2 MARARATU 23:8 - WUKE SUSI WATTI'U AL᷊AL᷊USASSA

^8-9 Anambon imam apan uatana'a su manga soan Yehuda nirolokki Yosia niaparanta su Yerusalem, ana se'e su al᷊awo'u tampa su ahewallu wanuan Yehuda i tou nanggal᷊usa'a manga mezbah monganna eteudde tampa manga imam pangngonggol᷊anin sasamba. Manga imam udde tawe niwala mattaṛamawu su Wal᷊en Mawu. Arawe, i mangitou wotonge umanna roti tawe ragine apan buatte nissadia manga hawene. Manga mezbah apan niṛṛae passubbanna monganna maranin Ngara Passalanganni Yosua, tembonannu wanua udde, niṛṛa'a. Pasallanganne udde tampane su samba'an aiṛṛin Pasallanganna Paarorone su lal᷊anna suttanna watukku soa.

2 MARARATU 23:8 Referans Kwoze

1 MARARATU 15:22

Wua'udde, anambon taumata su ahewallu Yehuda tawe lambene niparentanni Ratu Asa maṛṛo'otta watu wuṛṛu alu apan nipaatti Baesa su Rama ipanohassa soa udde. Manga aola'a udde nipaatti Asa pinanohassa soa Mizpa wuṛṛu Geba, sambau soa su wageangngu leta'i Benyamin.

ZAKARIA 14:10

Ahewallu wanua wuassu Geba su sawannakka maddatingngu Rimon su timukka, sarun maola'a lete'a ratakke. Arawe Yerusalem sarun manginnuitta matanggakka, mattaggaṛṛanna wuassu leta'a maranine, soa udde sarun aatambanna ahewalle wuassu Ngara Pasallanganni Benyamin maddatingngu Ngara Pasallangannu Pappi'uanne, eteudde tampa ngara pasallanganna paarorone wuṛṛu wuassu Menara Hananel maddatingngu tampa pamamakkannu anggore pussa'an datu.

YESAYA 10:29

I mangitou buatte sinumabbi pallal᷊iuanna wuṛṛu nanaṛṛabbi su Geba! Tumana'u soan Rama nata'utta, wuṛṛu tumana'u Gibea, soan Ratu Saul, tinumal᷊angken batanganne.

1 TAWARIKH 6:60

Su leta'u ṛuanganni Benyamin i mangitou niatahiannu manga ampungnga suadio'a ringannu manga wadda'a: Geba, Alemet wuṛṛu Anatot. Sarangkanambone pia 13 ampungnga maola'a tampa atatanaannu amonanni mangitou.

1 MARARATU 19:3

I Elia nata'utta, ana see tinumal᷊angnga tadea'u tawe pateanna. I tou inaite ringannu mangangimbene watukku Bersyeba su Yehuda. Poiaroddi i tou nanantangngu mangangimbene udde,

MAL᷊AṚṚUUNGNGA 20:1

Ne nirumantate walahannu Israel sarangkanambone wuassu Dan su samba'an sawannakka naddatingngu Bersyeba su timukka, wuṛṛu Gilead su ra'i, su ipangitu'a wawago udde. I mangitou na'ammula wuṛṛu naaukka su Mizpa su saruannu Mawu.

PANDARIADDI 26:23

Wua'udde i Ishak niumamatte wuṛṛu na'omate su Bersyeba.

PANDARIADDI 21:31

Ete aroddi tampa udde nisagote Bersyeba, ana waugu ete su tampa udde itarua nassalu.

PANDARIADDI 21:14

Tiṛṛabbine marua allo atanna, i Abraham nangonggolu anna wuṛṛu pato'an kua'e si Hagar maola'a wal᷊unna su amatanna. I tou nangaddon ana'a udde su liuddi i Hagar, wuṛṛu nandolokku wawine udde inai. Ana see inaite i Hagar wuṛṛu namal᷊intadden wadda'u Bersyeba.

YEHEZKIEL 44:10

Mawu nabbisara si ya'u, “I Ya'u sarun makkuumannu manga taumatan Lewi apan suadio'a ringannu manga taumatan Israel waine, apan buatte nanantang-Ku wuṛṛu massubba paal᷊uanna.

AMOS 5:5

Imbaṛṛangnga inai watukku Bersyeba mattaṛṛamawu. Arie maddea'a si Ya'u su Betel, ana waugu Betel sarun mawuli. Arie lai inai watukku Gilgal, ana waugu taumana'u soa udde sarun ṛuwoanna watukku pamamuanganna.”