2 MARARATU 23:25 - WUKE SUSI WATTI'U AL᷊AL᷊USASSA

²⁵ Taambe saran paassa pia ratu ere i Ratu Yosia apan matuṛṛutta Mawu ringannu ahewallu naungnge, napal᷊iatta'u pabbiaṛanne wuṛṛu pallal᷊agune, uasul᷊ungu anambon tita apan uawoṛṛetta sulal᷊ummu Wuken Musa. Manansunna si Ratu Yosia, tate lai ratu ere i tou.

2 MARARATU 23:25 Referans Kwoze

2 MARARATU 18:5

Suwallatu anambon ratun Yehuda, mawae ete dorone aroddi lai manansunna si Hizkia, taweddu ere i tou. I tou mangngimanna Mawu, Ruatan Israel,

YEREMIA 29:13

I yamiu sarun maddea'a si Ya'u wuṛṛu maasomba si Ya'u, ana waugu i yamiu maddea'a ringannu ahewallu naungnga.

YOHANES 1:17

Tita Mawu, nisengkammi ite wuassi Musa. Arawe darangngu wuṛṛu tatal᷊antupu Ruata niapaal᷊iatta'a sulal᷊ummi Yesus Kristus.

1 MARARATU 8:48

Amungkangngu su wanua indi i mangitou ringannu naungnga mal᷊uassa wuṛṛu atonna-tonna manantangngu manga rosa mangitou, wuṛṛu umal᷊iomanna Si'o lapiddu sumaruanna watukku soa nipile-Nu wuṛṛu wal᷊en patataṛṛamawuanna apan buatte ta'u niola'a apan hunane Si'o indi,

TAHIUL᷊E 6:5

Pandangngute Mawu Ruatanu ringannu ahewallu naungngu: Papal᷊iattaa'e udde sulal᷊ummu pabbiaṛṛannu wuṛṛu sulal᷊ummu inolaannu.

YOHANES 7:19

Wal᷊inewe i Musa suete nangonggolu Titan Ruata si yamiu? Arawe su wallatti yamiu tawedu tinumuṛṛutta Tita udde. Anio i yamiu maapulu mamate si Ya'u?”

MALEAKHI 4:4

Naungete manga al᷊aṛṛa'u allang-Ku Musa, naungete manga tita wuṛṛu manga parenta apan Ta'u nionggolla si tou su Wowon Sinai tadea'u tattuṛṛutannu anambon umattu Israel.

NEHEMIA 10:29

I yami sarangkanambone naammulla ringannu manga piaṛṛa'i yami wuṛṛu nassalu tadea'u sidutu mabiakka tuttuṛṛutta titan Duata apan buatte nionggollu Mawu si Musa, allang-Nge. Antimanna Ruata mamontogga si yami amungkangngu i yami tawe nanipussu paaire indi. I yami nassalu sarun mapaamattu al᷊awo'u parenta, tita wuṛṛu atorannu Mawu, Ruatan kami.

1 MARARATU 15:5

Mawu na'ola'a olangnge udde ana waugu i Daud buatte nalluassa naung-Nge. I Daud tawe saran paassa tawe maddaringikka manga parentan Mawu, tumba'u su hatton Uria taumatan Het udde.

1 MARARATU 2:4

Amungkangngu i'o matuṛṛutta Mawu, i Tou sarun manipussu pa'aire-Ne manungku papapulungku sarun mamarenta Israel, sawal᷊iate i mangitou ringannu ahewallu naungnga wuṛṛu anambon pangangimanna sidutu tuttuṛṛutta manga parenta-Ne.

TAHIUL᷊E 4:29

Ana see i yamiu sarun maddea'a Mawu Ruatanu, wuṛṛu amungkangngu i yamiu maddea'a si Tou ringannu ahewallu naungngu, i yamiu sarun maasomba si Tou.

YEREMIA 22:15

Paddaringikka, ei Ratu Yoyakim! Amungkangngu i'o mapararisikku wal᷊en araratuanna ringannu alu cemaran Libanon apan apianne, apa udde tatialane manungku i'o ratu apan apianne wuassu manga ratu waine? Naunge'o iamangngu: i Tou mabbiakka su lal᷊umanna'a wuṛṛu mahessi sulal᷊ummu al᷊awo'u pinitanne, ana waugu i tou sidutu matul᷊idda wuṛṛu tawe awusune see makkuungngu hatton taumata asiangnga ringannu atatul᷊idda. Atonna etearoddi ṛinone inolaannu taumata apan masingkattu Mawu.

NEHEMIA 10:30

I yami nassalu tadea'u tawe maawingnga ual᷊al᷊o'a ringannu manga walahanna raho apan uatana'a su wanuan kami.