2 MARARATU 21:14 - WUKE SUSI WATTI'U AL᷊AL᷊USASSA

¹⁴ Tumanange apan ta'e natantanga sarun Ta'u iwala maola'a inassu seenne, apan sarun malluatta laubba wuṛṛu mangaṛṛo wanuan mangitou.

2 MARARATU 21:14 Referans Kwoze

YEREMIA 23:33

Mawu nabbisara, “Yeremia, amungkangngu pia sangkatou wuassu uma-U, ara'e sangkatou nabi ara'e imam maiwal᷊o si'o, ‘Apa tanatan Mawu?’ I'o ṛinone sumimbakka, ‘Ete i'o winabbawan Mawu; ana waugu udde i'o sarun iramme Mawu.’

2 MARARATU 19:4

Ratun Asyur buatte nandolokku sangkatou tembonannu tantara atanggaṛṛanne niapal᷊obbosa Ruata apan biakka. Isai masingkata Mawu Ruatanu naaringikke lal᷊obbosa udde, wuṛṛu sarun makkuumanni mangitou apan nabbisara! Ana waugu udde a'al᷊iomante su Ruata hunan manga taumatan kite apan ta'e wiakka.”

AMOS 5:2

Nanawote Israel apan ta'e parawanna, i tou sarun tate maarisikka apia! Su wowon letangnge sassane i tou niwala taweddu massumbala si tou dumarisikka.

LAL᷊ALLU 5:20

Anio I'o nanantangngi yami aroddi al᷊annune? I'o naabul᷊iten kami su al᷊o'engngu tempo?

LAL᷊ALLU 1:10

Al᷊awo'u darotongnge buatte niaṛṛon manga seenne. I tou ewe'e lai ṛinone ma'ellega si mangitou sumutta Wal᷊en Duata, sambau inolaanna apan isassingaddu Mawu su taumata apan wal᷊ine uman-Ne.

LAL᷊ALLU 1:5

Manga seenne lullala'a ana waugu napamarenta si mangitou. Mawu na'ola'a i tou uatataṛṛangnga, ana waugu tumaniten manambo rosane. Tumanangnge buatte nitawanna, wuṛṛu niapidda su pamuanganna.

YEREMIA 12:7

Mawu nabbisara, “Tampa atatanaang-Ku tate lai iṛṛingi-U, wanua apan maola'a pussa'a-U buatte nitantang-Ku, wuṛṛu uma-U apan arangnguang-Ku buatte Ta'u nitantilla su lima manga seenne.

YESAYA 10:6

I Ya'u nandolokku Asyur niapapangalo pabbawala-U apan massinaadda wuṛṛu ma'ola'a si Ya'u nasa'u. I Ya'u nanddolokku Asyur iapaaṛṛo wuṛṛu iapata'o se'e iapaṛṛinda pabbawala-Ku ere awu su lal᷊anna.”

DARALO 37:28

Ana waugu Mawu marangngu inolaanna apan mapia wuṛṛu matul᷊idda, taumata apan matuṛṛutta si Tou tawe niwala-Ne su asasusa. I Tou ual᷊u'adda si mangitou saran mal᷊annu-l᷊annu, arawe papapulunnu taumata lal᷊eo sarun ṛaddaanna.

2 TAWARIKH 15:2

na'oman sara i tou inaite naisasomban Ratu Asa, wuṛṛu nabbisara, “Ei Ratu Asa, tumana'u Yehuda wuṛṛu Benyamin sarangkanambone! Paddaringikka! Mawu maraninu amungkangu i yamiu maranin Tou. Amungkangu i yamiu maddorongnga tatantiron Mawu, i Tou sarun mangonggola. Arawe amungkangu i yamiu tawe maddaringikka si Tou, i Tou lai tawe maddaringikka si yamiu.

2 MARARATU 24:2

Mawu nandolokku manga tantaran walahannu Babel, Siria, Moab wuṛṛu Amon niaparo'appa si Yoyakim wuṛṛu niapaṛṛimunsa'a Yehuda nassul᷊ungu ere buatte nipasingkatu Mawu su manga nabi allang-Nge.

TAHIUL᷊E 31:17

Amungkangngu udde mariaddi, i Ya'u sarun masa'u nipangillembo su saruanni mangitou. I mangitou sarun Ta'u itantangnga wuṛṛu Ta'u pateanna. Manambo asasusa apan masaddata maṛṛia'a si mangitou, ana see i mangitou maatutukka manungku sarangkanambone udde nariaddi ana waugu i Ya'u, Ruatan mangitou, tate lai ual᷊u'adda si mangitou.

TAHIUL᷊E 28:48

Ana waugu udde i yamiu ṛinone mattaṛṛamawu manga seennu apan nirolokku Mawu iaparoappa si yamiu. I yamiu sarun amal᷊unusanna, marou wuṛṛu matantol᷊e wuṛṛu sidutu awussa sulal᷊ummu al᷊awo'u inolaanna. Mawu sarun makkuumanni yamiu ringannu maṛṛagissa ma'oman sara i yamiu mate.

TAHIUL᷊E 28:25

Amungkangngu i yamiu tawe maddaringikka Mawu Ruatanu, i Tou sarun ma'ola'a si yamiu mawaddo su manga seennu. I yamiu sarun mamangalo ringannu uaatokka arawe tumal᷊angnga ringannu uasongkakka. Anambon balahannu su runia sarun maapendamma atata'utta maasilo asasusanu.

IMAMATTA 26:17

I yamiu sarun Ta'u iṛṛuumanna, na'oman sara i yamiu lawaddon manga seennu wuṛṛu paparentannu manga taumata maddantinnu. I yamiu mabbal᷊i lembon matta'utta na'oman sara i yamiu tumal᷊angnga, salaiwe taweddu.

2 MARARATU 21:13

Yerusalem sarun Ta'u iṛṛuumanna ere lai Ya'u nakkuumannu Samaria wuṛṛu i Ahab ratun Israel see lai papapulunne. Yerusalem sarun Ta'u waresianna ere lama'a apan buatte niukkassa wuṛṛu nilaabba.

2 MARARATU 21:15

Sarangkanambone sarun Ta'u olaanna su saruannu walahangKu ana waugu i mangitou buatte na'ola'a rosa su saruang-Ku wuṛṛu nandal᷊eo naungku ro'en al᷊amonan mangitou sinumabbanga wuassu Mesir naddatingngu allo indi.”

2 MARARATU 23:27

Mawu nabbisara, “Sarangkanambone apan buatte Ta'u niola'a su saruannu Israel. Sarun Ta'u olaanna lai su saruannu Yehuda. Taumatan Yehuda sarun Ta'u iramme wuassu wanua apan Ta'u ionggola si mangitou. I Ya'u sarun manol᷊a'u Yerusalem, soa apan nipile-U, wuṛṛu lai wal᷊e-U indi, apan tumuṛṛuttu wisara-U sarun maola'a tampa patataṛṛamawuanna si Ya'u.”

YEREMIA 44:27

I Ya'u sarun maddea'a lal᷊anne tadea'u i yamiu masilaka wuṛṛu tawe su lal᷊umanna'a, ma'oman sara i yamiu mate abbi, mawae sulal᷊ummu pangalo aroddi lai ana waugu al᷊aṛṛusa'itta.

2 MARARATU 17:18

na'oman sara i Tou nasa'u atonna si mangitou wuṛṛu tate lai ma'ellega si mangitou. I Tou nandammen mangitou wuassu leta'a apan nionggoli Tou si mangitou; apan natantanga tumba'u araratuannu Yehuda.

2 MARARATU 17:19

Manga taumatan Yehuda lai tawe tumuṛṛutta manga titan Mawu, Ruatan mangitou. I mangitou mattanno manga innanaramannu taumatan Israel,

2 MARARATU 17:20

ne Mawu lai tate nanga'u anambon walahannu Israel. I Tou nakkuumanna wuṛṛu nanantili mangitou su manga seetti mangitou apan mal᷊aṛṛaga. I Tou tate lai umakkanni mangitou, ewe'e i mangitou niramme wuassu leta'a apan buatte nionggoli Tou si mangitou.

2 MARARATU 17:23

na'oman sara panginsueanne Mawu tate lai ma'ellega si mangitou, ewe'e i mangitou niramme wuassu leta'a apan nionggoli Tou si mangitou. Udde nariaddi uasul᷊ungu tatagu apan nionggolu Mawu si mangitou wuassu manga allang-Nge, manga nabi. Etearoddi taumatan Israel niapidda su pamamuangana su Asyur, wuṛṛu ete isudde i mangitou namanua naddatingu allo indi.

DARALO 74:1

Antari tatantiro Asaf. O Ruata, sarangkal᷊o'engnge I'o manantangngi yami? Anio I'o sidutu massa'u al᷊aṛṛanang-Ngu sassane?

YEREMIA 19:7

Sutampa indi Ya'u sarun manal᷊are anambon hol᷊agu taumatan Yehuda wuṛṛu tumana'u Yerusalem. I mangitou sarun Ta'u iwala iwaddo manga seetti mangitou wuṛṛu pateanna sulal᷊ummu pangalo. Winal᷊unanni mangitou sarun Ta'u iwala inasannu manu'u winalanganna wuṛṛu winatangnga mal᷊aṛṛaga.