2 MARARATU 24:1 - WUKE SUSI WATTI'U AL᷊AL᷊USASSA

¹ Sutempo i Ratu Yoyakim uaparenta, i Nebukadnezar ratun Babel namangalo wuṛṛu namaddon Yehuda. Tallu tonna al᷊annune Yoyakim uasuṛṛubbawa si Nebukadnezar, arawe wua'udde i tou namangalo.

2 MARARATU 24:1 Referans Kwoze

DANIEL 1:1

Tallu tonna napawe Ratu Yoyakim buatte namarenta Yehuda, Nebukadnezar ratun Babel, namangalo watukku soa Yerusalem wuṛṛu nalliwunna soa udde.

YEREMIA 25:1

Su tonna aiappanne napawe i Yoyakim ana'i Yosia naola'a ratun Yehuda, i ya'u naasomba tanata wuassu Mawu su ola'u anambon balahannu Yehuda. Tempo udde tonna paarorone napawe i Nebukadnezar naola'a ratun Babel.

YEREMIA 25:9

‘I Ya'u sarun mamaggo anambon balahanna wuassu sawannakka, wuṛṛu lai allang-Ku, i Nebukadnezar ratun Babel. I mangitou sarun Ta'u parentanna iapapangalo mando'appa Yehuda wuṛṛu tumanangnge see lai al᷊awo'u walahanna maranine. Walahannu Yehuda suadio'a ringannu manga walahanna al᷊indonganne sarun Ta'u pateanna wuṛṛu Ta'u iwala maṛṛimunsa'a saran mal᷊annu-l᷊annu. Manga taumata apan naasilo udde sarun ṛumindu'a wuṛṛu maapendamma atata'utta. I Ya'u, Mawu, buatte nabbisara.

YEREMIA 46:2

manatakku Mesir. I tou namasingkatta si ya'u su ola'u tantara Nekho ratu Mesir, apan niawaddo su Karkemis maranin Sal᷊ukku Efrat ṛatanganni Nebukadnezar ratun Babel su tonna aiappanne sutempo i Yoyakim, ratun Yehuda uaparenta. Eteindi wisara apan niapasingkattu Mawu su ola'u udde,

2 MARARATU 17:5

Wua'udde i Salmaneser ratun Asyur namangalo Israel wuṛṛu nalliwunna Samaria. Su tonna atallune wuassu patataliwunna udde,

YEREMIA 35:1

Sutempo Yoyakim ana'i Yosia naola'a ratun Yehuda, Mawu nabbisara si ya'u,

YEREMIA 35:11

Arawe sutempo i Ratu Nebukadnezar namangalo wanua indi, i yami nakkawessa mappianne tumal᷊angnga wuassu tantaran Babel wuṛṛu tantaran Siria, wuṛṛu inaite mangingkatta su Yerusalem. Ana waugu udde i yami orassa indi uatana'a isindi.”

YEREMIA 36:1

Su tonna aiappanne napawe Yoyakim ana'i Yosia naola'a ratun Yehuda, Mawu nabbisara si ya'u,

YEREMIA 45:1

Su tonna aiappanne i Yoyakim ana'i Yosia uaparenta Yehuda, i Barukh namoṛṛettu apa apan ta'u niampona si tou. Wua'udde i ya'u namasingkatta si tou

YEREMIA 50:17

Mawu nabbisara, “Taumatan Israel ere ammul᷊annu domba apan a'enggenanna wuṛṛu nisal᷊iawukku singa. Paarorone i mangitou nipangaloannu ratun Asyur, wua'udde i Nebukadnezar ratun Babel nallaso'a manga duṛṛi mangitou.

YEHEZKIEL 21:14

Ne, taumata apan mattate, lalluaite. Pattal᷊o'appe, maola'a tatiala su hal᷊ele udde tadea'u manattakke maṛṛata. Hal᷊ele udde lembon maata'utta.

DANIEL 1:2

Mawu namalan tou namaddon Ratu Yoyakim wuṛṛu nagaṛṛo sambageanganna wuassu manga saranapa apan marega su Wal᷊en Mawu. Manga taumata apan niatawanne, niapiddi tou watukku kuillu monganne su Babel, wuṛṛu manga saranapa maarega apan niaaṛṛone, nisahipunna sulal᷊ummu manga gudangngu kuilla udde.

2 MARARATU 24:20

Mawu mangke nasa'u atonna su tumana'u Yerusalem wuṛṛu su manga taumatan Yehuda na'oman sara i Tou tate lai mannaunga si mangitou.

2 TAWARIKH 36:1

Tumana'u Yehuda namile wuṛṛu nanenegi Yoahas naola'a ratu su Yerusalem nallol᷊ossa si Yosia, iamangnge.

EZRA 4:12

Antimanna Tuangnga masingkatta, manungku taumatan Yahudi apan buatte nanantangngu manga wageangngu leta'a waine sulal᷊ummu araratuanni Tuangnga, orassa indi namanuate su Yerusalem wuṛṛu tantal᷊anna ma'ola'a apia soa apan dal᷊eo wuṛṛu apulune lullawangnga udde. I mangitou mannattakke mappararisikku apiamanga darandungnge wuṛṛu tate mal᷊annu lai manginsue manara udde.

YESAYA 36:5

Su sunnanu tumba'u wisara wotongnge maapallol᷊ossa apande wuṛṛu auatannu tantara? Isaite pangunsandaṛṛannu na'oman sara i'o waṛṛani mando'appa Asyur?

YEHEZKIEL 19:8

Arawe manga raratuannu walahanna uatatawine nanametta si tou wuassu anambon tampa. I mangitou mantaingngu soma ipanametta si tou, wuṛṛu i tou lai niasametta sulal᷊ummu sedda mangitou.

HABAKUK 1:6

Walahanna Babel apan dal᷊eo wuṛṛu maṛṛagissa udde sarun Ta'u olaanna walahanna apan uataṛṛino. I mangitou mabbarissa sumabbangnga wuassu wanuane wuṛṛu mamal᷊intaddu ahewallu runia tadea'u mamaddon manga walahanna waine.