2 MARARATU 9:24 - WUKE SUSI WATTI'U AL᷊AL᷊USASSA

²⁴ I Yehu nangannatta al᷊ati'anne wuṛṛu namiti'a si Yoram su liudde nallappassa sara pappuso. I Yoram nawantinga wuṛṛu nate sulal᷊ummu keretane.

2 MARARATU 9:24 Referans Kwoze

1 MARARATU 22:34

Ringannu tawe nipattatudda sangkatou tantaran Siria namiti'u anaanne, ringannu tawe nitarangnga su tampa apan pappandumanne. Arawe anaanna udde napansakka si Ahab wuṛṛu nallappassa su laubbu pangalone su passampaanne. “I ya'u naṛṛinoanne!” aintul᷊in Ahab su mangangapiddu keretane. “Welenga'e wuṛṛu apira'e i ya'u sumabbangnga wuassu tampa papangaloanna!”

1 TESALONIKA 5:3

Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.

AMSAL 21:30

Tawe apapande, asasiṛṛunga ara'e ṛingiranna matakko'a apan wotongnge mataṛṛangnga su saruannu Mawu.

DARALO 50:22

Panutukke, i yamiu apan naabul᷊iten Duata; paatehampe arie ma'oman sara i yamiu Ta'u pateanna, wuṛṛu taweddu manal᷊amatta.

2 MARARATU 10:4

Manga piaṛa'u Samaria nata'utta. I mangitou nabbisara, “i Ratu Yoram wuṛṛu i ratu Ahazia lai tawe maatottola si Yehu, nangillembote lai i ite!”

ZAKARIA 13:6

Wuṛṛu amungkangu pia taumata maiwal᷊o si tou, ‘Lessan napa apan su sabbangngu udde?’, i tou sarun sumimbakka, ‘lau nalessa su wal᷊en hawe'u.’ ”

1 MARARATU 19:17

Isai-sai apan tawe nipate Hazael, sarun pateanni Yehu, wuṛṛu i mangitou apan naatal᷊angnga wuassi Yehu sarun pateanni Elisa.

1 MARARATU 21:29

“I'o buatte naasillo ereapa i Ahab nattingkawawon batangane su saruang-Ku? Ana waugu udde, i Ya'u tawe mandantan asasilaka tantal᷊anna i tou ta'e wiakka. Sutempon anangnge wakkute udde i Ya'u mandantan asasilaka su amonanne.”

1 MARARATU 22:35

Arawe ana waugu pangalo ta'e allalosone, Ratu Ahab sidutu uarisikka lapiddu sasenganna sulal᷊ummu keretane uasaruanna tantaran Siria. Daṛṛane mangngelekka wuassu lessane, nangammon apampakku kereta. Su wawallone i tou nate.

2 MARARATU 10:9

Marua'allo atonna i Yehu sinumabbangke watukku ngara pasallanganna, ana see nabbisara su manga taumata apan uaammula isudde, “Ete i ya'u apan suadio'a naammula mando'appa si Ratu Yoram wuṛṛu namate si tou; i yamiu tawe sal᷊ane su hatto udde. Arawe anambon taumata indi wal᷊ine i ya'u namate.