2 MARARATU 25:3 - WUKE SUSI WATTI'U AL᷊AL᷊USASSA

³ Su allo assione wul᷊anna aiappane tonna udde lai ṛutumma aroddite ahewalle na'oman sara tumanange tate maasomba anna sarangkadio'a,

2 MARARATU 25:3 Referans Kwoze

YEHEZKIEL 14:21

Mawu Apan Atanggaṛṛanne nabbisara, “I Ya'u mangema'u appatta ṛuumang-Ku apan asaddatanne su Yerusalem ipamate mawae taumata aroddi lai winatangnga. Ṛuumanna udde eteudde: pangalo, al᷊aṛṛutumma, winatangnga mal᷊aṛṛaga wuṛṛu ṛiwutta.

YEHEZKIEL 7:15

Su manga lal᷊annu soa pia pangalo, su manga wal᷊en pia ṛiwutta wuṛṛu al᷊al᷊unussa. Suapan taumata apan su liuddu soa sarun mate sulal᷊ummu pangalo, wuṛṛu isai uatana'a su soa sarun naten radda'a wuṛṛu lunussa.

YEHEZKIEL 5:12

Sepertatallu wuassu lal᷊oṛṛon soanu sarun mate ana waugu ṛiwutta see al᷊aṛṛutumma apan maṛṛia'a su soa. Sepertatallu sarun pototannu hal᷊ele su liuddu soa, wuṛṛu sepertatallu lai sarun Ta'u ital᷊eṛṛonga su al᷊awo'u tampa wuṛṛu sarun Ta'u enggenannu hal᷊ele.

YEREMIA 52:6

Su allo assione wul᷊anna aiappanne tonna udde lai, sutempo al᷊aṛṛutumma tumaniten masaddatta na'oman sara tumanangnge tate lai anna saran addio'a,

IMAMATTA 26:26

I yamiu sarun asueannu anna, na'oman sara siri mapul᷊o bawine tumba'u mappanduma sambau pallol᷊oanna ipallol᷊o roti apan pia si mangitou. Anna udde sarun tahianna, wuṛṛu napawe i yamiu buatte niumanna, i yamiu lai ta'e maapendamma lunussa.

ZAKARIA 8:19

“Puasa apan a'olaanna su wul᷊anna aippanne, al᷊imane, appitune, wuṛṛu appul᷊one sarun maola'a manga ramea apan napenen al᷊al᷊uassa wuṛṛu lal᷊umanna'a su tumana'u Yehuda. Pandangngute atatul᷊idda wuṛṛu paddarame!”

YEHEZKIEL 5:10

Timmadde sarun uminassa anangnge sassane wuṛṛu ana'a sarun uminassa hagurangnge. Etearoddi i mangitou sarun Ta'u iṛṛuumanna, wuṛṛu iapa ta'e wiakka Ta'u isal᷊iawukka su al᷊awo'u tampa.

YEREMIA 39:2

Su allo assione wul᷊anna aiappanne tonna mapul᷊o assa sutempo i Ratu Zedekia uaparenta, darandungngu soa nihohakku seetta,

YEREMIA 37:21

Ne i Ratu Zedekia namarenta tadea'u i ya'u iṛṛuumanna su rallakku wal᷊en araratuanna. Nariaddi i ya'u uatana'a isudde, wuṛṛu allo-allo a'onggol᷊annu roti wuassu tampa pa'olaanna roti na'oman sara saddian roti su soa udde nasue abbi.

2 MARARATU 6:24

Manga pira tempo wua'udde i Benhadad ratun Siria nangapiddu anambon tantarane ipamangalo Israel. I mangitou nalliwunna soan Samaria,

2 MARARATU 6:25

wuṛṛu ana waugu udde naola'a ṛutumma apan masaddata sulal᷊ummu soa, na'oman sara puan keledai sambau aregane ual᷊un pul᷊o roitta sal᷊a'a, wuṛṛu darua onsa tain merpati aregane liman bau roitta sal᷊a'a.

2 MARARATU 25:2

wuṛṛu sidutu uapal᷊iwutta soa naddatingu tonna appul᷊o assane sutempo i Zedekia uaparenta.

YESAYA 3:1

Mangke atonna, Mawu Apan Lembontaṛṛino sarun manganu wuassu Yerusalem wuṛṛu Yehuda al᷊awo'u anna wuṛṛu ua'e apan sasahipunanna. Aroddi lai anambon taumata apan ia'bansakki mangitou:

YEREMIA 19:9

Seetta sarun maaliwunna soa indi, wuṛṛu maddea'a mamate tumanangnge. Patatalliwunna udde aroddi ahewalle, na'oman sara manga taumata sulal᷊ummu soa indi uaa'inassa hawene, ewe'e lai manga ana'i mangitou sassane.”