2 MARARATU 3:25 - WUKE SUSI WATTI'U AL᷊AL᷊USASSA

²⁵ wuṛṛu nanggohakku manga soan mangitou. Suapan wawailanna masuwukka apan nisabbianni mangitou, tuntunganni mangitoun batu. Panginsueanne anambon wawail᷊anna niomboannu watu. Manga taumatan Israel nakkapinga lai manga al᷊imatan kua'e, wuṛṛu nanuwangnga manga aaluanna mabbua. Nallambe tumba'u soa Kir-Hareset inangngu soa Moab. Panginsueanne soa udde lai nipangaloanna wuṛṛu manga taṛṛa ali-ali nanuntungu watu.

2 MARARATU 3:25 Referans Kwoze

YEREMIA 48:36

Anambon pa'aala Kir-Heres wuṛṛu ahewallu Moab nawul᷊ite. I Ya'u massusa maasilo ola'i mangitou; i Ya'u naal᷊ihidda taumata apan manniuppa wansi ringannu aantarin lal᷊alo.

YEREMIA 48:31

Ana waugu udde i Ya'u sarun lumuai ma'ikka-ikkatta si yamiu sarangkanambone wuṛṛu su manga taumatan Kir-Heres, inangngu soanu.

YESAYA 16:7

Ana waugu udde wala'ewe walahannu Moab ualal᷊uaite. Wala'e i mangitou lumuai amungkangngu maanaungnga anna matemangnga apan wiasane iwabbo'o mangitou su soa Kir-Hareset. Wala'e i mangitou maaddio'a naungnga wuṛṛu ma'uare.

2 MARARATU 3:19

Anambon soan mangitou apan pia tanda batune wuṛṛu mangkapia sarun iaṛṛaan kamiu; anambon aaluanna apan pia buane tuwanganni yamiu, anambon al᷊imatan kua'e sappinganni yamiu, wuṛṛu manga wawail᷊anni mangitou apan masuwukka sarun tuntunganni yamiu batu ma'oman sara mahohakka wara'a taweddu mallambe.”

YESAYA 16:11

Naungku ma'uare wuṛṛu natuno ma'ellega saṛṛen Moab wuṛṛu Kir-Heres.

YESAYA 15:1

Eteindi tanata Mawu su ola'u Moab. Soa Ar wuṛṛu Kir niuno sulal᷊ummu tempo saṛṛabbi, wuṛṛu wanua Moab naola'a mal᷊anna-l᷊annabba.

2 SAMUEL 8:2

I Daud lai namaddon taumatan Moab. I tou nandolokki mangitou iapal᷊allowanga su leta'a, ana see i tou namate ruan katou suwallattu suapan siri tallu su atoune. Nariaddi, taumatan Moab nassuṛṛubbawa si Daud wuṛṛu mammaekka wose si tou.

MAL᷊AṚṚUUNGNGA 9:45

I Abimelekh sidutu uapapangalo su al᷊o'engngu allo wuṛṛu namanua su soa udde; tumanangnge nipate, ana see soane niṛimunsa'a wua'udde nisal᷊iawuṛannu asimma.

TAHIUL᷊E 2:9

Mawu nabbisara si ya'u, ‘Taumatan Moab papapulunni Lot, imabaṛṛangnga i yamiu manal᷊awa'a si mangitou. Imbaṛṛangnga lai mamangalo si mangitou. Wanua Ar buatte Ta'u nionggola si mangitou wuṛṛu wuassu leta'i mangitou sarang kadio'a lai tawe Ta'u ionggola si yamiu.’ ”

PANDARIADDI 26:18

I tou na'al᷊i apia manga paṛṛihi apan buatte nial᷊i su tempon Abraham wuṛṛu buatte nisoopannu taumatan Filistin su pananantangngi Abraham. Manga paṛṛihi udde nissagon aranne uasul᷊ungnga ere nissagon iamangnge.

PANDARIADDI 26:15

Ana see nisoopante mangitou paṛṛihi apan buatte nial᷊i manga allangngi Abraham su tempo i tou ta'e wiakka.

2 MARARATU 3:24

Arawe napawe manga taumatan Moab na'omate su paddasananna udde, i mangitou nilimbuaṛannu taumatan Israel apan sidutu mangngenggena lapiddu mammate si mangitou

2 MARARATU 3:26

Napawe naatutukke manungku i tou tate maaro'appa, ratun Moab nangapiddu 700 tantara apan pande mappaattu hal᷊ele, ana see sidutu maddea'a tadea'u maintaṛo su tampan Ratu Edom, arawe i tou tawe naasutta.