2 MARARATU 4:42 - WUKE SUSI WATTI'U AL᷊AL᷊USASSA

⁴² Su sambau tempo apan baine, sangkatou esakka nirumanta wuassu Baal-Salisa. I tou nangapidda ringanni Elisa, ganduma apan wakkute niitinga wuṛṛu lai ruan pul᷊o roti apan niola'a wuassu ganduma apan paarorone niitinga su tonna udde, wuṛṛu lai ganduma apan wakkute niitinga. I Elisa nandolokku allange niapatahia roti udde su manga nabi udde,

2 MARARATU 4:42 Referans Kwoze

1 SAMUEL 9:7

I Saul sinumimbakka, “Amungkangu iaddua inai maisasomban tou, apate sarun ionggolli addua si tou? Wal᷊unna apan uaapidda siaddua nasuete, wuṛṛu iaddua tateddu ionggolla su allangngu Ruata udde, wal᷊inewe aroddi?”

YOHANES 6:13

See i mangitou nangammullu mapul᷊o dua su ul᷊angnge napene lambeng kanna wuassu limam bau roti apan niannan taumata nambo udde.

YOHANES 6:9

“Isindi pia sangkatou ana'a esakka uaapiddu roti limam bau wuṛṛu inassa ruam bua. Arawe apa hunane su taumata anambone indi?”

2 MARARATU 7:1

I Elisa sinumimbakka, “Paddaringikka apa apan niwal᷊on Mawu! Tiṛabbi, iraṛangngo tempone ereindi lai, ringannu tumba'u sambau roitta sal᷊a'a wotonge maawalli tatallu su kilone ganduma apianne ara'e annumu kilo ganduma lihidde waine.”

1 SAMUEL 9:4

Ana see i Saul wuṛṛu allangnge mammal᷊intaddu panenteannu Efraim wuṛṛu leta'u Salisa, arawe tawe naasangkalla manga winatangnga udde. Wua'udde itarua niumamatte nasal᷊a watukku leta'u Sahalim, arawe manga keledai tawe lai isudde. Itarua naddea'a lai su wageangngu leta'i Benyamin, arawe tawe naasangkalla lai.

1 KORINTUS 9:11

I yami suete nangasi'u wualannu Ghaṛṛaho sulal᷊ummu pabbiaṛṛannu. Ne amungkangngu i yami mangitingnga manga al᷊amattu runia wuassi yamiu, apa udde atappasanne manungku i yami madorongnga tumaniten manambo wuassi yamiu?

2 MARARATU 4:38

Su sambau tempo nariadite ṛutumma su ahewallu wanua. Ne i Elisa nabelengke watukku Gilgal. Sutempo i tou tantal᷊anna mannantiro sambageanganna nabi, i tou nandolokku mangangimbene niapaal᷊appa urinna wahewalla wuṛṛu nallaha anni mangitou.

TAHIUL᷊E 32:14

sapi wuṛṛu ambinga domba mangitou napasabbangngu manambo susu; winatangngi mangitou apianne, gandumma wuṛṛu ua'e anggori mangitou lembon apianne.

TAHIUL᷊E 12:6

Watukku tampa uddewe i yamiu ṛinone mangapiddu manga sasamba itattambunna see lai manga sasamba waine, manga sasamba sepere mapul᷊o waussu inasaharannu see lai manga sasamba waine, sasamba wawaekka riandinu, sasamban tawe niwata'a wuṛṛu ana'u sapi wuṛṛu ambinga dombanu apan paarorone niasungkangnga.

TAHIUL᷊E 8:8

Su wanua udde manambo wuan manga gandumma, anggore, wuan ara, wuan delima, alu zaitun wuṛṛu pul᷊a.

SASABANGNGA 23:16

Laghua'e Andeangngu Pangangitingnga su tempo i yamiu mannattake mangitingnga wua paaororone su wawail᷊annu. Laghua'e Andeangngu Rasannu Rongnga su panginsueannu tonna su tempo i yamiu mangammulu hessin baillu anggore wuṛṛu waillu manga wuan aaluanna.

GALATIA 6:6

Taumata apan mannengkama al᷊aṛṛa'i Kristus, ṛinone mattahia ringannu hurune anambon apa apan mapia apan tatahuannanni tou.

1 MARARATU 14:3

Apira'a si tou mapul᷊o roti, addio'a kukisse wuṛṛu pul᷊a sambotolla. Iwal᷊oite si tou apa apan sarun mariaddi si Abia, ana'i ite. Nabi udde sarun mamasingkatta si'o.”

2 MARARATU 5:5

Ratu nabbisara, “Ore roote ringannu ratun Israel. I ya'u sarun mamoṛettu suratta si tou.” Ne i Naaman inaite ringannu uaapiddu 30.000 roitta sal᷊a'a wuṛṛu 6.000 roitta wul᷊awanna, wuṛṛu 10 parassa laubba mangkapia.

REENGANNA 18:12

Ta'u ionggola si'o sarangkanambone apan apianne wuassu pangitinganna paarorone apan ionggolu taumatan Israel si Ya'u suapan tonna, eteudde lanan zaitun, ua'e anggore wuṛṛu gandumma.

REENGANNA 18:13

Sarangkanambone udde maola'a wageangngu. Suapan lal᷊oṛṛon amonannu apan tawe sal᷊ane wotongnge umanna anna udde.