2 PETRUS 2:17 - WUKE SUSI WATTI'U AL᷊AL᷊USASSA

¹⁷ Manga huru awusu udde nal᷊ihida ere al᷊imatan kua'e apan namara wuṛṛu naal᷊ihida ere rallamma nitiuppu anginna al᷊isusu. Ruata suete nanaddia tampane, sambau tampa apan tumaniten maranduma.

2 PETRUS 2:17 Referans Kwoze

YEREMIA 14:3

Manga mangangimbe taumata ala nirolokka maddea'a ua'e su al᷊awo'u tampa; tate loṛṛone wensadda apan niapiddi mangitou apia. Ringannu u'al᷊iwu wuṛṛu tate antimma i mangitou massili wuṛṛu nallindumma hati.

EFESUS 4:14

Ne i ite tate maola'a lai al᷊aṛṛana'a apan nial᷊iwune, wuṛṛu iaapiddu al᷊awo'u hatin al᷊aṛṛa'u manga taumata apan taṛṛa awusu. I mangitou mangngal᷊iwun taumata ringannu wawahian mangitou.

YUDAS 1:6

Paanaunge lai manga mala'ekatta apan nalliu passarannu taṛṛino mangitou, naoman sara nanantangu tampa atatanaanni mangitou. Ruata namantungu manga mala'ekatta udde ringannu ṛate apan tawe mawu'a, sulal᷊ummu tampa apan marandumma su al᷊ungngu runia. Poiaroddi i mangitou siddutu tataṛṛanganna ma'oman sara i mangitou iṛṛu'umanna su Allo apan wahewalla udde.

2 PETRUS 2:4

Manga mala'ekatta apan marosa lai tawe iwalan Duata mal᷊iu wuassu ṛuumanna, ewe'e iramme sulal᷊ummu naraka. I mangitou iwontola sulal᷊ummu rampissa apan maranduma wuṛṛu taṛṛanganna poiaroddi madatingngu Allo Pamarikisanna.

MATIUS 25:30

Wuṛṛu mangangimbe apan tawe gunane udde, rammea'e sulal᷊ummu ararandumma su liudde. Poiaroddi i tou sarun lumuai wuṛṛu matataṛṛangnga asasusa!’ ”

MATIUS 22:13

See ratu udde nabbisara su manga ralol᷊oṛṛanne, ‘Ṛapussa leddane wuṛṛu liman taumata indi, wuṛṛu rammea'a i tou su liudde su tampa apan marandumma. Poiaroddi pia lal᷊uai wuṛṛu asasusa.’ ”

MATIUS 8:12

Arawe manga taumata apan ṛinone maola'a al᷊aṛṛana'u Ruata sarun iramme su ararandumma su liudde. Isudde i mangitou sarun lumuai wuṛṛu matataṛṛangngu asasusa.”

HOSEA 6:4

Arawe Mawu nabbisara, “Ei Israel wuṛṛu Yehuda! Apa rinone apan Ta'u olaanna si yamiu? Darangngunu si Ya'u mal᷊ihakka nawul᷊i ere ṛawu'a wuṛṛu angngukka su marua allo.

IBRANI 12:18

Manga tuṛṛangnga tawe nirumanta sumaruanna apa-apa ere sinaruanannu walahannu Israel dorone. I mangitou sinumaruanna apa apan botongnge iapita, eteudde Wowon Sinai ringannu putungnge apan lukkenggama; i mangitou sinumaruanna araranduma, wasa tuudda wuṛṛu tandi'a;