2 MARARATU 21:7 - WUKE SUSI WATTI'U AL᷊AL᷊USASSA

⁷ Hambarannu Monganni Asyera niaddo su Wal᷊en Mawu, sumbal᷊i su ola'u tampa udde Mawu buatte nabbisara si Daud wuṛṛu si Salomo anangnge, “Wal᷊e-U wuṛṛu soan Yerusalem indi, buatte Ta'u nipile wuassu wallatu leta'u siri mapul᷊o dua ruangannu Israel, eteudde tampa apan nipile-U, maola'a tampa patataṛṛamawuanna si Ya'u.

2 MARARATU 21:7 Referans Kwoze

2 TAWARIKH 7:16

Sarangkanambone udde sarun Ta'u olaanna ana waugu tampa indi buatte Ta'u nipile wuṛṛu Ta'u niṛṛae maola'a tampa patataṛṛamawuanna si Ya'u saran mal᷊annu-l᷊annu. I Ya'u sarun ma'ellega wuṛṛu mallu'adda su al᷊o'engngu tempo.

1 MARARATU 9:3

Mawu nabbisara si tou, “Aal᷊iomannu buatte Ta'u niraringiṛṛanna, wuṛṛu ringannu indi wal᷊en apan buatte naiapararisikku indi Ta'u isaggo tampa al᷊aṛṛaene hunan patataṛṛamawuanna si Ya'u saran mal᷊annu-l᷊annu. I Ya'u sidutu ua'ellega wuṛṛu ual᷊u'adda tampa indi.

1 MARARATU 8:29

Antimanna allo ṛabbi I'o ual᷊u'adda wal᷊en indi apan buatte nipile-Nu maola'a tampa patataṛṛamawuanna Si'o. Antimanna wuassu tampa atatanaan-Nu su surga I'o maddaringikka wuṛṛu mangampungnga si ya'u see lai uman-Nu napawe yami sumaruanna wal᷊en indi wuṛṛu umal᷊iomanna Si'o.

YEREMIA 32:34

Ewe'e lai wal᷊en apan niola'a hunan tampan patataṛṛamawuanna si Ya'u buatte niluhuranni mangitou ringannu pinangaddoannu manga paal᷊uanni mangitou apan maarantinna su tampa udde.

NEHEMIA 1:9

Arawe amungkangngu i yami mabbelengnga apia ringan-Nu wuṛṛu tumuṛṛutta manga parenta-Nu, ne i yami apan nassal᷊iawukke udde sarun iammullu Mawu apia, salaiwe i yami uatana'a su manga pentakku runia. See i yami sarun iweleng-Ngu watukku tampa apan buatte nipile-Nu maola'a tampa patataṛṛamawuanna Si'o.

2 TAWARIKH 33:15

I tou nandammen manga paal᷊uannu mongannu walahanna waine see lai manga paal᷊uanna apan buatte niaddone su Wal᷊en Mawu. I tou nanggohakku manga mezbah pasasubbanna su wuiddu Wal᷊en Mawu, wuṛṛu su manga tampa waine su Yerusalem. Sarangkanambone udde niapidde watukku liuddu soa ana see niramme.

2 TAWARIKH 33:7

Paal᷊uanna sassubbanna niaddone sulal᷊ummu Wal᷊en Mawu, sumbal᷊i su ola'u tampa udde Ruata buatte nabbisara si Daud wuṛṛu si Salomo anangnge, “Wal᷊e-U su Yerusalem indi, apan buatte Ta'u nipile suwallattu mapul᷊o dua leta'u ṛuangannu Israel, eteudde tampa apan Ta'u tinantunna maola'a tampa patataṛṛamawuanna si Ya'u saran mal᷊annu-l᷊annu.

2 TAWARIKH 7:20

ne i Ya'u sarun mapasabbangngi yamiu wuassu wanua apan buatte Ta'u nionggola si yamiu. I Ya'u lai sarun manantangngu wal᷊en indi apan buatte Ta'u niatokka maola'a tampa patataṛṛamawuanna si Ya'u. Su al᷊awo'u tampa wal᷊en indi sarun al᷊uandahanna wuṛṛu ilallage.

2 TAWARIKH 7:12

Mawu naipasilon batangan-Ne apia si tou sutempo ṛabbi. Mawu nabbisara si tou, “Aal᷊iomannu buatte niraringiṛang-Ku wuṛṛu i Ya'u namarimmatu Wal᷊en indi maola'a tampa apan apianne pangonggol᷊annu sasamba si Ya'u.

2 MARARATU 23:27

Mawu nabbisara, “Sarangkanambone apan buatte Ta'u niola'a su saruannu Israel. Sarun Ta'u olaanna lai su saruannu Yehuda. Taumatan Yehuda sarun Ta'u iramme wuassu wanua apan Ta'u ionggola si mangitou. I Ya'u sarun manol᷊a'u Yerusalem, soa apan nipile-U, wuṛṛu lai wal᷊e-U indi, apan tumuṛṛuttu wisara-U sarun maola'a tampa patataṛṛamawuanna si Ya'u.”

2 MARARATU 23:6

Paal᷊uannu Dewi Asyera niapasabbangi tou wuassu, Wal᷊en Mawu, wuṛṛu niapidda su liuddu soa watukku Wawal᷊annu Kidron. Poiaroddi paal᷊uanna udde nitutunga, ana see munsinge tinumma'a al᷊ussa, wuṛṛu awune nisal᷊iawukka su labbingu awada'alla.

2 MARARATU 21:4

Mawu buatte nabbisara manungku udde tampan daranta-Ne wuṛṛu tampan patataṛṛamawuanna si Tou, arawe poiaroddi su Wal᷊en Mawu, i Manasye buatte napararisikku manga mezbah hunan manga monganna.

TAHIUL᷊E 16:21

Amungkangngu i yamiu ma'ola'a mezbah Mawu Ruatanu, imbaṛṛangnga mangaddon paal᷊uanna sassubbanna wuassu alu hahambaranni Asyera su sambaane,

DARALO 74:2

Naungewe al᷊aṛanang-Ngu apan nipile-Nu ro'en dorone, walahanna apan nipallossu Mawu tadea'u maola'a pussa'a-Nu. Naungewe Wuiddu Sion, apan niolang-Ngu tampa atatanaan-Nu.

1 MARARATU 9:7

ne i Ya'u sarun mallimbuakka uma-U wuassu wanua apan buatte Ta'u nionggolla si mangitou. I Ya'u lai sarun manantangngu wal᷊en indi apan buatte Ta'u nitantunna maola'a tampa patataṛṛamawuanna si Ya'u. Suapan tampa taumatan Israel sarun lobbosanna wuṛṛu ilallage.

1 MARARATU 8:44

Amungkangngu I'o mamarenta uman-Nu inai mapapangalo lumawangnga seetta, ana see su anambon tampa i mangitou isudde, i mangitou sumaruanna watukku soa apan nipile-Nu indi wuṛṛu umal᷊iomanna uasaruanna wal᷊en indi apan buatte ta'u niola'a Si'o,

2 MARARATU 23:4

Wua'udde ratu namarenta si Imam Bahewa Hilkia, manga imam masasumbalane, manga mandariaga apan mammanara su ngaran Wal᷊en Mawu, tadea'u niapasabbanga wuassu Wal᷊en Mawu anambon saranapa apan nipaatta ipassubba si Baal, Dewi Asyera, wuṛṛu manga anumpitanna. Anambon saranapa udde nitambunni Ratu Yosia su liuddu soa maranin Bawal᷊annu Kidron, ana see awune niapidda watukku Betel.

YEHEZKIEL 23:38

Wuṛṛu wal᷊ine tumba'u udde. Itarua lai nalluhudda Wal᷊e-U wuṛṛu allon Sabat apan buatte Ta'u nitantunna udde.

2 MARARATU 16:11

Ne i Uria napararisikku sambau mezbah uasul᷊ungu hambaranna wuṛṛu uuṛṛanne apan nisengkammi tou udde, wuṛṛu niinsue tantal᷊anna i Ahas taambe nawelenga.

DARALO 78:58

I mangitou maannamma Ruata ringannu tampa passubbanna, wuṛṛu na'ola'a si Tou nasa'u ringannu manga paal᷊uanni mangitou.

YEREMIA 7:30

Taumatan Yehuda buatte na'ola'a al᷊al᷊eo. Manga paal᷊uanni mangitou apan ipaddanting-Ku udde buatte niaddon mangitou sulal᷊ummu Wal᷊e-U, na'oman sara nal᷊al᷊eote wal᷊en udde.