2 MARARATU 7:5 - WUKE SUSI WATTI'U AL᷊AL᷊USASSA

⁵ Napawe allo mannattake marandumma i mangitou inaite watukku paddasanannu taumatan Siria, arawe i mangitou tawe naasilo saran sangkatou taumata isudde.

2 MARARATU 7:5 Referans Kwoze

TAHIUL᷊E 28:7

Amungkangngu i yamiu pangaloanna, Mawu sarun mamaddon seennu. I mangitou sarun mamangalo ringannu uaatokka, arawe tumal᷊angnga ringannu uasongkakka.

YEHEZKIEL 12:12

Su al᷊ummu ṛabbi wasa ratu mangitou sarun mamasanna pinampiunanna su wambangnga see inaite umamatta. Manga taumata sarun mallassutta loṛṛangnga su manga darandunga tadea'u i tou wotongnge maasabbangnga. I tou sarun manutubba matane ma'oman sara tawe maasilo lal᷊anna apan amatanne.

1 SAMUEL 30:17

Sutempo matannallo sumabbangke tiṛṛabbine, i mangitou nipangaloanni Daud, ne i mangitou napapangalote na'oman sara ṛabbite. Nal᷊iudda wuassu appattu ṛasutta su atoune umbasanna apan tinumal᷊angnga ringannu uasa'e unta, tawe saran sangkatou wuassu seetta apan naatal᷊angnga.

TAHIUL᷊E 32:30

Ereapa wotongnge sangkatou ma'aenggenna saṛṛiwu su atoune, wuṛṛu ruan katou maaola'a mapul᷊o ṛiwu su atoune tumal᷊angnga? Mawu, Ruata mangitou, buatte nabbal᷊u'i mangitou; i mangitou tinantangken Duata apan matohassa.

TAHIUL᷊E 32:25

Pangalo sarun mangapiddu papate su manga lal᷊anna; atata'utta sarun maṛṛia'a su manga taumata su wal᷊en. Umbasanna wuṛṛu maṛṛuala sarun pateanna, wuṛṛu lai ana'a maradio'a see lai taumata timmadete.

IMAMATTA 27:26

Winatanga apan paarorone niasungkanga udde maola'a tatahunannu Mawu, nariaddi imbaṛanga ionggola olaanna sasamban al᷊al᷊uassu naungnga. Ana'u sapi, ana'u domba ara'e ana'u ambinga apan paarorone niasungkanga udde, tatahuanannu Mawu.

IMAMATTA 27:8

Amungkangngu taumata apan naddiandi tumaniten asiangnga maddea'a mamaekka arega apan buatte nitantunna, i tou ṛinone mangapidu taumata apan buatte niola'a sasamba su Mawu udde ringannu Imam. Imam ṛinone manantunnu arega apan mabbawoanna tadea'u taumata udde maawaekka.

2 MARARATU 7:4

Amungkangu i ite sumutta su soa, i ite sarun nate amal᷊unusanna; wuṛṛu napawe i ite sidutu uatana'a isindi, i ite sarun mate lai. Mappianne i ite inaite watukku paddasanannu taumatan Siria. Asinungka i ite sarun pateanni mangitou. Arawe asinungka lai i mangitou tawema'ola'a apa-apa si ite.”

2 MARARATU 7:6

Ana waugu, Mawu buatte na'ola'a taumatan Siria naaringikka ere tingikku pangalon sambau ammul᷊annu tantara apan bahewalla uasa'e awal᷊o wuṛṛu kereta. Manga taumatan Siria udde massunna manungku ratun Israel buatte nanewa ratun Het wuṛṛu Mesir ana see tantarane mamangalo si mangitou.