2 MARARATU 4:10 - WUKE SUSI WATTI'U AL᷊AL᷊USASSA

¹⁰ Mappianne iaddua ma'ola'a sambau wabbo'a addio'a su ṛengkenne al᷊iurosone, wuṛṛu mandiahi atatiilane, medda, addera, wuṛṛu sol᷊o tadea'u i tou wotongnge manaṛabbi isudde suapan i tou rumanta mattembo si ite.”

2 MARARATU 4:10 Referans Kwoze

ROMA 12:13

Patatul᷊ungnga mapaasuungngu hausannu manga taumatan Saṛṛani waine wuṛṛu sal᷊ohoiwe manga tuṛṛangnga su pangangimanna sambau apan ta'e awaganannu, ringannu naungnga mal᷊uassa sulal᷊ummu wal᷊enu.

IBRANI 10:24

Wuṛṛu ṛinone i ite ua'aellega sandingananna, tadea'u i ite wotongnge uasasasa mandangngu sansul᷊ungnga wuṛṛu ma'ola'a manga inolaanna apan mapia.

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

IBRANI 13:2

Arie humago'a mapaatana'a su wal᷊enu manga taumata apan ta'e awagananni yamiu. Ana waugu ringannu ma'ola'a aroddi, piate taumata, ringannu tawe niatutukka suete napaatana'u mala'ekatta su wal᷊ene.

LUKAS 8:3

wuṛṛu lai i Yohana awingngi Khuza, maṛṛinun araratuanni Herodes; i Susana, wuṛṛu manambo lai wawine waine. Ringannu roitti mangitou sassane, i mangitou nallal᷊ima Mawu Yesus wuṛṛu manga mallal᷊aṛṛenggen-Ne.

MARKUS 9:41

Paanaunge! Taumata apan mappa'inummi yamiu, ana waugu yamiu mallal᷊aṛṛenggennu Ratum Punnu Sal᷊amatta, i tou sarun manengkamma lal᷊antakke.”

YESAYA 32:8

Arawe taumata apan mapia buddine manggol᷊agu manga inolaanna apan mapia wuṛṛu pallal᷊agune lai mapia.

1 MARARATU 17:19

I Elia sinumbakka, “Apira'e ana'a udde inawarendi.” Ana see i Elia nanganu ana'a esakka udde wuassu inangngene, wuṛṛu niapidda su wabbo'a ṛenkenne roso, su wabbo'a apan pinanaṛṛabbianni Elia. I Elia napal᷊allowangngu ana'a udde su tampa tatiil᷊anna,

2 MARARATU 4:11

Su allo sambau i Elisa nirumanta apia su Sunem. Napawe i tou nirumangante su wabbo'a mangillol᷊o,