2 MARARATU 3:26 - WUKE SUSI WATTI'U AL᷊AL᷊USASSA

²⁶ Napawe naatutukke manungku i tou tate maaro'appa, ratun Moab nangapiddu 700 tantara apan pande mappaattu hal᷊ele, ana see sidutu maddea'a tadea'u maintaṛo su tampan Ratu Edom, arawe i tou tawe naasutta.

2 MARARATU 3:26 Referans Kwoze

AMOS 2:1

Mawu nabbisara, “Tumana'u Moab masokkate ma'ola'a rosa, ana waugu udde i Ya'u sarun makkuumanni mangitou. I mangitou mallobbossa si Ratun Edom apan natete ude; ringannu namongkakku labbingnge see nanganu manga duṛṛine wuṛṛu nitambunna nabbal᷊i awu.

2 MARARATU 3:9

Ne i Ratu Yoram inaite suadio'a ringannu ratun Yehuda wuṛṛu ratun Edom. Napawe niumamatte al᷊annune pitu allo, i mangitou niasueannu ua'e, na'oman sara tantaran mangitou winatanga lal᷊uranannu saranapa tate ma'inumma.

2 MARARATU 3:25

wuṛṛu nanggohakku manga soan mangitou. Suapan wawailanna masuwukka apan nisabbianni mangitou, tuntunganni mangitoun batu. Panginsueanne anambon wawail᷊anna niomboannu watu. Manga taumatan Israel nakkapinga lai manga al᷊imatan kua'e, wuṛṛu nanuwangnga manga aaluanna mabbua. Nallambe tumba'u soa Kir-Hareset inangngu soa Moab. Panginsueanne soa udde lai nipangaloanna wuṛṛu manga taṛṛa ali-ali nanuntungu watu.

2 MARARATU 3:27

Ana waugu udde i tou nanganu parinsine, ana see niaddo roso su darandungu soa maola'a sasamba su mongannu Moab. Ne manga taumatan Israel nata'utte, na'oman sara i mangitou napasoṛottu tantaran mangitou wuassu soa udde wuṛṛu napul᷊ete watukku wanuan mangitou.

2 MARARATU 8:20

Sulal᷊ummu i Yehoram uaparenta, Edom namangalote Yehuda wuṛṛu na'ola'a araratuanne sassane.