2 MARARATU 21:23 - WUKE SUSI WATTI'U AL᷊AL᷊USASSA

²³ Manga mammamanaran araratuanni Ratu Amon na'ammula mando'appa si tou wuṛṛu mamate si tou su wal᷊en araratuanna.

2 MARARATU 21:23 Referans Kwoze

2 MARARATU 15:30

Su tonna aruam pul᷊one sutempo i Ratu Yotam ana'i Uzia uaparenta su Yehuda, i Hosea ana'i Ela na'ammula mando'appa si Ratu Pekah wuṛṛu namate si tou, ana see naola'e ratu nallol᷊ossa si tou.

2 MARARATU 15:25

Sangkatou suwallatu manga tembonannu tantarane, eteudde i Pekah ana'i Remalya, naammulu siri 50 su atoune wuassu Gilead. Ana see sulal᷊ummu sambau tanda'a watu su wal᷊en araratuannu Samaria i mangitou namate si Pekahya wuṛṛu ruan katou waine aranne Argob wuṛṛu i Arye. Wua'udde i Pekah naola'e ratu nallol᷊ossa si Pekahya.

1 MARARATU 16:9

I Zimri, sangkatou tembonannu tantara apan uapiaṛṛa'u sambageanganna wuassu tantaran uasa'e kereta, nassanggal᷊oma maddea'a lumawangnga si Ela. Su allo sambau su Tirza, Ela mangke ma'inumma na'oman sara niwu'anne su wal᷊en Arza, tembonannu amonannu araratuanna.

1 MARARATU 15:27

I Baesa, ana'i Ahia, wuassu ruanganni Isakhar na'ammulla lumawangnga si Nadab, ana see namate si tou. Sutempo udde i Nadab wuṛṛu tantarane tantal᷊anna mammangalo soan Gibeton su wageangngu leta'u Filistin.

2 MARARATU 9:27

I Ahazia naasilo apa apan buatte nariaddi, ne i tou nantal᷊angu keretane watukku soan Bet-Hagan. I Yehu nangenggenna si tou wuṛṛu nangintul᷊i tantarane, “Pate lai tou!” I mangitou namiti'a si tou wuṛṛu nallessa sulal᷊anna mattudda watukku Gur, maranin soan Yibleam. Arawe i tou naatal᷊angu watanganne na'oman sara su Megido, wuṛṛu isudde i tou nate.