2 MARARATU 5:13 - WUKE SUSI WATTI'U AL᷊AL᷊USASSA

¹³ Arawe manga allange nangundanin Naaman wuṛṛu nabbisara, “i Tuanga, unnu wisara i Tuanga irolokka iapaola'a sambau manara apan masahadda, i Tuanga sarun mammanara. Apa lai indi tumba'u nandolokki Tuanga mandeno tadea'u mapiate radda'a!”

2 MARARATU 5:13 Referans Kwoze

2 MARARATU 6:21

Napawe ratun Israel naasilo manga taumatan Siria udde, i tou naiwal᷊o, “Elisa, ṛinonewe i ya'u mamate manga taumatan Siria indi?”

SONDAPPA 7:14

“I ya'u wagga Tuangnga. I Tuangnga sassane masingkata,” sasimba'u. Ne i tou nabbisara si ya'u, “Ete indi manga taumata apan suete ringannu sal᷊amatta naralukka wuassu pananansara apan wahewalla. I mangitou suete nabbansala jubah mangitou wuṛṛu niola'i mangitou nabbal᷊i mawira ringannu ṛaṛṛan Ana'u Domba udde.

2 MARARATU 13:14

Sutempo sambau i Nabi Elisa maradda'a mawakkata, wuṛṛu i Ratu Yoas nirumanta mattembo si tou. Napawe i tou naasilo si Elisa maraniten mate, ratu udde nilumuai wuṛṛu nabbisara, “Papa'u, Papa'u, mananahekku Israel apan bahewalla!”

2 MARARATU 2:12

I Elisa naasilo si tou, ana see nangintuli, “Elia, Papa'u! Papa'u! Mallal᷊u'addu Israel apan matohassa! Papa napul᷊ete!” Ne i Elia nawul᷊ite wuassu aellegi Elisa. Ringannu massusa i Elisa nanggesa'a jubane natahia darua,

1 PETRUS 3:21

Ne riadianna udde naola'a sambau sasumandinga wuassu sasaṛṛani apan orassa indi mannal᷊amatta si yamiu. Sasaṛṛani indi wal᷊ine sambau lal᷊agu ipammaresi wadanga wuassu anambon luhuda, ewe'e maola'a sambau paairenu su Ruata wuassu lal᷊ummu naungnga apan mapia. Sasaṛṛani udde mannal᷊amatta si yamiu ana waugu Yesus Kristus suete nabbiakka apia wuassu papate,

IBRANI 10:22

Ana waugu udde, wette i ite mangundani Ruata ringannu naungnga matul᷊ida wuṛṛu pangangimanna apan matohassa; ringannu naungnga apan suete niukassa wuassu apendamma apan sal᷊a, wuṛṛu ringannu wadangnga apan suete niukkassu ua'e waresi.

TITUS 3:5

I Tou nanal᷊amatta si ite, wal᷊ine ana waugu i ite suete na'ola'a apapia, ewe'e ana waugu i Tou sassane tinumal᷊antupi ite. I Tou nanal᷊amatta si ite sulal᷊ummu Ghaṛṛahon Duata, apan nangonggolu arariaddianna wakku si ite wuṛṛu wiakka wakku ringannu nangukkassu daṛṛa-Ne si ite.

WATTI'U MANGA RASUL 22:16

Orassa indi ariete i'o maṛṛado mal᷊annu. Darisikke wuṛṛu paisaṛṛanite. Sal᷊andete su Mawu tadea'u i'o iapaal᷊iu wuassu manga rosanu.’ ”

1 KORINTUS 4:15

Ana waugu ete i ya'u naola'a iamangngi yamiu, salaiwe asinungka ere taumatan Saṛṛani, yamiu uatahuante mapul᷊o ṛiwu su atoune huru. Sulal᷊ummu wiakku ere manga taumata apan uaaukka ringanni Kristus, i ya'u naola'a iamangngi yamiu, ana waugu ete i ya'u nangapiddu Watti'u Al᷊al᷊uassa si yamiu su ola'i Kristus.

1 KORINTUS 1:27

Ana waugu atonna Ruata namile taumata apan sassunnannu runia indi woddo, tadea'u manga taumata pande masili. Wuṛṛu Ruata lai namile taumata apan sassunannu runia indi lome, tadea'u manga taumata apan matohassa wuṛṛu waṛṛani, masili.

1 KORINTUS 1:21

Ana waugu salaiwe ereapa apanden taumata, i tou tawe maaillal᷊a Ruata wuassu apandene sassane. Arawe ana waugu Ruata lembon pande, i Tou wotongnge manal᷊amatta manga taumata apan mangngimanna si Tou wuassu Watti'a apan buatte niapaasingkati yami apan sassunannu runia indi awusu.

YOHANES 13:8

“Arie Mawu,” wisaram Petrus su Mawu Yesus, “Arie saran paassa Mawu mangukkassa ledda'u!” Arawe Mawu Yesus sinumimbakka, “Amungkangngu i Ya'u tawe mangukkassa leddanu, i'o tawe paa'aukka ringang-Ku.”

MATIUS 23:9

Wuṛṛu arie lai yamiu mamaggo saran sangkatou su runia indi ‘Iamangnga’, ana waugu Iamangngu tumba'u sambau, eteudde Iamangnga apan su surga.

MALEAKHI 1:6

Mawu Apan Lembontaṛṛino nabbisara su manga imam, “Sangkatou ana'a mangngaddatta iamangnge, wuṛṛu sangkatou mangangimbe mangngaddatta mawune. I Ya'u indi Iamangngu; anio i yamiu tawe mangaddatta si Ya'u? I Ya'u indi Tuangngu; anio i yamiu tawe mata'u-U? I yamiu mallobbossa si Ya'u, arawe i yamiu ma'iwal᷊o, ‘Ringannu olangnge ereapa i yami mallobbossa Si'o?’

YESAYA 1:16

Raddassa watangannu ma'oman sara mawaresi. Illol᷊oa'e anambon al᷊al᷊eo apan a'olaanni yamiu udde. Ore, ariete lai ma'ola'a al᷊al᷊eo,

DARALO 51:7

Mangke atonna, i ya'u lal᷊eo ro'en i ya'u niasungkangnga, wuṛṛu naṛṛaitannu rosa ro'en ta'e su illoṛṛo.

DARALO 51:2

napawe i tou nitaguanni Nabi Natan ana waugu sinumandaga si Batsyeba.

2 MARARATU 8:9

I Hazael nanganu unta wuṛṛu niluranannu al᷊awo'u wuan sasuannu soan Damsyik, ana see inaite ringanni Elisa. Napawe na'omate su tampan Elisa, i Hazael nabbisara, “Allangu Ratu Benhadad, nandolo'u iappaiwal᷊o Mawu tanne i tou mapia ara'e tawe.”

2 MARARATU 5:10

I Elisa nandolokku sangkatou allanga iapawisara arendi si Naaman, “Roote i Tuanga pandeno paapitu su Sal᷊ukku Yordan, ne i Tuanga sarun mapiate atonna.”

2 MARARATU 5:3

Su allo sambau allanga udde nabbisarate mawune, “Mama, amungkangu i Tuanga inai maisasomban nabi apan uatana'a su Samaria, nabi udde sarun mapapian tuanga.”

1 MARARATU 20:31

Manga piaṛṛa'u tantarane nirumanta ringanni tou wuṛṛu nabbisara, “Unu taumata, manga ratun Israel uddewe manga ratu apan maakkanna, ana waugu udde, wala'e yami sumaruanna ratun Israel ringannu malluṛṛen laubba karongnga maola'a tatialan sasassila wuṛṛu tal᷊i su ullekka maola'a tatiala masuṛṛubbawa. Antimanna i tou tawe mamate si Tuangnga.”

1 MARARATU 20:23

Manga piaṛṛa'u tantaran Ratu Benhadad nabbisara si Benhadad, “Manga mawu sassubbannu walahannu Israel uataṛṛino su panenteanna, ana waugu udde i ite wotongnge iawaddon balahanna udde. Arawe i ite atonna sarun maawaddo si mangitou amungkangngu i ite mapapangalo su leta'a ratakke.

PANDARIADDI 41:43

Ana see i tou nangonggola si Yusuf sambau keretan araratuanna aruane maola'a sasa'eanne, wuṛṛu mandariaga awawantugu ratu u'amatta su saruannu kereta udde apiddu u'ui, “Ore! Paamata'a! Paamata'a!” Etearoddi i Yusuf nitenega naola'a gubernure su ahewallu Mesir.

YOHANES 9:7

see nabbisara si tou, “Roote pamaresi hatinu su Li'un Siloam.” (Siloam atapasanne ‘Nirolokka’.) Ne taumata udde inaite namaresi hatine. Su tempo i tou nabelengnga, i tou wotongngete maasilo.

1 SAMUEL 24:11

Orassa indi i Tuangnga naapendamma sassane manungku sulal᷊ummu loṛṛangnga tanginna, Mawu buatte nanantilli Tuangnga su allangngu. Allangngu buatte nisal᷊o'u sangkatou tadea'u iapapate si Tuangnga, arawe allangngu maddiri. Allangngu sinumimbakka manungku allangngu maddiri mallessa naungngu ratu apan nipilen Mawu.

1 SAMUEL 28:23

I Saul nanal᷊a'a wuṛṛu nabbisara manungku i tou maddiri umanna. Arawe napawe mammamanarane lai mangke mammata'a, i tou niumante. I tou nabbuatta wuassu leta'a niumanna su pal᷊assa.