2 MARARATU 24:14 - WUKE SUSI WATTI'U AL᷊AL᷊USASSA

^14-16 I Ratu Yoyakhin, inangnge, manga awingnge, manga mammamanaran araratuanne, wuṛṛu manga piaṛa'u Yehuda – sarangkanambone 7.000 su atoune atummanaṛṛane – niasametta wuṛṛu niapidda watukku Babel. See lai mapapande manara wuṛṛu manga mananassala anambone 1.000 su atoune, sarangkanambone taumata matatohassa wuṛṛu waṛṛani mapapangalo. Manga taumata pallal᷊awannu ratu, wuṛṛu manga taumata atumannaṛṛane lai niapidda watukku tampa pamamuanganna – sarangkanambone 10.000 su atoune. Maranin nasaggo tumana'u Yerusalem niapidda; natantanga tumba'u ingana'a asiangnga.

2 MARARATU 24:14 Referans Kwoze

YEREMIA 52:28

sarangkanambone 4.600 wu atoune. I Nebukadnezar naṛṛootta si mangitou ual᷊al᷊ol᷊ossa ereindi: 3.023 su atoune su tonna appitune i tou uaparenta, 832 su atoune wuassu Yerusalem su tonna mapul᷊o ual᷊o i tou uaparenta, wuṛṛu 745 su atoune niṛṛootti Nebuzaradan su tonna ruan pul᷊o tallu pamamarentan Nebukadnezar.

2 MARARATU 25:12

Arawe sambageanganna wuassu tumanange apan tumaniten asiangnga wuṛṛu tawe darotongnge tinantanga su Yehuda wuṛṛu niapamanara waillu anggore wuṛṛu manga wawail᷊anna waine.

YEREMIA 52:16

Arawe sangkawageanganna wuassu tumana'u soa apan aasianganne wuṛṛu tawe darotongnge, nitantangnga su Yehuda, wuṛṛu nirolokke niapamanara waillu anggore wuṛṛu wawail᷊anna waine.

YEREMIA 40:7

Ratun Babel buatte nanenegi Gedalya maola'a gubernure su Yehuda mamarenta anambon taumata apan ta'e uatana'a su Yehuda, eteudde manga taumata apan aasianganne. Sangkawageanganna wuassu manga perwira wuṛṛu tantaran Yehuda tawe nassuṛṛubawa su Babel, naaringikka su ola'u pamamile si Gedalya udde.

YEREMIA 39:10

Sambageanganna wuassu tumanangnge apan aasianganne wuṛṛu tawe darotongnge, nitantangnge su Yehuda see nionggol᷊annu waillu anggore wuṛṛu wawail᷊anna waine.

YEHEZKIEL 17:14

tadea'u araratuannu Yehuda tate mapabbangunna apia, wuṛṛu maola'a wataṛṛu manungku paaire udde atonna-tonna matipussa.

YEREMIA 29:2

Suratta udde ta'u niwoṛṛetta napawe i Ratu Yoyakhin, inangnge, manga mammamanaran araratuanna, manga tembonannu araratuannu Yehuda wuṛṛu Yerusalem, manga base, wuṛṛu manga mapapande manara apan niapidda su pamuanganna.

MATIUS 1:12

Wuassu tempom balahannu Israel niṛṛuumanna su Babel na'oman sara asasungkangngu Mawu Yesus, nawoṛṛetta manga aranna ereindi: i Yekhonya, i Sealtiel, i Zerubabel, i Abihud, i Elyakim, i Azur, i Zadok, i Akhim, i Eliud, i Eleazar, i Matan, i Yakub, i Yusuf awingngi Maria. Wuṛṛu wuassi Maria uddewe nasungkangke Mawu Yesus apan isassaggo lai Kristus.

MATIUS 1:17

Nariaddi wuassi Abraham na'oman sara i Daud, sarangkanambone mapul᷊o appatta su rawanne, wuassi Daud na'oman sara walahannu Israel niṛṛuumanna su Babel, udde lai mapul᷊o appatta su rawanne. Wuassu tempon Israel niṛṛuumanna su Babel na'oman sara asasungkangngu Mawu Yesus Kristus udde lai mapul᷊o appatta su wageangnge.

TAHIUL᷊E 28:36

I yamiu wuṛṛu ratunu sarun iapiddu Mawu watukku wanua apan awagananni yamiu wuṛṛu awaganannu iupungngu al᷊amonanu. Isudde i yamiu sarun mattaṛṛamawu manga Mawu apan niola'a wuassu alu wuṛṛu watu.

1 SAMUEL 13:19

Su ahewallu Israel tawe mananassalla hal᷊ele, ana waugu taumatan Filistin tawe mamalan taumatan Ibrani mallanginnu hal᷊ele wuṛṛu sambeangnga.

EZRA 2:1

Manambo wuassu wallattu manga taumata niwuangnga nanantangngu leta'u Babel ana see nabbelengke watukku Yerusalem wuṛṛu Yehuda, sangkataou-sangkatou watukku soane sassane. I mangitou buatte nabbiakka sulal᷊ummu pamamuanganna su Babel ro'en i mangitou niṛṛootti Ratu Nebukadnezar.

ESTER 2:6

Mordekhai buatte niatawanna sutempo Yerusalem niwaddon Nebukadnezar, ratun Babel. Mordekhai niapidda watukku Babel suaddio'a ringanni Yoyakin, ratun Yehuda, wuṛṛu manambo lai manga tawananna waine.

YESAYA 3:2

manga pahlawanna wuṛṛu tantara, mallaṛṛuungnga, nabi, manani'atta wuṛṛu mananantiro,

1 TAWARIKH 9:1

Anambon taumatan Israel uawoṛṛetta tumuṛṛuttu alahanne sambau-sambau. Aranna udde lai uawoṛṛetta sulal᷊ummu wuken Mararatun Israel. Maola'a sambau ṛuumanna ana waugu rosan mangitou, tumana'u Yehuda niapidda watukku tampa pamamuanganna.

NEHEMIA 1:2

Sutempo udde, tuṛṛangku Hanani, nirumanta wuassu Yehuda suaddio'a ringannu manga pira taumata. Ana see i mangitou ta'u niiwal᷊oanna su ola'u Yerusalem wuṛṛu manga taumatan Yahudi apan buatte nabbelengnga wuassu pamamuanganna su Babel.

YEREMIA 28:4

I Ya'u lai sarun mangapidda apia i Yoyakhin ana'i Yoyakim ratun Yehuda suadio'a ringannu anambon tumana'u Yehuda apan buatte niapidda su Babel. Atonna, i Ya'u sarun mapaallomen atatohassu Babel. I Ya'u, Mawu, buatte nabbisara.”