2 MARARATU 21:13 - WUKE SUSI WATTI'U AL᷊AL᷊USASSA

¹³ Yerusalem sarun Ta'u iṛṛuumanna ere lai Ya'u nakkuumannu Samaria wuṛṛu i Ahab ratun Israel see lai papapulunne. Yerusalem sarun Ta'u waresianna ere lama'a apan buatte niukkassa wuṛṛu nilaabba.

2 MARARATU 21:13 Referans Kwoze

LAL᷊ALLU 2:8

Mawu buatte nakkawessa manungku manga darandungngu Sion ṛinone iṛṛa'a. Manga darandungnga udde buatte niuuṛṛan-Ne, tadea'u sarangkanambone wotongnge iṛṛa'a-Ne. Manga darandungnga wuṛṛu manga candi, orassa indi nabbal᷊ite tuidda abbi.

YESAYA 34:11

Manu'a tamingnga wuṛṛu landak sarun mamanua isudde, mammeo wuṛṛu gagak sarun matana'a poiaroddi. Mawu sarun ma'ola'a leta'a udde al᷊iba'ukka wuṛṛu tawe loṛṛone ere taambe niriaddi paarorone.

YEREMIA 25:9

‘I Ya'u sarun mamaggo anambon balahanna wuassu sawannakka, wuṛṛu lai allang-Ku, i Nebukadnezar ratun Babel. I mangitou sarun Ta'u parentanna iapapangalo mando'appa Yehuda wuṛṛu tumanangnge see lai al᷊awo'u walahanna maranine. Walahannu Yehuda suadio'a ringannu manga walahanna al᷊indonganne sarun Ta'u pateanna wuṛṛu Ta'u iwala maṛṛimunsa'a saran mal᷊annu-l᷊annu. Manga taumata apan naasilo udde sarun ṛumindu'a wuṛṛu maapendamma atata'utta. I Ya'u, Mawu, buatte nabbisara.

YESAYA 28:17

Atatul᷊idda Ta'u olaanna tal᷊i auukka, wuṛṛu apapia Ta'u olaanna tal᷊in passaranna.” Uranna watu sarun mamaresi anambon bawahia apan pangngartimanna ara'e ia'asakki yamiu. Manawangnga sarun mangonoddu tampa pa'imbuniannu.

YESAYA 10:22

Salaiwe taumatan Israel orassa indi anambone uasul᷊ungngu anne su apanne, tumba'u manga pirang katou apan mawelengnga. Ṛuumannu Mawu maranite, wuṛṛu atonna se'e lai matul᷊idda walahanna udde pateanna.

2 MARARATU 10:11

Wua'udde i Yehu namate anambon tuṛṛangi Ahab waine apan uatana'a su Yizreel, wuṛṛu anambon mamanarane, manga hawene, wuṛṛu manga imam; tawe sangkatou apan niwala wiakka.

ZAKARIA 1:16

Orassa indi i Ya'u mabbelengke su Yerusalem tadea'u mangonggollu pangangampunga su soa udde. Wal᷊e-U sarun iapararisikka apia wuṛṛu soan Yerusalem sarun isul᷊e apia.”

YESAYA 14:23

Babel sarun Ta'u olaanna wiso apan atatanaannu manu'a mammeo. Babel sarun Ta'u waresianna. I Ya'u, Mawu Apan Lembontaṛṛino, buatte nabbisara.”

2 MARARATU 17:6

– apan maola'a tonna assione sutempo i Hosea uaparenta – i Salmaneser naapangaṛṛo Samaria. Ana see taumatan Israel niapidda naola'a ere taumata niawawi watukku Asyur. Sambageanganna wuassi mangitou niapaatana'a su soan Halah, sambageanganna maranin Sal᷊ukku Habor su leta'u Gozan, wuṛṛu sambageanganna lai su manga soa wanua Madai.

1 MARARATU 14:10

Ana waugu udde i Ya'u sarun mandantan asasilaka su amonannu. Anambon papapulunnu esakka, salaiwe apa manarane, sarun pateanna. I Ya'u sarun mamul᷊in amonannu, ere lai taumata apan mannapu sapadda na'oman sara nawaresi.

2 MARARATU 21:14

Tumanange apan ta'e natantanga sarun Ta'u iwala maola'a inassu seenne, apan sarun malluatta laubba wuṛṛu mangaṛṛo wanuan mangitou.

2 MARARATU 23:27

Mawu nabbisara, “Sarangkanambone apan buatte Ta'u niola'a su saruannu Israel. Sarun Ta'u olaanna lai su saruannu Yehuda. Taumatan Yehuda sarun Ta'u iramme wuassu wanua apan Ta'u ionggola si mangitou. I Ya'u sarun manol᷊a'u Yerusalem, soa apan nipile-U, wuṛṛu lai wal᷊e-U indi, apan tumuṛṛuttu wisara-U sarun maola'a tampa patataṛṛamawuanna si Ya'u.”

YEHEZKIEL 7:5

Ete indi apan niwal᷊on Mawu Apan Atanggaṛṛanne su walahannu Israel, “Asasisalaka sansunannu asasilaka sarun maṛṛia'a si yamiu.

2 MARARATU 9:8

Amonanne sarangkanambone wuṛṛu ana'a pulunni Ahab ṛinone mate. Suapan taumata esakka mawae timmade ara'e dario'a sarun Ta'u pateanna.