2 MARARATU 4:39 - WUKE SUSI WATTI'U AL᷊AL᷊USASSA

³⁹ Sangkatou suwallatu manga nabi udde inaite watukku wailla maddea'a sayore lihiddu wawasal᷊anna lul᷊u. I tou nani'o wuan sasuanna udde manambo-nambo, wuṛṛu niapidda napul᷊e. I tou wagga tanne wuan napa udde, i tou naṛṛinte wuṛṛu nitaṛo sulal᷊ummu urinna udde.

2 MARARATU 4:39 Referans Kwoze

IBRANI 12:15

Paariagai arie ma'oman sara piaddu sangkatou apan sumabbanga wuassu alindongannu apapia naungngu Ruata, tadea'u tawe piaddu maola'a ere sasuanna apan pia pasangkade su pattangnganni yamiu ma'oman sara mandantan asasusa wuṛṛu mandal᷊eo anambon taumata ringannu pasangkade.

MATIUS 15:13

Mawu Yesus sinumimbakka, “Manga sinuananna apan tawe nisuannu Iamangku su surga sarun abbutanna.

YEREMIA 2:21

I'o Ta'u nisuanna ere punnu anggore apan Ta'u nipile wuassu wualanna apan apianne. Arawe orassa indi i'o nawal᷊ute, naola'a sasuanna lul᷊u wuṛṛu tawe gunane.

YESAYA 5:4

Apate lai apan sarun Ta'u olaanna, arawe taambe Ta'u niola'a su waillu anggore-U udde? Anio wua mapakkadda apan niapasabbangnge, wal᷊inewe wua mapia ere apan a'antimang-Ku?

PANDARIADDI 25:29

Su sambau allo su tempo i Yakub tantal᷊anna mallaha sayore buncise maṛṛamu, i Esau niramanta wua nilumul᷊u. I tou mal᷊unussa.

1 MARARATU 6:18

Darandungnga su wageangngu lal᷊umme su ahewallu wal᷊en udde nilapisannu alu cemaran Libanon, na'oman sara manga watu su darandungnge tawe asiloanna saran addio'a. Lal᷊apissa udde nilogaṛṛannu wuan labu ni'uitta wuṛṛu manga bunga matti'akka.

2 MARARATU 4:38

Su sambau tempo nariadite ṛutumma su ahewallu wanua. Ne i Elisa nabelengke watukku Gilgal. Sutempo i tou tantal᷊anna mannantiro sambageanganna nabi, i tou nandolokku mangangimbene niapaal᷊appa urinna wahewalla wuṛṛu nallaha anni mangitou.

2 MARARATU 4:40

Napawe nal᷊ahate, i tou nattahiate su manga nabi udde. Arawe wakkute i mangitou naatemma anna udde, i mangitou nangintul᷊i si Elisa, “Papa, indi pasangkada!” I mangitou maddirite umanna.

AMSAL 19:2

Araṛṛimadda ringannu tawe asingkatta, lal᷊eo; taumata apan uasasaṛṛawutta sarun ma'ola'a pasasal᷊a.