2 MARARATU 9:18 - WUKE SUSI WATTI'U AL᷊AL᷊USASSA

¹⁸ Ringannu uasa'e awal᷊o, tantara udde inaite naisasomban Yehu wuṛṛu nabbisara, “Ratu ma'apulu maasingkatta, tanne i Tuanga nirumanta maola'a sangkatou hawe.” “Udde wal᷊ine manaranu!” sasimbakki Yehu, “Wette pa'ammule ringangku.” Mandariaga wal᷊en padariaganna udde naasilo tantara udde nirumanta su ammul᷊anne udde, arawe tate nabelenga. Ne i tou nangalaen olange udde,

2 MARARATU 9:18 Referans Kwoze

2 MARARATU 9:22

“Apa i'o rumanta ere sangkatou hawe?” aiwal᷊on Yoram si Yehu. I Yehu sinumimbakka, “Apa wotongnge mariaddi ere sangkatou hawe, amungkangu isindi ta'e manambo taṛaroti, wuṛṛu ta'e pia pasasubba monganna apan tinattaki Izebel Inangngu udde?”

2 MARARATU 9:19

ana see lai i tou nandolokku sangkatou tantara waine. Tantara indi naiwal᷊o aroddi lai si Yehu, ne paassa lai i Yehu sinumimbakka, “Udde wal᷊ine manaranu! Wette pa'ammule ringangku!”

ROMA 3:17

I mangitou wuta su ola'u lal᷊annu al᷊al᷊uassa,

YEREMIA 16:5

Arie inai su wal᷊en taumata apan tantal᷊anna lullal᷊o, Yeremia. Arie lumal᷊on sisai-sai. I Ya'u tate lai mangal᷊amatta uma-U ringannu lal᷊umanna'a, wuṛṛu tate lai mamasilon apendamma u'akkanna ara'e tatal᷊antuppa si mangitou.

YESAYA 59:8

I yamiu tawe maddea'a paddarame, wuṛṛu anambon inolaannu tawe atatul᷊idde. Lal᷊annu mangke wengkolla, wuṛṛu taumata apan umamatta su lal᷊anna udde sarun mabbiakka susa.

YESAYA 48:22

Tawe asasal᷊amatta su taumata lal᷊eo,” etearoddi wisara Mawu.

2 MARARATU 9:17

Sutempo mandariaga wal᷊en padariaganna soa Yizreel naasilo si Yehu wuṛṛu manga taumatane nirumanta, i tou nangintul᷊i, “Pia taumata manambo mattudda inawarendi!” I Yoram sinumimbakka, “Pandolokku sangkatou tantara pasaea'a awal᷊o wuṛṛu inai paelleha'a tanne i mangitou udde hawe ara'e ro'appa.”

2 MARARATU 9:31

Napawe i Yehu sinumuttate su ngara pasallanganna, i Izebel nangintul᷊i, “Ei Zimri, taṛṛapate! Ma'ura i'o isindi?”