2 MARARATU 3:15 - WUKE SUSI WATTI'U AL᷊AL᷊USASSA

¹⁵ Orassa indi apira'e inawarendi sangkatou mananalanga kecapi.” Tantal᷊anna taumata udde mannal᷊anga kecapine, i Elisa niintaṛoannu Ghaṛṛahon Mawu,

2 MARARATU 3:15 Referans Kwoze

1 SAMUEL 16:23

Nanattakka orassa udde, napawe i Saul rantannu ghaṛaho lal᷊eo, i Daud lapiddu mannalangnga kecapine. Ne i Saul maapendampe matammudda wuṛṛu mal᷊uasse apia, ana waugu tinantangke ghaṛaho lal᷊eo udde.

1 SAMUEL 10:5

Wua'udde i'o ṛinone inai watukku wuiddu Ruata su Gibea, tampa paddasanannu taumatan Filistin. Su ngara suttanna su soa, i'o sarun massomban sangkammul᷊annu nabi apan sinumossokke wuassu wuidda pangangonggol᷊annu sasamba. I mangitou massal᷊aingnga wuṛṛu mangngintul᷊i, mannalangnga gambus, rebana, wansi wuṛṛu kecapi.

1 MARARATU 18:46

Orassa udde i Elia naasomba atatohassa wuassu Mawu. I tou nangal᷊aissa jubane ire'e wuṛṛu niwa'issa su lawassa ana see tinumal᷊angnga nalliuṛṛoro si Ahab su al᷊o'engngu lal᷊anna naddatingngu ngaran passalangannu soan Yizreel.

WATTI'U MANGA RASUL 11:21

Taṛṛino Mawu mangke si mangitou na'oman sara taumata nambo mangngimanna wuṛṛu nanantillu watanganne su Mawu.

YEHEZKIEL 8:1

Su allo al᷊imane wul᷊anna aiannume sulal᷊ummu tonna aiannume sutempo pamamuanganni yami, manga piaṛṛa'u taumatan Yehuda niwuangnga nirumanta su wal᷊e'u wuṛṛu niuma'ianna suadio'a ringangku. Inaṛṛombanganne taṛṛino Mawu Apan Atanggaṛṛanne sinumutta si ya'u.

YEHEZKIEL 3:22

Ta'u niapendamanna atoha'u daranta Mawu wuṛṛu niaringiṛṛangku i Tou mabbisara si ya'u, “Apu'ote wuṛṛu roote watukku wawal᷊anne. Poiaroddi i Ya'u sarun maggahattonu.”

YEHEZKIEL 3:14

Taṛṛino Mawu nirumanta si ya'u ringannu masaddata, wuṛṛu sutempo i ya'u niwengketta wuṛṛu niapiddu Ghaṛṛaho-Ne, naungku pendamanna mapetta wuṛṛu masal᷊ihamma.

1 SAMUEL 18:10

Tiṛṛabbine allo i Saul sulal᷊ummu wal᷊ene tantal᷊anna uaagassa sambeangnga wuṛṛu inaṛṛombanganne i tou nirantannu ghaṛaho lal᷊eo apan nirolokku Ruata, na'oman sara i tou mandona naal᷊ihidda taumata wewa. Tempo udde i Daud tantal᷊anna mannalangnga kecapi ere mamiallo.

1 SAMUEL 16:16

Amungkangu i Tuangnga mappulu, yami uasaddiate maddea'a sangkatou apan pande mannalangnga kecapi. Napawe Tuangnga sansarannu ghaṛaho lal᷊eo, taumata udde wotongnge mannalangnga kecapine, ne i Tuangnga maapendampe al᷊al᷊uassa apia.”

2 MARARATU 3:16

na'oman sara i tou nabbisara, “Eteindi apan niapasingkattu Mawu: ‘Pa'ola'e manga hote su sal᷊ukka maradio'a indi.

DARALO 49:4

I ya'u sarun mabbisara manga wisaran apande, addapattu ṛingirangku tumaniten mal᷊al᷊umma.