2 PETRUS 1:12 - WUKE SUSI WATTI'U AL᷊AL᷊USASSA

¹² Ana waugu udde, i ya'u siddutu mapaanaungnga si yamiu su olangnge udde, salaiwe i yamiu masingkatte wuṛṛu mangke mangngimanna al᷊aṛṛa'u Ruata apan suete nisengkammi yamiu udde.

2 PETRUS 1:12 Referans Kwoze

1 YOHANES 2:21

Nariaddi ya'u namoṛṛetu suratta indi si yamiu wal᷊inewe ana waugu i yamiu waggan al᷊aṛṛa'a apan naṛṛino, arawe ana waugu i yamiu naaillal᷊ate wuṛṛu i yamiu lai masingkate manungku tawe awusune sulal᷊ummu al᷊aṛṛa'a apan naṛṛino udde.

FILIPI 3:1

Panginsueanne, manga tuṛṛangku, ṛinone i yamiu lumuassa ana waugu i yamiu suete naaukka ringannu Mawu. I ya'u tawe maapendamma masahadda manul᷊e apia apa apan suete niwoṛṛeta si yamiu paarorone; ana waugu olangnge udde mapia su asasal᷊amannu.

KOLOSE 2:7

wuṛṛu maṛṛamutta su lal᷊ummi Tou. Ṛinone i yamiu mapararisikku wiakku ringanni Kristus maola'a rapappake. Ṛinone i yamiu lembon mangngimanna si Kristus, tuttuṛṛutta apa apan suete niaṛṛa'a si yamiu. Wuṛṛu ṛinone naungngi yamiu lulluassa ringannu wisara aadiangkamanna.

YUDAS 1:5

Sarangkanambone udde i yamiu masingkatte. Arawe i ya'u maapulu mapaanaungngi yamiu su ola'u ereapa Mawu manal᷊amatta walahannu Israel wuassu leta'u Mesir, arawe wua'udde namate manga taumata apan tawe mangngimanna su wallatti mangitou.

2 YOHANES 1:2

Ana waugu Ruata uatana'a sulal᷊ummu naungngi ite, wuṛṛu sidutu uatana'a ringanni ite saran mal᷊annu-l᷊annu.

2 PETRUS 1:13

Tantal᷊anna i ya'u ta'e wiakka, i ya'u mangke mapaanaungngi yamiu su olangnge udde.

YUDAS 1:17

Arawe tuṛṛangku apan arangnguanna, paanaunge apa apan dorone niwisaran manga rasulu Mawun kite Yesus Kristus.

YUDAS 1:3

Manga tuṛṛangnga apan arangnguanna! I ya'u atonna-tonna pia pandumanna mamoṛṛettu suratta si yamiu su ola'u asasal᷊amatta apan suete niapendamanni ite suaddio'a. Arawe orassa indi ya'u pia pandumma mangaṛṛa'a si yamiu ringannu suratta indi tadea'u i yamiu siddutu mammanara maddea'a pangangimanna apan paassate nionggolu Ruata ma'oman sara mal᷊annu-l᷊annu su al᷊aṛṛanang-Nge.

2 PETRUS 3:17

Arawe i yamiu manga tuṛṛangku apan arangnguanna, maasingkatte olangnge udde. Ana waugu udde, paatehamma, arie i yamiu iawol᷊engnga sulal᷊ummu ararandumu manga taumata lal᷊eo, ma'oman sara i yamiu manawo wuassu tampa dararisiṛṛanu apan matohassa.

2 PETRUS 3:1

Manga tuṛṛangnga apan arangnguanna! Ete indi sura'u aruane si yamiu. Sulal᷊ummu suratta darua indi, ya'u mangke mappandumma mapaasabangu manga ṛingiranna apan mapia si yamiu.

2 PETRUS 1:15

Ne i ya'u sarun mattinsahada tadea'u napawe i ya'u natete lai, yamiu siddutu mannaungnga apia manga inolaanna indi.

1 PETRUS 5:12

Sura'u apan maautta indi ta'u niwoṛṛeta si yamiu ringannu sasumbalan Silas, apan aantimangku sangkatou tuṛṛangnga Saṛṛani apan matuṛṛuta. I ya'u maapulu mangonggolu sasasa si yamiu, wuṛṛu manohassa pangangimanni yamiu manungku apa apan ta'u niwoṛṛeta indi watti'a atonna su ola'u darangngun Duata. Ṛinone i yamiu mangke uaantimma su darangngu udde.

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.

IBRANI 13:9

Imbaṛṛanga mapaawalan al᷊awo'u hatin al᷊aṛṛa'a apan ma'aheranga apan mangal᷊iwung kamiu. Naungngi ite ṛinone tohasannu apapia naungngu Ruata, eteudde apan mapia; imbaṛṛanga ringannu manga atoranna su ola'u anna. Manga taumatan tiwatta apan matuṛṛuta su manga atoranna udde tawe naasomba hunane.

IBRANI 10:32

Naungete ereapa ola'u manga tuṛṛanga su tempo nal᷊iu. Su tempo udde, napawe semakku Ruata nilumansiangnga si'o, i yamiu anamboanne uatataṛṛanga, arawe i yamiu sidutu mammanara ringannu maṛṛimada.

2 TIMOTIUS 1:6

Ana waugu udde i ya'u mapaanaunga si'o mapaawiakku al᷊amatta apan nionggolu Ruata si'o su tempo i ya'u nangaddon lima'u si'o.

1 TIMOTIUS 4:6

Amungkangu i'o mangaṛṛa'u sarangkanambone udde su manga tuṛṛanga su pangangimanna sambau, i'o sarun maola'a mamamanaran Kristus Yesus apan mammanara ringannu mapia. Wuṛṛu i'o sidutu mappadul᷊i niawanu ringannu wisaran Duata apan pangngimananni ite, wuṛṛu ringannu manga al᷊aṛṛa'a apan atonna apan suete nipangimanannu al᷊annunete indi.

WATTI'U MANGA RASUL 16:5

Ne manga jamaatta udde niatambante atatohassu pangangimanne, wuṛṛu miallo-miallo a'atambanna anambone.

KOLOSE 1:5

I yamiu mangngimanna wuṛṛu i yamiu marangngu, ana waugu mangngantimma apa apan suete nissaddian Duata su surga hunan kamiu. I yamiu suete naaringikka su olangnge udde, su tempo Watti'u Al᷊al᷊uassa udde niapaasingkata si yamiu.