2 MARARATU 9:27 - WUKE SUSI WATTI'U AL᷊AL᷊USASSA

²⁷ I Ahazia naasilo apa apan buatte nariaddi, ne i tou nantal᷊angu keretane watukku soan Bet-Hagan. I Yehu nangenggenna si tou wuṛṛu nangintul᷊i tantarane, “Pate lai tou!” I mangitou namiti'a si tou wuṛṛu nallessa sulal᷊anna mattudda watukku Gur, maranin soan Yibleam. Arawe i tou naatal᷊angu watanganne na'oman sara su Megido, wuṛṛu isudde i tou nate.

2 MARARATU 9:27 Referans Kwoze

MAL᷊AṚṚUUNGNGA 1:27

Walahanni Manasye tawe nallimbuakka tumana'u soa Bet-Sean, Taanakh, Dor, Yibleam wuṛṛu Megido ringannu manga ampunga maranine. Nariaddi taumatan Kanaan sidutu uatana'a isudde.

YOSUA 17:11

Su lal᷊ummu wageangngu leta'i Isakhar wuṛṛu i Asyer udde, pia manga leta'a pussa'a Manasye, eteudde: Bet-Sean, wuṛṛu Yibleam ringannu manga ampungnga maranine. See lai: Dor (soa apan addone su winggin sahatta), En-Dor, Taanakh, Megido wuṛṛu manga ampunga maranine.

2 KORINTUS 6:17

Ana waugu udde, tantanga'e manga taumata apan tawe maaillal᷊a Ruata udde, wuṛṛu pattingkaṛṛaeten batangannu wuassi mangitou. Arie paa'aukka ringannu apa apan maarantinna ne i ya'u sarun manengkamma si yamiu.

AMSAL 13:20

Taumata apan uahahawen taumata pande, sarun maola'a pande; taumata apan uahahawen taumata woddo, sarun masilaka.

2 MARARATU 8:29

ana see i tou nabelengke watukku soa Yizreel naiundamma, wuṛṛu i Ahazia inaite lai nattembo si tou poiaroddi.

1 MARARATU 21:2

Su allo sambau i Ahab nabbisara si Nabot, “Onggola'e waillu anggorenu udde si ya'u, ana waugu wailla udde maranin wal᷊en araratuangku. I ya'u mappulu massuannu manga sayore isudde. I'o sarun maasomba waillu anggore apan lembon apianne maola'a hahantine, ara'e amungkangngi i'o mappulu, i ya'u sarun mamalli ringannu aregga apan su ṛione!”

MAL᷊AṚṚUUNGNGA 5:19

Su Taanakh, maranin sal᷊ukka su Megido, manga ratu uapapangalo, manga ratun Kanaan mattinsahadda, arawe tawe napangapiddu sal᷊a'a maola'a saranapa niaaṛo.

REENGANNA 16:26

I Musa nabbisara su manga taumatan Israel, “Pangingkatte wuassu rasannu manga taumata lal᷊eo indi wuṛṛu imbaṛṛangnga mangeṛṛetta saranapa pussa'a mangitou. Amungkangngu i yamiu tawe maddaringikka, i yamiu sarun pateanna suadio'a ringanni mangitou ana waugu manga rosa mangitou.”

2 MARARATU 10:4

Manga piaṛa'u Samaria nata'utta. I mangitou nabbisara, “i Ratu Yoram wuṛṛu i ratu Ahazia lai tawe maatottola si Yehu, nangillembote lai i ite!”

2 MARARATU 11:1

Napawe i ratu wawine i Atalya naasingkatta manungku Ratu Ahazia, anangnge, natete, i tou namarenta tadea'u amonanni Ahazia sarangkanambone pateanna.

2 MARARATU 12:1

Su tonna appitune i Yehu uaparenta su Israel, i Yoas naola'a ratun Yehuda. I tou uaparenta su Yerusalem 40 su tonnane al᷊annune. Inangnge aranne i Zibya wuassu Bersyeba.

2 MARARATU 21:23

Manga mammamanaran araratuanni Ratu Amon na'ammula mando'appa si tou wuṛṛu mamate si tou su wal᷊en araratuanna.