2 PETRUS 2:13 - WUKE SUSI WATTI'U AL᷊AL᷊USASSA

¹³ Maola'a wawal᷊issu asasusa apan suete niola'i mangitou, i mangitou sarun matataṛṛanga susa. Inolaanna apan maal᷊uassa naungngi mangitou eteudde ma'ola'a al᷊awo'u inolaanna su allo allattune maddea'a mapaawusan apulun wadangi mangitou. Amungkangu i mangitou uaianna su sambau ringanni yamiu sulal᷊ummu andeangngu anna, pallal᷊agu mangitou maarantinna ana waugu i mangitou niwu'annu apulu naungngi mangitou.

2 PETRUS 2:13 Referans Kwoze

ROMA 13:13

I ite ṛinone ma'ola'a inolaanna apan aaddatanna ere su inanaramanne a'olaannu taumata su tempo allo; imbaṛṛangnga maddamea tumaniten manampal᷊iu, ara'e mabbu'anna. Imbaṛṛangnga sumandaga, ara'e pia pallal᷊agu tawe addane. Imbaṛṛangnga mabbawul᷊o, ara'e mangune.

1 PETRUS 4:4

Orassa indi taumata apan tawe maaillal᷊a Mawu, tinumiangnga manungku i yamiu tawe nabbiakka ere i mangitou, ma'ola'a rosa walate apulune. Ana waugu udde i mangitou mangngal᷊uandaga si yamiu.

FILIPI 3:19

Wiakku manga taumata ereudde panginsueanne papate, ana waugu mawu mangitou eteudde apulun wadangngi mangitou sassane. Manga inolaanna apan maasili, eteudde ipammunga mangitou; ana waugu i mangitou tumba'u maṛṛingiddu manga inolaanna apan ipaapulun dunia indi.

EFESUS 5:27

Ringannu aroddi Kristus napararisikku jamaatta udde ringannu mawantuga wuṛṛu na'ukkassa su saruan-Ne, ringannu tawe sangkule ara'e angngone.

SONDAPPA 18:6

Ola'awe i tou su ereapa i tou suete na'ola'a si yamiu; wal᷊isete i tou paarua wuassu anambon pallal᷊agu apan suete niolangnge. Loṛṛoi mangkone ringannu ua'e inumanna apan paarua maattiṛṛana wuassu ua'e inumanna apan nasaddiate iapa'inumma si yamiu.

2 PETRUS 2:15

Ana waugu i mangitou maddiri umamatta su lal᷊anna matul᷊ida, ne i mangitou nial᷊iwune. I mangitou niumamatta su lal᷊anni Bileam ana'i Beor dorone. Bileam indi mangke maapulu maasomba roitta wuassu inolaanne apan lal᷊eo.

2 TIMOTIUS 4:14

Aleksander, taṛṛa ola'a witu'a udde suete na'ola'a manga inolaanna apan lal᷊eo si ya'u. Mawu sarun mabbal᷊issa si tou tumuṛṛuttu inolaanne.

YESAYA 3:11

Arawe nasilakate taumata lal᷊eo! I mangitou sarun olaanna ere lai i mangitou buatte na'ola'a taumata waine.

ANTARI MAWANTUGA 4:7

I'o maṛṛamaga atonna, arangnguangku, tawe sangkulle i'o.

YAKOBUS 5:5

I yamiu suete nabbiakka su al᷊al᷊uassa, wuṛṛu naatemmate apapian dunia indi. Yamiu paṛṛimaunnapa ere tantal᷊anna mapaatawan wadangnga ipaṛṛaddo allo pamamototanna.