2 MARARATU 23:4 - WUKE SUSI WATTI'U AL᷊AL᷊USASSA

⁴ Wua'udde ratu namarenta si Imam Bahewa Hilkia, manga imam masasumbalane, manga mandariaga apan mammanara su ngaran Wal᷊en Mawu, tadea'u niapasabbanga wuassu Wal᷊en Mawu anambon saranapa apan nipaatta ipassubba si Baal, Dewi Asyera, wuṛṛu manga anumpitanna. Anambon saranapa udde nitambunni Ratu Yosia su liuddu soa maranin Bawal᷊annu Kidron, ana see awune niapidda watukku Betel.

2 MARARATU 23:4 Referans Kwoze

2 MARARATU 21:7

Hambarannu Monganni Asyera niaddo su Wal᷊en Mawu, sumbal᷊i su ola'u tampa udde Mawu buatte nabbisara si Daud wuṛṛu si Salomo anangnge, “Wal᷊e-U wuṛṛu soan Yerusalem indi, buatte Ta'u nipile wuassu wallatu leta'u siri mapul᷊o dua ruangannu Israel, eteudde tampa apan nipile-U, maola'a tampa patataṛṛamawuanna si Ya'u.

2 MARARATU 21:3

Manga tampa pasasubbanna monganna apan buatte nihohakki Hizkia iamange niapararisikki tou apia. I tou na'ola'a manga mezbah patataṛṛamawuanna si Baal, wuṛṛu nallanginnu paal᷊uannu Monganni Asyera, ere buatte niola'i Ahab ratun Israel. I Manasye lai massubba manga anumpitanna.

2 TAWARIKH 33:3

Manga tampa pasasubbanna paal᷊uanna apan buatte nihohakki Hizkia, iamangnge, niolangnge apia. I tou nallanginnu manga mezbah passubbanna si Baal, wuṛṛu nallanginnu manga paal᷊uanni Asyera, ana see lai massubba manga anumpitanna.

2 MARARATU 25:18

Waine lai wua'udde, i Nebuzaradan nanametta lai Imam Bahewa i Seraya, Sefanya imam masasumbalane, siri tallu mandariaga ngaran Wal᷊en Mawu, siri lima mananantiro ratu apan ta'e su soa, panglima ara'e tembonannu tantara, tepellu tembonannu tantara apan mammoṛṛettu arannu tantara, wuṛṛu 60 taumata tembonanne waine.

YOHANES 18:1

Napawe Mawu Yesus sueten inumal᷊iomanna aroddi, i Tou wuṛṛu manga mallal᷊aṛṛenggen-Ne inaite su samba'an Sal᷊ukku Kidron. Isudde pia sambau wailla, ne Mawu Yesus wuṛṛu manga mallal᷊aṛṛenggen-Ne sinumuttate su wailla udde.

MATIUS 27:1

Ruaallo atonna, manga imam tembonanne wuṛṛu piaṛṛa'u Yahudi naṛṛawesse manungku Mawu Yesus pateanna.

MATIUS 26:3

Su tempo udde manga imam tembonanne wuṛṛu piaṛṛa'u Yahudi maammulla su wal᷊en araratuannu Imam Bahewa Kayafas.

AMOS 4:4

Mawu Apan Atanggaṛṛanne nabbisara, “Ei umattu Israel! Roote watukku tampa patataṛṛamawuanna su Betel, wuṛṛu pa'ola'e rosa isudde! Roote watuku Gilgal, wuṛṛu pa'ola'e rosa walate apulun naungngu! Pangonggollen sasamba suapan marua allo, wuṛṛu pangapiddu sepere mapul᷊o wuassu al᷊awo'u hessin inasaharannu suapan tallu allo!

HOSEA 4:15

Ei i yamiu taumatan Israel, i yamiu tawe satia si Ya'u! Arawe, i Ya'u mangantimma Yehuda tawe ma'ola'a pasasal᷊a apan uasul᷊ungnga! Imbaṛṛangnga mattaṛṛamawu su Gilgal ara'e su Betel. Imbaṛṛangnga massalu poiaroddi ringannu arannu Mawu apan biakka.

YEREMIA 52:24

Waine wua'udde, Nebuzaradan nanametta si Imam Bahewa Seraya, i Zefanya tepellene, siri tallu mandariaga ngara Wal᷊e Mawu,

YEREMIA 7:9

I yamiu manna'o, mammate, sussandaga, mattiala awusu, mangngongollu sasamba si Baal, wuṛṛu massubba manga monganna apan awagananni yamiu.

YESAYA 27:9

Arawe manga rosan Israel tumba'u wotongnge ampunganna amungkangngu mezbah manga monganna ihilingnga al᷊ussa naal᷊ihidda apukka. Anambon tampan amania wuṛṛu hambarannu Monganna Asyera ṛinone ṛimunsaanna lai.

2 TAWARIKH 33:7

Paal᷊uanna sassubbanna niaddone sulal᷊ummu Wal᷊en Mawu, sumbal᷊i su ola'u tampa udde Ruata buatte nabbisara si Daud wuṛṛu si Salomo anangnge, “Wal᷊e-U su Yerusalem indi, apan buatte Ta'u nipile suwallattu mapul᷊o dua leta'u ṛuangannu Israel, eteudde tampa apan Ta'u tinantunna maola'a tampa patataṛṛamawuanna si Ya'u saran mal᷊annu-l᷊annu.

2 MARARATU 23:15

I tou lai nanggohakku tampa pasasubbanna su Betel apan niola'i Ratu Yerobeam ana'i Nebat – ratu apan naarosa taumatan Israel. Ana see i Yosia namesanga mezbah sutampa pasasubbanna udde, wuṛṛu tinutunga su sampunna ringannu Monganni Asyera isudde.

2 MARARATU 17:16

I mangitou nilumawanga anambon titan Mawu, Ruatan mangitou, wuṛṛu na'ola'a darua sapi wuassu logam subbanni mangitou. I mangitou nallanginnu paal᷊uannu Monganni Asyera, massubba manga winatanga wuṛṛu mattaṛṛamawu Mongannu Baal.

1 MARARATU 19:18

Arawe 7.000 su atoune su Israel sarun Ta'u iapasal᷊amatta, eteudde manga taumata apan sidutu matuṛṛutta si Ya'u wuṛṛu tawe saran paassa niumal᷊intudda massuba paal᷊uanni Baal ara'e nangari'a.”

1 MARARATU 18:40

Ne i Elia nabbisarate, “Sametta manga nabin Baal udde! Arie pabbala'a saran sangkatou ma'al᷊assangnga!” Ana see manga taumata udde nanametta manga nabin Baal udde, wua'udde i Elia nangapiddi mangitou watukku Sal᷊ukku Kison wuṛṛu poiaroddi i tou namate si mangitou sarangkanambone.

1 MARARATU 18:26

Ne i mangitou namile sambau sapi wuṛṛu nanaddiate. Wua'udde i mangitou niumal᷊iomanna si Baal wuassu marua allo naddatingngu allattune lapiddu mangngintul᷊i, “Simbakke si yami, Baal!” I mangitou ma'ola'a udde lapiddu massal᷊aingnga uapal᷊iwutta mezbah mangitou. Arawe tawe sasimbakka saran addio'a.

1 MARARATU 18:19

Orassa indi, parentaite anambon tumana'u Israel maisasomba'u su Wowon Karmel. Apira'a lai appatu ṛasutta liman pul᷊o nabi Baal wuṛṛu appatu ṛasutta nabi Monganni Asyera udde apan niwaeṛṛanni wo'i Izebel!”

1 MARARATU 16:31

Tawe tumba'u mabbiakka marosa ere Ratu Yerobeam, i tou ewe'e lai na'awingngi Izebel ana'i Ratu Etbaal wuassu Sidon, wuṛṛu i tou mattaṛṛamawu si Baal.

1 MARARATU 12:29

Ana see i Yerobeam nangaddon sambau sapi wul᷊awanna udde su Betel wuṛṛu waine su Dan.

2 SAMUEL 15:23

Tumanangnge sarangkanambone lulluai ringannu ma'ikkatta napawe manga tantaran Daud nanantangngu soa. Wua'udde ratu tinumumbete ana'u Sal᷊ukku Kidron tatantalongannu tantarane, ana see niumamatte i mangitou su wadda'a.

2 MARARATU 21:5

Su ruam ba'a wuassu rallaku Wal᷊en Mawu i tou napararisikku manga mezbah tampa pasasubbanna manga anumpitanna.

2 MARARATU 23:12

Manga mezbah apan niola'u manga ratun Yehuda su atuppa su wowon manga wallo'an Datu Ahas, nihohakka. See lai manga mezbah apan niola'i Ratu Manasye su darua rallaku Wal᷊en Mawu, nihohakki Yosia, ana see niramme su Wawal᷊annu Kidron.

YEHEZKIEL 8:6

Ruata nabbisara si ya'u, “Ei taumata apan mattate, i'o maasilo apa apan tantal᷊anna nariaddi? Panutukke manga inolaanna apan maarantinna apan niola'u taumatan Israel, apan mapaarau-U wuassu Wal᷊e-U! Wette, sarun Ta'u ita'e si'o manga inolaanna apan lembon maarantinna lai.”

1 MARARATU 15:13

Iupungnge wawine, i Maakha, niapaaddone wuassu manarane Inangngu ratu, ana waugu i tou buatte na'ola'a paaluanna sassubbanna apan masandaga hunan Asyera, mongannu asasuwukka. I Asa napaṛṛa'a paal᷊uanna udde wuṛṛu nisoṛṛobba su Wawal᷊annu Kidron.

2 MARARATU 10:26

wuṛṛu napasabbangu paal᷊uanni Baal ana see tinutungnga.

2 MARARATU 12:10

Masokka napawe roitta sulal᷊ummu kase udde manambote, mamamoṛettu ratu suadio'a ringannu Imam Bahewa rumanta wuṛṛu mandeengu roitta udde, ana see pi'unanna.

2 TAWARIKH 15:16

Wua'udde i Ratu Asa napaillol᷊on iupungnge i Maakha, wuassu manarane Inangngu Ratu ana waugu i tou buatte nallanginnu paal᷊uanna sassubanna apan masandaga si Asyera, mongannu asasuwukka. Asa napaṛṛa'a wuṛṛu nakkimunsa'a paal᷊uanna udde ana see tinutungnga su wawal᷊annu Kidron.

ZEFANYA 1:4

I Ya'u sarun makkuumannu tumana'u Yerusalem wuṛṛu ahewallu Yehuda. Manga lamben pasasubbanna si Baal sarun Ta'u iapawul᷊i wuassu manga tampa udde. Manga iman apan mangngimbe si Baal sarun timbul᷊iananna atonna-tonna.