2 MARARATU 25:4 - WUKE SUSI WATTI'U AL᷊AL᷊USASSA

⁴ tanda'a watu su soa nihohakku seetta. Ṛabbi udde, salaiwe taumatan Babel tantal᷊anna ual᷊iwunna soa udde, anambon tantaran Yehuda tinumal᷊anga nattudda Wawal᷊annu Yordan. I mangitou nanganu lal᷊anna sumabbi kintallu wal᷊en araratuanna, ana see sinumabbangu ngara passallanganna apan uasampa'u tanda'a watu darua su tampa udde.

2 MARARATU 25:4 Referans Kwoze

YEHEZKIEL 33:21

Su allo al᷊imane wul᷊anna mapul᷊o, sulal᷊ummu tonna mapul᷊o dua sutempo i yami niwuanga, sangkatou apan naal᷊assanga wuassu Yerusalem nirumanta wuṛṛu namasingkatta si ya'u manungku soa udde nanawote.

YEHEZKIEL 12:12

Su al᷊ummu ṛabbi wasa ratu mangitou sarun mamasanna pinampiunanna su wambangnga see inaite umamatta. Manga taumata sarun mallassutta loṛṛangnga su manga darandunga tadea'u i tou wotongnge maasabbangnga. I tou sarun manutubba matane ma'oman sara tawe maasilo lal᷊anna apan amatanne.

YEREMIA 5:10

I Ya'u sarun mandolokku seetta inai iapahohakku waillu anggori mangitou, arawe wal᷊ine iapaamussa abbi. I Ya'u sarun mandolokku seetta udde mamaresi manga rannan anggori mangitou, ana waugu manga ranna udde wal᷊ine pussa'a-U.

2 MARARATU 25:5

Arawe tantaran Babel nangenggena si Ratu Zedekia, wuṛṛu nisametta su leta'u Yerikho. Anambon tantarane tinumal᷊anga nanantangi tou.

TAHIUL᷊E 32:30

Ereapa wotongnge sangkatou ma'aenggenna saṛṛiwu su atoune, wuṛṛu ruan katou maaola'a mapul᷊o ṛiwu su atoune tumal᷊angnga? Mawu, Ruata mangitou, buatte nabbal᷊u'i mangitou; i mangitou tinantangken Duata apan matohassa.

TAHIUL᷊E 28:25

Amungkangngu i yamiu tawe maddaringikka Mawu Ruatanu, i Tou sarun ma'ola'a si yamiu mawaddo su manga seennu. I yamiu sarun mamangalo ringannu uaatokka arawe tumal᷊angnga ringannu uasongkakka. Anambon balahannu su runia sarun maapendamma atata'utta maasilo asasusanu.

IMAMATTA 26:36

Manga taumatanu apan uatana'a sulal᷊ummu pamuanganna su wanua waine, sarun Ta'u olaanna tumaniten matta'utta, na'oman sara tingikku rongnga apan nitiuppu anginna na'atal᷊anga si mangitou. I yamiu sarun tumal᷊anga naal᷊ihida a'enggenanna sulal᷊ummu pangalo, ana see nal᷊iundu'a salaiwe tawe seetta maraninu.

IMAMATTA 26:17

I yamiu sarun Ta'u iṛṛuumanna, na'oman sara i yamiu lawaddon manga seennu wuṛṛu paparentannu manga taumata maddantinnu. I yamiu mabbal᷊i lembon matta'utta na'oman sara i yamiu tumal᷊angnga, salaiwe taweddu.

2 TAWARIKH 32:5

Ana see ratu nanohassa tanda'a watu su soa ringannu nangapia darandunge, napararisikku manga menara al᷊iurosone wuṛṛu na'ola'a manga darandunge waine su liudde. Waine lai i tou nangapia tanda'a watu apan niapararisikka su wowon leta'a apan niombo su samba'a ra'i wageangngu soa Yerusalem tabbe. I tou lai nandolokka niaola'a manambo sambeangnga wuṛṛu allungnga.

YESAYA 22:11

i yamiu pa'ola'a kolamma sulal᷊ummu soa wuṛṛu nangammullu ua'e udde wuassu kolamma tabbe. Arawe i yamiu tawe maaillal᷊a Ruata apan mal᷊annute makkiinnu sarangkanambone udde, wuṛṛu naaola'a udde nariaddi.

YEREMIA 4:17

wuṛṛu malliwunna Yerusalem ere taumata uariagga wailla. Sarangkanambone udde mariaddi ana waugu walahannu Yehuda buatte nilumawangnga Mawu. Mawu buatte nabbisara.

YEREMIA 4:29

Niaringikka hion tantara uasa'e awal᷊o wuṛṛu mamamiti'a, naaola'a suapan taumata tuttal᷊angnga ussal᷊arenga. Manga mahurangnge nisuttanni mangitou, wuidda watu ni'awitanni mangitou. Anambon soa nabbal᷊i mal᷊annabba, tateddu mappulu lai matana'a isudde.

YEREMIA 32:4

wuṛṛu i Ratu Zedekia tawe maatal᷊angnga. I tou sarun itantilla su ratun Babel, wuṛṛu sumaruanna ratu udde see maggahatton tou sassane.

YEREMIA 34:3

I'o tawe maatal᷊angnga, ewe'e sametanna wuṛṛu itantilla si tou. I'o sarun massomba wuṛṛu maggahatton tou sassane, wua'udde i'o inaite watukku Babel.

YEREMIA 38:18

Arawe amungkangngu i'o maddiri massuṛṛubbawa, soa indi sarun manawo su liman taumatan Babel. I mangitou sarun manoṛṛobba sara masue, wuṛṛu i'o tawe maatal᷊angnga.”

YEREMIA 44:30

Hofra ratun Mesir sarun Ta'u itanttilla su manga seetta apan mappulu mamate si tou, ere lai Ya'u nanantilli Zedekia ratun Yehuda si Nebukadnezar ratun Babel, seenne apan mappandumma mamate si tou.”

LAL᷊ALLU 1:3

Tumana'u Yehuda nanantangngu wanuane, ana waugu niallangnga wuṛṛu tumaniten nasansara. Orassa indi i mangitou uatna'a suwallattu manga walahanna tawe tampa apan mangonggollu paddarame see al᷊al᷊uassa. Seetta nalliwunna si mangitou sutempo i mangitou su asasusa.

LAL᷊ALLU 1:6

Paa'alan soa Yerusalem tumba'u watti'u tempon dorone. Manga piaṛṛangnge naola'e lome ere rusa tumaniten mal᷊unussa. I mangitou tawe naal᷊ore su saruannu seetta apan mangngenggena.

YEHEZKIEL 12:14

Anambon lal᷊oṛṛon bal᷊en araratuanna, nasutta manga mananantiro wuṛṛu mandariaga ratu sarun Ta'u isal᷊iawukka su al᷊awo'u tampa. I mangitou sarun Ta'u enggenanna wuṛṛu Ta'u pateanna.

ZAKARIA 8:19

“Puasa apan a'olaanna su wul᷊anna aippanne, al᷊imane, appitune, wuṛṛu appul᷊one sarun maola'a manga ramea apan napenen al᷊al᷊uassa wuṛṛu lal᷊umanna'a su tumana'u Yehuda. Pandangngute atatul᷊idda wuṛṛu paddarame!”

YESAYA 22:3

Anambon tembonannu tantaranu tinumal᷊angngu watanganne wuṛṛu niatawanna tantal᷊anna i mangitou taambe niapiti'u anaanna. Anambon taumatan kamiu apan matohassa niatawanna lai salaiwe i tou tunumal᷊angke mara'u.