anne i yamiu masal᷊amatta!”

MATIUS 24:24

Ana waugu sarun dumanta manga mananal᷊amatta awusu wuṛṛu manga nabi awusu. I mangitou sarun ma'ola'a al᷊awo'u inolaanna apan bahewalla, wuṛṛu manga al᷊aṛṛindu'a ipangawusu, amungkangngu wotongnge, al᷊aṛṛana'u Ruata lai.

SONDAPPA 12:9

Naga apan bahewalla udde niramme su liudde! Ete i tou atoanna timmade udde apan aranne Setanna ara'e Ghaṛṛaho Lal᷊eo, apan nangawusu ahewallu runia. I tou niramme su runia su sambau ringannu manga mala'ekanne.

2 PETRUS 2:21

Mappianne manga taumata ereudde tawe saran paassa naasingkata lal᷊annu apapian Duata, wuassu i mangitou masingkata, arawe wua'udde maddiri tumuṛṛutta manga parenta apan nionggolu Ruata si mangitou.

TITUS 2:5

maola'a pande, mabbiakka susi wuṛṛu maola'a inangnga su lal᷊oṛṛon bal᷊e apan mapia wuṛṛu masallunga awingnge. Ringannu aroddi tawe saran sangkatou apan wotongnge mapaasal᷊an watti'u Ruata.

1 TIMOTIUS 5:14

Ana waugu udde i ya'u maapulu tadea'u manga wawine wal᷊u ta'e dario'a maawingnga apia, maasomba ana'a wuṛṛu mammadul᷊i lal᷊oṛṛon bal᷊e, tadea'u manga seetti ite tawe maasomba tempone mandal᷊eo aranni ite.

WATTI'U MANGA RASUL 19:9

Arawe su wallattu manga taumata udde pia sire pira apan puane maattika wuṛṛu maddiri mangngimanna. Su saruannu awada'alla apan uasemodda isudde i mangitou mapaasal᷊an al᷊aṛṛa'a su ola'u Ruata manal᷊amatta taumata sulal᷊ummu Mawu Yesus. Ana waugu udde i Paulus nanantangngi mangitou, see inaite ringannu manga mallal᷊aṛṛenggennu Mawu Yesus su tampam pananantiroannu Tiranus. Isudde miallo-miallo i tou uaaiwal᷊o manga taumata.

WATTI'U MANGA RASUL 18:26

Ringannu waṛṛani i Apolos nanattakke massinaukka su wal᷊em pattataṛṛamawuanna wuṛṛu su tempo i Priskila wuṛṛu i Akwila naaringikka al᷊aṛṛangnge, i mangitou nangapiddi tou su wal᷊e. Poiaroddi i mangitou mannal᷊a'a ringannu mapia si tou su ola'u pandumannu Ruata manal᷊amatta taumata sulal᷊ummu Mawu Yesus.

WATTI'U MANGA RASUL 14:2

Arawe manga taumatan Yahudi apan maddiri mangngimanna, mammono'a manga taumata wal᷊ine Yahudi, na'oman sara i mangitou mannaungnga lal᷊eo su manga taumata apan mangngimanna Mawu Yesus.

WATTI'U MANGA RASUL 13:10

wuṛṛu nabbisara, “Ei taṛṛa awusu, ana'u al᷊al᷊eo! I'o seettu al᷊awo'u apapia. Anio i'o tawe mangillol᷊o mandal᷊eo pandumannu Ruata, ipanal᷊amatta taumata?

YOHANES 14:6

Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u.

MARKUS 13:22

Ana waugu mananal᷊amatta awusu wuṛṛu manga nabi awusu sarun dumanta. I mangitou sarun ma'ola'a al᷊awo'u inolaanna wahahewa wuṛṛu al᷊awo'u al᷊aṛṛindu'a ipangawusu al᷊aṛṛana'u Ruata amungkangngu wotongnge.

MARKUS 12:14

I mangitou nirumanta ringannu Mawu Yesus wuṛṛu nabbisara, “Iamangnga Huru, i yami masingkatta Iamangnga tawe mangawusu wuṛṛu tawe madaringikka ṛingiṛṛanni sai-sai. Iamangnga mangngaṛṛa'a ringannu masema-semakka su ola'u apulu Ruata su taumata, ana waugu Iamangnga tawe mamile taumata. Ne Iamangnga wotongnge mamasingkatta si yami, ‘Tumuṛṛuttu atorannu agaman kite, wotongnge i ite mamaekka wose su Kaisar ara'e tawe wotongnge? I ite mamaekka wose udde ara'e tawe?’ ”

MATIUS 22:16

Ne i mangitou nandolokku mallal᷊aṛṛenggenni mangitou ringannu Mawu Yesus su sambau ringannu manga pira taumata wuassu samba'an Herodes. Manga taumata udde nabbisara Mawu Yesus, “Iamangnga Huru, i yami masingkatta Iamangnga tawe mangawusu. Iamangnga mangngaṛṛa'a masema-semakka su ola'u apulun Ruata su taumata, tawe maddaringikka adapatti sai-sai. Ana waugu Iamangnga tawe mamile taumata.

MATIUS 7:14

Arawe ngara wuṛṛu lal᷊anna maṛṛiputta wuṛṛu masahada amatanne, mangapiddu taumata su pabbiaṛṛanna. Wuṛṛu tumba'u mattul᷊ungnga taumata maasomba udde.”

DARALO 18:21

Mawu nabbal᷊issa inolaangku apan naṛino; I Tou nangal᷊amatta si ya'u ana waugu i ya'u tawe sal᷊ane.

SONDAPPA 13:8

Winatangnga udde sarun subbannu anambon taumata apan mabbiakka su wowon runia indi, tabbene'e manga taumata apan aranne niwoṛṛeta tantal᷊anna runia indi taambe nariaddi, sulal᷊ummu wuken taumata wiakka pussa'an Ana'u Domba apan suete nipototta.

2 PETRUS 2:12

Arawe manga huru udde wal᷊ine hampa! I mangitou ere winatanga niasungkanga see sametanna wuṛṛu pateanna. I mangitou tawe maṛṛingidda, arawe tumba'u mammanara tuttuṛṛuta apulun naungnga, na'oman sara i mangitou mando'appa manga hatto apan tawe iasunna mangitou ringannu manga wisara aal᷊uandaga. Ana waugu udde wuassu manga pallal᷊agu mangitou sassane, i mangitou sarun mate ere manga winatangnga mal᷊aṛṛaga.

YEREMIA 6:16

Mawu nabbisara uman-Ne, “Darisikke su pappengannu lal᷊anna, wuṛṛu panutudde paapia-pia! Pa'iwal᷊ote manga lal᷊annu al᷊amona, wuṛṛu suapa apan apianne suwallanne. Amatte su lal᷊anna udde, tadea'u i yamiu mabbiakka matammudda.” Arawe i mangitou nabbisara, “Tawe, i yami maddiri umamatta su lal᷊anna udde!”

YESAYA 35:8

Poiaroddi sarun pia lal᷊anna wahewalla, “Lal᷊anna matuddan asasal᷊amatta” aranne. Taumata marosa sarun tawe umamatta poiaroddi, taumata woddo sarun tawe mangal᷊iwun taumata umamatta isudde.

PANDARIADDI 19:5

I mangitou niumui si Lot, wuṛṛu naiwal᷊o, “Suapa manga taumata apan nanaṛṛabbi su wal᷊enu? Tantil᷊a'e itarua, tadea'u i yami wotongnge mailalo'a ringanni mangitou!”

WATTI'U MANGA RASUL 22:4

I ya'u mammate ma'oman sara mallal᷊aṛṛenggennu al᷊aṛṛa'a wakku udde nate. I mangitou sarangkanambone mapia esakka ara'e lai wawine, ta'u sinametta wuṛṛu tinaṛṛo sulal᷊ummu tuttupanna.

2 PETRUS 2:7

Arawe Lot nipaasal᷊amatta, ana waugu i tou tinumuṛṛuta apulun Duata; i tou lembon natataṛṛanga ana waugu pallal᷊agu tawe matataṛṛino wuassu manga taumata lal᷊eo.

2 PETRUS 2:18

I mangitou na'ola'a manga papasingkata apan napenen papal᷊onotta wuṛṛu tawe loṛṛone; apulune sussandaga iapaati mangitou ipangal᷊iwu manga taumata apan wakku napallosa wuassu tampan taumata apan mabbiakka su al᷊al᷊eo.

YUDAS 1:4

Ana waugu ringannu niawagananni ite, pia manga taumata waine apan sinumutta nail᷊al᷊o'a su pattangnganni ite. I mangitou manga taumata lal᷊eo, apan mammal᷊elongngu watti'a su ola'u darangngun Duatan kite, tadea'u i mangitou pia tempo mapaasabangngu apulun naungngi mangitou lal᷊eo. Wuṛṛu i mangitou mannol᷊a'u Mawu Yesus Kristus, eteudde sangkatou Tembonanne wuṛṛu Mawun kite. Roen al᷊amonane ṛuumanni mangitou suete niapaasingkata sulal᷊ummu Wuke Susi.

YUDAS 1:7

Naunge'o lai soa Sodom wuṛṛu Gomora wuṛṛu manga soa maranine, apan inolaannu tumanangnge ere lai inolaannu manga mala'ekatta udde. I mangitou sussanddaga wuṛṛu ma'ola'a al᷊al᷊eo, na'oman sara i mangitou niramme sulal᷊ummu putungnga apan tawe panginsueanne, tadea'u maola'a sambau pannanaunganna su anambon taumata.