2 MARARATU 6:17 - WUKE SUSI WATTI'U AL᷊AL᷊USASSA

¹⁷ Ana see i Elisa niumal᷊iomante, “Mawu, doronganna I'o mamu'a matan allangku tadea'u i tou maasilo!” Mawu naddaringikka aal᷊iomanni Elisa na'oman sara napawe allange udde nanaile, i tou naasilo su wowone mangke napenen awal᷊o wuṛṛu kereta pia putungnge uapal᷊iwutta si Elisa.

2 MARARATU 6:17 Referans Kwoze

DARALO 68:17

Anio wuassu puiddu apan manambo udde i'o ma'ellega ringannu aal᷊uandaga su Wuiddu Sion apan nipilen Duata maola'a tatanaan-Ne? Mawu sarun matana'a poiaroddi saran mal᷊annu-l᷊annu.

DARALO 34:7

Taumata su asasilaka sussal᷊ande, ne Mawu sinumimbakka, namallossi tou wuassu asasusane.

2 MARARATU 2:11

Itarua u'amaatta lapiddu uahahatto. Inaṛombanganne sambau kereta pia putungnge apan wawollengannu awal᷊o pia putungnge nirumanta napaṛṛaen tarua ana see i Elia niapaasengkengu anginna al᷊isusu watukku surga.

IBRANI 1:14

Amungkangu aroddi, manga mala'ekatta udde apa i mangitou? Ete i mangitou udde manga ghaṛṛaho apan mangngimbe Ruata, wuṛṛu apan iradolokku Ruata iapaatul᷊ungngu manga taumata apan sarun manengkamma asasal᷊amatta.

WATTI'U MANGA RASUL 26:18

tadea'u i mangitou sumabangnga wuassu ararandumma wuṛṛu sumutta su asasemakka; tadea'u i mangitou mal᷊iu wuassu wawono'u Setanna, see mangngimante Ruata. Ne ringannu mangngimanna si ya'u, manga rosa mangitou sarun ampunganna wuṛṛu i mangitou sarun mareengnga su walahannu Ruata apan suete nipile.’ ”

MATIUS 26:53

Su naungngu i Ya'u tawe maarorongnga tul᷊unganna wuassi Iamangku, wuṛṛu i Tou ringannu mal᷊ihakka mandolokku mapul᷊o dua pia lebbene wageangngu tantara mala'ekatta?

YESAYA 42:7

Tadea'u ipamu'a matan taumata wuta, wuṛṛu ipamallossu taumata wuassu ararandummu tuttupanna.

DARALO 119:18

Wu'ate mata'u tadea'u i ya'u maasilo al᷊aṛṛa'a apan maatiangnga sulal᷊ummu tita-Nu.

SONDAPPA 19:14

Tantaram pangalo wuassu surga uatantalongnga si Tou ringannu uasa'e manga awal᷊o mawira, wuṛṛu uapeddetu lenan mawira wuṛṛu waresi.

EFESUS 1:18

I ya'u sumal᷊ande tadea'u Ruata mamu'a ṛingiṛṛannu ma'oman sara maola'a masemakka; tadea'u i yamiu maasunna apa apan aantimanni yamiu wuassu Ruata apan namago si yamiu. Wuṛṛu lai tadea'u i yamiu maasingkata aroddi anambone al᷊amatta apan maṛṛamaga apan suete nissaddia Ruata su al᷊aṛṛanang-Nge;

ZAKARIA 1:8

i ya'u naasilo mala'ekattu Mawu uasa'e sambau awal᷊o maṛṛamu. I Tou nattaalla su sambau wawalanne suwallattu manga punnu alu murad. Su liudde uarisikka lai manga pira awal᷊o waine, piaddu maṛṛamu, maramu jambu wuṛṛu mawira.

DARALO 91:11

Ruata nandolokku mala'ekan-Ne mallu'adda si'o, niapariaga si'o su al᷊awo'u tampa apan amatannu.

SONDAPPA 19:11

Wua'udde i ya'u naasilo surga nawu'a, see niasiloanna sambau awal᷊o mawira. Sumasa'e-Ne aranne Matuṛṛuta wuṛṛu Atonna. I Tou matul᷊idda sulal᷊ummu mangema'u ṛuumanna wuṛṛu sulal᷊ummu pangalo apan niolang-Nge.

DARALO 104:3

wuṛṛu napararisikku Wal᷊en-Nu su wowon ua'e su winalanganna. Manga winabbawa niolang-Ngu kereta-Nu, I'o uasa'e papaiddu anginna.

DARALO 91:15

Amungkangu i tou sumal᷊ande si Ya'u, i Ya'u sarun sumimbakka si tou. Sutempon asasusa, i Ya'u sarun umontolla si tou; i tou sarun Ta'u iliu wuṛṛu Ta'u onggol᷊anna aaddata.

SONDAPPA 3:7

“Su mala'ekattu jamaatta su Filadelfia, woṛṛetta'a arendi: Ete indi tanata wuassi Tou apan susi wuṛṛu tutune. Ete i Tou uaaggasa a'unsi apan tatahuananni Daud; amungkangu i Tou mamu'a, tawe saran sangkatou wotongnge maaṛṛu'uda, wuṛṛu amungkangu i Tou maṛṛuuda, tawe saran sangkatou wotongnge maawu'a.

PANDARIADDI 21:19

Ana see Ruata na'ola'a si Hagar naatutukka ringannu masemakka, na'oman sara i tou naasilo sambau paṛṛihi. Ne i tou inaite ana see nalloṛṛateng kua'e supato'a pisi udde, ana see anangnge niapa'inumpe.

PANDARIADDI 32:1

I Yakub nanassukku amatanne. Ana see manga pira mala'ekatta nirumanta naisasomban tou.

DARALO 104:4

Anginna niolang-Ngu daroloṛṛan-Nu, wuṛṛu sawallo mangangimbe-Nu.

DANIEL 10:7

Tumba'u i ya'u sassane apan naasilo sondappa udde. Manga taumata apan suadio'a ringangku tawe naasilo, arawe i mangitou matta'utta na'oman sara nampattal᷊angnga wuṛṛu na'imbuni.

PANDARIADDI 32:2

Napawe i Yakub naasilo si mangitou, i tou nabbisara, “Indi rasannu Ruata,” waugu udde tampa udde nissagon tou Mahanim.

PANDARIADDI 32:3

Wua'udde i Yakub nandolokku manga pira daroloṛṛanne umamatta malliu ṛoro waussi tou watukku wanua Edom inai maisasomban Esau, iaangnge.

REENGANNA 22:31

Ana see Mawu na'ola'a si Bileam wotongnge maasilo mala'ekattu Mawu uarisikka isudde ringannu hal᷊ele sasawutanna. I Bileam apiddu niumal᷊intudda su leta'a wuṛṛu nassubba.

DARALO 125:2

Naal᷊ihidda manga wowone ual᷊indumma Yerusalem, etearoddi Mawu ual᷊u'adda al᷊aṛṛanang-Nge orassa indi maddatingu saran mal᷊annu-l᷊annu.