2 MARARATU 23:6 - WUKE SUSI WATTI'U AL᷊AL᷊USASSA

⁶ Paal᷊uannu Dewi Asyera niapasabbangi tou wuassu, Wal᷊en Mawu, wuṛṛu niapidda su liuddu soa watukku Wawal᷊annu Kidron. Poiaroddi paal᷊uanna udde nitutunga, ana see munsinge tinumma'a al᷊ussa, wuṛṛu awune nisal᷊iawukka su labbingu awada'alla.

2 MARARATU 23:6 Referans Kwoze

2 TAWARIKH 34:4

Manga paal᷊uanna wuṛṛu manga monganna udde nihohakku tantaran Yosia ana see omane nisal᷊iawukki mangitou su wowon labbingu manga taumata apan mangngonggolu sasamba su manga monganna udde. Manga mezbah Baal wuṛṛu manga mezbah amania isudde niṛṛa'an mangitou.

2 MARARATU 23:15

I tou lai nanggohakku tampa pasasubbanna su Betel apan niola'i Ratu Yerobeam ana'i Nebat – ratu apan naarosa taumatan Israel. Ana see i Yosia namesanga mezbah sutampa pasasubbanna udde, wuṛṛu tinutunga su sampunna ringannu Monganni Asyera isudde.

YEREMIA 17:2

Manga taumatanu mattaṛṛamawu su manga mezbah wuṛṛu manga diṛṛin paal᷊uanna apan buatte nilanginna hunan Dewi Asyera su anambon aaluanna apan mapaṛṛampunga, su manga puiddu wuidda,

2 MARARATU 21:7

Hambarannu Monganni Asyera niaddo su Wal᷊en Mawu, sumbal᷊i su ola'u tampa udde Mawu buatte nabbisara si Daud wuṛṛu si Salomo anangnge, “Wal᷊e-U wuṛṛu soan Yerusalem indi, buatte Ta'u nipile wuassu wallatu leta'u siri mapul᷊o dua ruangannu Israel, eteudde tampa apan nipile-U, maola'a tampa patataṛṛamawuanna si Ya'u.

2 MARARATU 10:27

Paal᷊uanna udde nihohakka susambau ringannu wal᷊ene, ana see tampa udde niola'a tampan lal᷊iasanna naddatingngu allo indi.

1 MARARATU 16:33

I tou na'ola'a lai pa'al᷊uanni Monganna Asyera. I tou na'ola'a lembon manambo rosa wuassu apa apan niola'u anambon ratun Israel apan namarenta dorone wuassi tou. Ana waugu udde i tou nandantan asasa'un Mawu, Ruata apan ṛinone subbannu taumatan Israel.

1 MARARATU 14:23

Su puiddu manga wuidda wuṛṛu su al᷊ungngu manga aal᷊uanna masallakka, i mangitou na'ola'a manga tampa pasasubbanna paal᷊uanna, wuṛṛu napararisikku manga diṛṛi see manga paal᷊uanni monganna Asyera tadea'u subbanna.

MAL᷊AṚṚUUNGNGA 3:7

Walahannu Israel narosate su Mawu, Ruata mangitou. I mangitou naabul᷊iten Mawu na'oman sara i mangitou nassubbate manga paal᷊uanni Baal wuṛṛu Asyera.

TAHIUL᷊E 9:21

Paal᷊uanna sapi logamma niolangngu, ta'u iwareta sulal᷊ummu putungnga. Ana see ta'u ṛimunsa'a wuṛṛu niwalu ma'oman sara al᷊ussa naal᷊ihidda awu, wuṛṛu awu udde ta'u niwareta sulal᷊ummu ana'u sal᷊ukka apan mangngelekka wuassu wowone udde.

TAHIUL᷊E 7:25

Tambuna'e manga paal᷊uanna apan sassubbanni mangitou. Arie umanggangu sal᷊a'a ara'e wul᷊awanna apan ua'ele si tou wuṛṛu imbaṛṛangnga manganu hunanu sassane. Amungkangngu i yamiu lumawangnga parenta udde i yamiu sarun mate, ana waugu Mawu Ruatanu udde maddantinnu pasasubba paal᷊uanna.

SASABANGNGA 32:20

Wua'udde i tou nanganu paal᷊uanna sapi niola'u manga taumatan Israel udde, ana see niwoso wuṛṛu niwalu na'oman sara naal᷊ussa ere awu, ana see nilo'annu ua'e. Wua'udde i tou nandolokku taumatan Israel niapa'inumma.

YOHANES 18:1

Napawe Mawu Yesus sueten inumal᷊iomanna aroddi, i Tou wuṛṛu manga mallal᷊aṛṛenggen-Ne inaite su samba'an Sal᷊ukku Kidron. Isudde pia sambau wailla, ne Mawu Yesus wuṛṛu manga mallal᷊aṛṛenggen-Ne sinumuttate su wailla udde.

1 MARARATU 2:37

Amungkangngu i'o waṛṛani sumabbangnga wuṛṛu inai sumabbi ana'u Sal᷊ukku Kidron, i'o sarun pateanna; wuṛṛu ete i'o sassane apan mamasanna pasasal᷊a udde.”

2 MARARATU 23:12

Manga mezbah apan niola'u manga ratun Yehuda su atuppa su wowon manga wallo'an Datu Ahas, nihohakka. See lai manga mezbah apan niola'i Ratu Manasye su darua rallaku Wal᷊en Mawu, nihohakki Yosia, ana see niramme su Wawal᷊annu Kidron.

2 TAWARIKH 33:3

Manga tampa pasasubbanna paal᷊uanna apan buatte nihohakki Hizkia, iamangnge, niolangnge apia. I tou nallanginnu manga mezbah passubbanna si Baal, wuṛṛu nallanginnu manga paal᷊uanni Asyera, ana see lai massubba manga anumpitanna.

YEREMIA 22:18

Ana waugu udde su ola'i Yoyakim ratun Yehuda, ana'i Yosia, Mawu nabbisara arendi, “Papate sarun tawe luaianna; taweddu mabbisara, ‘Uare, hawe'u, uare.’ Taweddu lumal᷊o ara'e niumui, ‘Naholo'a i tuangnga!’

YEREMIA 31:40

Ahewallu wawal᷊anne udde, apan nipaatta naola'a pallabbinganna wuṛṛu tampa pandammeannu sapadda, wuṛṛu anambon wawail᷊anna su wiwikku Sal᷊ukku Kidron maddatingngu Ngara Pasallanganna Awal᷊o watukku ra'i, sarun iṛṛa'e si Ya'u. Soan Yerusalem tate ihohakka apia ara'e ṛimunsaanna.”

1 MARARATU 15:13

Iupungnge wawine, i Maakha, niapaaddone wuassu manarane Inangngu ratu, ana waugu i tou buatte na'ola'a paaluanna sassubbanna apan masandaga hunan Asyera, mongannu asasuwukka. I Asa napaṛṛa'a paal᷊uanna udde wuṛṛu nisoṛṛobba su Wawal᷊annu Kidron.

2 MARARATU 10:26

wuṛṛu napasabbangu paal᷊uanni Baal ana see tinutungnga.

2 TAWARIKH 15:16

Wua'udde i Ratu Asa napaillol᷊on iupungnge i Maakha, wuassu manarane Inangngu Ratu ana waugu i tou buatte nallanginnu paal᷊uanna sassubanna apan masandaga si Asyera, mongannu asasuwukka. Asa napaṛṛa'a wuṛṛu nakkimunsa'a paal᷊uanna udde ana see tinutungnga su wawal᷊annu Kidron.