2 MARARATU 21:9 - WUKE SUSI WATTI'U AL᷊AL᷊USASSA

⁹ Arawe taumatan Yehuda mal᷊awanga Mawu, wuṛṛu ewe'e lai ete i Manasye na'oman sara i mangitou na'ola'a manga rosa apan al᷊eoanne wuassu rosa apan niola'u manga walahanna apan nilimbuaṛṛanu Mawu wuassu Kanaan sutempo walahannu Israel sinumutta su wanua udde.

2 MARARATU 21:9 Referans Kwoze

AMSAL 29:12

Amungkangngu tembonanne ma'imanna su watti'a awusu, mamanara sarangkanambone sarun maola'a lal᷊eo.

SONDAPPA 2:20

Arawe indi sasimba-U si yamiu: I yamiu nangonggolu naungnga si Izebel, wawine apan mangnga'u watanganne daroloṛṛannu Ruata udde. Manambote manga allang-Ku niawusuanne wuṛṛu niaṛṛaanna sussandaga wuṛṛu u'anna anna apan suete pinassubba paal᷊uanna.

YAKOBUS 4:17

Ana waugu udde, taumata apan masingkatu apapia apan ṛinone manaranne, arawe i tou tawe nammanara, taumata udde marosa.

YOHANES 15:22

Unnu wisara i Ya'u tawe nirumanta, wuṛṛu tawe namasingkattu sarangkanambone udde si mangitou, i mangitou tawe dosane. Arawe orassa indi i mangitou tawe mapassinaaddu rosa mangitou.

LUKAS 13:34

Yerusalem, Yerusalem! Manga nabi suete nipatenu! Manga ralol᷊oṛṛannu Ruata suete tinuntungannu watu na'oman sara nate! Paapirate i ya'u ma'apulu mangammullu anambon tumana'u soa indi ere inangngu manu'a mangooppa manga anangnge sulal᷊ummu papaidde, arawe i'o maddiri!

HOSEA 5:11

Israel niallangnga; i tou niawul᷊iannu tahuanne su letangnge sassane, ana waugu i tou mangke mammata'a ma'iontolla si sai apan ṛinone wotongnge mangontolla si tou.

DANIEL 9:6

I yami tawe maddaringikka manga nabi, manga allang-Ngu udde, apan buatte nabbisara ringanu aran-Nu su manga ratun kami, su manga piaṛṛa'a manga al᷊amona wuṛṛu su anambon walahanni yami.

NEHEMIA 9:26

Arawe uman-Nu nilumawangnga wuṛṛu tate tumuṛṛutta Si'o, tawe maddaringikka tita wuṛṛu atoran-Nu, namate manga nabi apan napaanaungngi mangitou, wuṛṛu apan nadolokki mangitou mabbelengnga ringan-Nu, Ruatane. Oh Mawu, masokka lai I'o lallobbosanni mangitou,

2 TAWARIKH 36:16

Arawe i mangitou mannalangnga manga daroloṛṛannu Ruata udde, wuṛṛu lullagen manga nabi-Ne see lai tawe maddaringikka manga wisara-Ne. Panginsueanne Mawu aroddi nasa'u si mangitou na'oman sara tate dal᷊anna sabbanganni mangitou tadea'u mapallossa wuassu ṛuuman-Ne.

2 TAWARIKH 33:9

Manasye naaola'a tumana'u Yerusalem na'ola'a manga rosa maddal᷊eoanna wuassu rosa apan buatte niola'u manga walahanna apan nilimbuaṛṛannu Mawu wuassu Kanaan sutempo al᷊aṛṛana'u Mawu sinumutta su wanua udde.

1 MARARATU 14:16

Mawu sarun manantangngu Israel ana waugu i Yerobeam buatte na'ola'a rosa wuṛṛu naaola'a lai taumatan Israel narosa.”

YEHEZKIEL 16:47

Nawusatewe i'o uatantuṛṛutta ual᷊aṛṛeggenna lempangngi mangitou wuṛṛu mangaṛṛussa pallal᷊agu mangitou apan ma'arantinna udde? Taambe! Tate mal᷊annu lai i'o ewe'e a'atambannu al᷊al᷊eone wuassi mangitou.

DARALO 81:10

Imbaṛṛangnga suwallati yamiu pia mawu waine, imbaṛṛangnga massubba mawu awagananna.

DARALO 12:8

Taumata lal᷊eo mammal᷊apiddu al᷊awo'u tampa, al᷊al᷊eo raddaloannu al᷊awo'u taumata. Arawe I'o uasirungnga si yami, oh Mawu, lu'arewe i yamiu su saruannu manga taumata lal᷊eo udde.

2 MARARATU 21:10

Ana waugu udde sulal᷊ummu manga nabi, manga allangu Mawu, Mawu nabbisara,

YEHEZKIEL 5:7

Mawu Apan Atanggaṛṛanne nabbisara, “Ei Yerusalem, paddaringikka! I'o tawe tinumuṛṛutta manga parenta-U wuṛṛu manga tita-U; i'o lembon mal᷊awangnga wuassu manga walahanna apan uapal᷊iwutta si'o, wuṛṛu nangaṛṛusse addattu manga walahanna udde.

1 SAMUEL 8:19

Arawe walahanna udde maddiri maddaringikka wisaran Samuel, ewe'e lai i mangitou nabbisara, “Wala'e! Salaiwe maola'a ereapa yami maapulun datu.

2 MARARATU 16:3

I tou mabiakka ere manga ratun Israel, manungku mangonggolu parinsine sassane maola'a sasamba su monganna, tumuṛṛuttu anaramanna lal᷊eo wuassu manga taumata apan bautte nilimbuaṛṛannu Mawu wuassu wanua Kanaan sutempo taumatan Israel namanuate su wanua udde.

YEHEZKIEL 5:6

Arawe Yerusalem buatte nanol᷊a'u parenta-U wuṛṛu inauranna maddal᷊eoanna wuassu manga araratuanna apan uapal᷊iwutta si tou. Yerusalem nilumawangnga manga parenta-U wuṛṛu maddiri tumuṛṛutta manga tita-U.”

YEHEZKIEL 11:12

Ne i yamiu masingkatte manungku ete i Ya'u Mawu wuṛṛu i yamiu Ta'u iṛṛuumanna ana waugu buatte nilumawangnga manga parenta-Ku ringannu tuttuṛṛutta manga titan balahanna maraninu.”

YEHEZKIEL 22:3

Mawu Apan Atanggaṛṛanne nandolo'u niapapasingkattu tanata indi su Yerusalem, “I'o nassal᷊a ana waugu buatte namate wuassu tumanangngu sassane, wuṛṛu buatte nandal᷊eo watangannu ringannu massubba manga paal᷊uanna niolangngu sassane. Ana waugu udde tempo pakkuungannu maranite wuṛṛu su ola'u watangannu maranite masue. I'o Ta'u iwala maola'a punnu aal᷊uandaga wuṛṛu papal᷊age su manga walahanna wuṛṛu su anambon banua.