Biblia Todo Logo
Bib sou entènèt

- Piblisite -




2 MARARATU 21:3 - WUKE SUSI WATTI'U AL᷊AL᷊USASSA

3 Manga tampa pasasubbanna monganna apan buatte nihohakki Hizkia iamange niapararisikki tou apia. I tou na'ola'a manga mezbah patataṛṛamawuanna si Baal, wuṛṛu nallanginnu paal᷊uannu Monganni Asyera, ere buatte niola'i Ahab ratun Israel. I Manasye lai massubba manga anumpitanna.

Gade chapit la Kopi




2 MARARATU 21:3
23 Referans Kwoze  

I tou nanggohakku manga tampa pasasubbanna monganna, wuṛṛu napaaṛṛaan manga palene see lai nanggohakku manga paal᷊uannu Mongannu Asyera. I tou lai nakkimunsa'a atoanna witu'a niola'i Musa apan isassago Nehustan. Ana waugu naddatingngu tempo udde, taumatan Israel ta'e mannutunga amania ipangaddata atoanna witu'a udde.


I mangitou nilumawanga anambon titan Mawu, Ruatan mangitou, wuṛṛu na'ola'a darua sapi wuassu logam subbanni mangitou. I mangitou nallanginnu paal᷊uannu Monganni Asyera, massubba manga winatanga wuṛṛu mattaṛṛamawu Mongannu Baal.


wuṛṛu parenta-Ne ringannu massubba wuṛṛu massuṛṛubawa su manga Mawu waine ara'e su matannallo, wul᷊anna ara'e manga anumpitanna,


Ariete i yamiu marosa ana waugu massubba wuṛṛu mattaṛṛamawu su al᷊awo'u apa apan niasiloanni yamiu su langitta; matannallo, wul᷊anna wuṛṛu manga anumpitanna. Mawu Ruatanu namalan manga walahanna waine massubba manga saranapa udde.


Sarangkanambone udde mariaddi ana waugu i yamiu tuttantalongnga manga inolaanni Ratu Omri wuṛṛu anangnge apan dal᷊eo, eteudde Ratu Ahab. I yamiu mattanno manga pallal᷊aghun mangitou. Ana waugu udde i Ya'u sarun makkimunsa'a si yamiu, wuṛṛu i yamiu sarun al᷊uandahanna wuṛṛu lobbosannu al᷊awo'u walahanna.”


Taambe saran paassa i ya'u nassubba matannallo lukkena masemakka ara'e wul᷊anna apan semakke maṛṛamagga.


Napawe 8 tonna i Yosia naola'a ratu, su uukka ta'e dario'a, i Yosia nanattakke mattaṛṛamawu Ruata apan sassubbanni Ratu Daud iupungnge. Appattu tonna wua'udde i tou nanattakke nanggohakku manga tampa passubbanna paal᷊uanna, manga paal᷊uannu Monganni Asyera, wuṛṛu manga paal᷊uanna waine.


Ete i tou apan manggohakku manga tampan patataṛṛamawuanna wuṛṛu manga mezbah Mawu, ana see mandolokku taumatan Yehuda wuṛṛu Yerusalem mattaṛṛamawu wuṛṛu manambunnu amania tumba'u su mezbah sambau.


Wua'udde tembonannu tantaran Asyur udde nabbisara, “Ara'e asinungka i yamiu mabbisara manungku i yamiu uaantimma Mawu, Ruatanu? Sutempo i Hizkia namarenta tadea'u taumatan Yehuda wuṛṛu Yerusalem tumba'u mattaṛṛamawu su saruannu mezbah su Yerusalem, wal᷊inewe apan nihohakke udde mezbah wuṛṛu manga tampa passubbanna Mawu sassane?


Ana waugu wuassu pa'a'awinge udde, i Ahazia pia pa'a'aukku amonanna ringannu amonanni Ratu Ahab. I Ahazia na'ola'a rosa su Mawu nassul᷊ungu ere lai niola'u amonanni Ahab.


I tou naawingu ana'i Ahab, wuṛṛu ere lai buatte niola'u amonanni Ahab, i tou lai na'ola'a rosa su saruannu Mawu ere manga ratun Israel.


Ne i mangitou namile sambau sapi wuṛṛu nanaddiate. Wua'udde i mangitou niumal᷊iomanna si Baal wuassu marua allo naddatingngu allattune lapiddu mangngintul᷊i, “Simbakke si yami, Baal!” I mangitou ma'ola'a udde lapiddu massal᷊aingnga uapal᷊iwutta mezbah mangitou. Arawe tawe sasimbakka saran addio'a.


Ana see i Elia nangundanin tumana'a udde wuṛṛu nabbisara, “Ma'oman sara tingngera i yamiu sidutu naungnga uapapaddua? Amungkangngu Mawu udde Ruata, passubbate Mawu! Amungkangngu Baal udde Ruata, passubbate si Baal!” Tumana'a apan uasemodda isudde mangke mal᷊annabba.


Amungkangngu i yamiu ma'ola'a mezbah Mawu Ruatanu, imbaṛṛangnga mangaddon paal᷊uanna sassubbanna wuassu alu hahambaranni Asyera su sambaane,


Napawe i yamiu maaringikka manungku suwallatu manga soanu pia taumata apan marosa su saruannu Mawu Ruatanu ana waugu nilumawangnga pa'aire


Patete i mangitou, tadea'u i mangitou tawe maarosa si yamiu su saruannu Mawu Ruatanu wangu i mangitou mangaṛṛa'a si yamiu ma'ola'a manga inolaanna apan ma'arantinna wuassu manga mawun mangitou.


Taumatan Yehuda buatte na'ola'a al᷊al᷊eo. Manga paal᷊uanni mangitou apan ipaddanting-Ku udde buatte niaddon mangitou sulal᷊ummu Wal᷊e-U, na'oman sara nal᷊al᷊eote wal᷊en udde.


Salaiwe aroddi taumatan Israel sidutu ma'ola'a rosa apan tinattakka wuassi Ratu Yerobeam. I mangitou sidutu ma'ola'a rosa udde, wuṛṛu namalan paal᷊uannu monganni Dewi Asyera sidutu sasahipunanni mangitou su Samaria.


Arawe wal᷊ine aroddi pal᷊addu manga taumata apan nanantang-Ku, apan tawe pandumme su Sion, wui-U apan susi, apan mannengokku anna si Gad wuṛṛu si Meni, manga mongannu auntunganna wuṛṛu pal᷊addu taumata.


Swiv nou:

Piblisite


Piblisite