2 PETRUS 1:5 - WUKE SUSI WATTI'U AL᷊AL᷊USASSA

⁵ Ana waugu udde, pattinsahadde atonna-tonna tadea'u i yamiu sidutu mangngimanna Mawu Yesus Kristus wuṛṛu pangangimannu udde rarundinganannu wiakka apan mapia. Su liuddu wiakka apan mapia i yamiu wotonge maola'a taumata pia asingkata,

2 PETRUS 1:5 Referans Kwoze

FILIPI 4:8

Panginsueanne, manga tuṛṛangnga, loṛṛoite ṛingiṛṛannu ringannu inolaanna apan mapia, apan wotongnge raloanna, eteudde inolaanna apan naṛṛino, maaddata, apan matul᷊ida, waresi, masaṛṛionto'a, wuṛṛu mapia.

AMSAL 4:23

Paariagai mapia-pia naungngu, ana waugu ete naungngu apan manantunnu lal᷊annu pabbiaṛṛannu.

2 PETRUS 3:18

Ṛinone i yamiu lembon maapendamma al᷊amattu Mawu Yesus Kristus, Mawu wuṛṛu Punnu Sal᷊amatti ite, wuṛṛu ṛinone i yamiu lai lembon maaillal᷊a si Tou. Daralo si Tou, orassa indi wuṛṛu ma'oman sara mal᷊annu-l᷊annu! Amin. Tabea wuassi yami, Petrus

2 PETRUS 1:10

Ana waugu udde, manga tuṛṛangnga, pattinsahade lembon maṛṛimadda tadea'u bawago Duata wuṛṛu pamamile-Ne su ririnu udde maola'a lembon matohassa. Amungkangu i yamiu ma'ola'a udde, i yamiu tawe sumoṛṛotta wuassu pangangimannu.

IBRANI 6:11

I yami ma'apulu taasul᷊unge tadea'u i yamiu sangkatou-sangkatou maṛṛimadda saran panginsueanne, ma'oman sara i yamiu manengkamma apa apan a'antimanni yamiu udde.

FILIPI 1:9

Ete indi aal᷊iomangku si yamiu: doronganna i yamiu lembon mandangngu Ruata wuṛṛu sansul᷊ungngu taumata wuṛṛu sidutu aatambanna sulal᷊ummu asingkatta apan ṛinone wuṛṛu ṛingiranna apan pande.

2 PETRUS 3:14

Ana waugu udde, manga tuṛṛangnga apan arangnguanna, tantal᷊anna i yamiu uaṛṛaddo Allo udde, pappandumpe atonna-tonna mabbiakka susi wuṛṛu tawe pasassal᷊a su saruannu Ruata. Wuṛṛu paddul᷊ianete paa'aukka apan mapia ringannu Ruata.

IBRANI 11:6

Amungkangu tawe pangangimanna, tawe saran sangkatou apan wotongnge maal᷊uassa naungngu Ruata. Ana waugu taumata apan rumanta ringannu Ruata ṛinone mangngimanna manungku pia Ruata, wuṛṛu manungku Ruata mangonggolu wawal᷊inne su taumata apan maddea'a si Tou.

EFESUS 5:17

Arie awodoanna, ewe'e panaṛṛasidde apa apan ipaapulu Mawu.

YESAYA 55:2

Apa hunane mamalli sambau saranapa apan tawe maal᷊uassa naungnga, wuṛṛu mammanara hunan apa apan tawe maal᷊aidda? Tuṛṛutte parenta-Ku, ne i yamiu sarun umanna anna apan mapia, wuṛṛu mattemma anna uaimbe apan matemangnga.

FILIPI 2:12

Ana waugu udde, manga tuṛṛangnga apan arangnguanna, su ereapa i yamiu sidutu matuṛṛuta si ya'u su tempo i ya'u uatana'a su pattangnganni yamiu, ne nangillembo orassa indi su tempo i ite mararaute, ṛinone i yamiu sidutu tuttuṛṛuta si ya'u. I yamiu suete nisal᷊amattu Ruata, nariaddi sidutu pammanarate tadea'u paddaramenu maola'a masuungnga. Ola'e udde ringannu addata wuṛṛu tatuṛṛuta su Ruata,

DARALO 119:4

I'o nangonggolu tita-Nu si yami, oh Mawu, tadea'u i yami mappaamattu udde ringannu matuṛutta.

KOLOSE 2:3

Ete Kristus apan nani'attu al᷊awo'u apande wuṛṛu asingkattu Ruata apan dorone uawuni.

YOHANES 6:27

Arie pammanara ipaddea'a anna apan wotongnge masue wuṛṛu mawukku'a. Pammanarate tadea'u maasomba anna apan tawe mawukku'a wuṛṛu apan mangngonggolu wiakka tutune wuṛṛu saran mal᷊annu-l᷊annu. Anna udde sarun ionggolu Ana'u Taumata si yamiu, ana waugu i Tou suete nitenegu Ruata Iamangnga.”

LUKAS 24:21

Sumbal᷊i yami mangngantimma manungku ete i Tou mamallossu Israel! Wuṛṛu allo indi allo atallune wuassu olangnge udde nariaddi.

KOLOSE 1:9

Ana waugu udde i yami sidutu u'al᷊iomanni yamiu ro'en i yami naaringikka su ola'i yamiu. I yami naddorongnga su Ruata tadea'u Ghaṛṛahon Duata mangonggolu apande wuṛṛu asingkata si yamiu, na'oman sara i yamiu maasunna apa ipaapulun Duata.

1 PETRUS 3:7

Wuṛṛu i yamiu lai, manga awingnga esakka, ṛinone mabbiakka ringannu napenen pasasunna su saruannu awingngu, wuṛṛu ringannu asingkata manungku ete i mangitou udde walahanna apan lome. Olaawe i mangitou ringannu addata, ana waugu i mangitou su sambau ringanni yamiu, sarun manengkamma al᷊amattu pabbiaṛṛana apan tutune wuassu Ruata. Olaawe indi, tadea'u taweddu maasal᷊awa'a aal᷊iomannu.

IBRANI 12:15

Paariagai arie ma'oman sara piaddu sangkatou apan sumabbanga wuassu alindongannu apapia naungngu Ruata, tadea'u tawe piaddu maola'a ere sasuanna apan pia pasangkade su pattangnganni yamiu ma'oman sara mandantan asasusa wuṛṛu mandal᷊eo anambon taumata ringannu pasangkade.

1 KORINTUS 14:20

Manga tuṛṛangnga! Arie paṛṛingidda ere al᷊aṛṛana'a. Sulal᷊ummu al᷊al᷊eo, ṛinone i yamiu uatatana'a ere ana'a maradio'a. Arawe sulal᷊ummu paṛṛaṛṛingidda, ṛinone i yamiu maola'a taumata apan timmaddete.

LUKAS 16:26

Wuṛṛu lai, su wallatti ite suete niola'a sambau rampissa mal᷊oangnga, tadea'u taumata wua isindi tawe maaranta poiaroddi, wuṛṛu taumata poiaroddi tawe maaranta isindi!’

ZAKARIA 6:15

Manga taumata sarun dumanta wuassu tampa apan marau wuṛṛu mantul᷊ungnga mapararisikku Wal᷊e-U. Napawe wal᷊en udde nasuete, i mangitou sarun maasingkatta manungku i Ya'u Mawu Apan Lembontaṛṛino nandolokku ringanni mangitou. Sarangkanambone udde sarun mariaddi amungkangngu i mangitou atonna-tonna tuttuṛṛutta manga parenta-U, Mawu Ruata Mangitou.”

2 PETRUS 1:11

Ringanni aroddi yamiu sarun onggol᷊annu taṛṛino sumutta su Araratuanna apan saran mal᷊annu-l᷊annu wuassu Mawu wuṛṛu Ratun Punnu Sal᷊amatti ite Yesus Kristus.

YOSUA 7:3

i mangitou nabelenga wuṛṛu nabbal᷊o si Yosua. I mangitou nabbisara, “I ite salaiwe lasa'e inai mamangalo Ai. Pandolokke manga darua ara'e tallu ṛiwu su atoune. Arie paddoloṛṛa'a abbi tantara inai mapapangalo, ana waugu soa udde addio'a.”